Cinema Updates : கல்கி முதல் வணங்கான் வரை.. இன்று வெளியான சினிமா அப்டேட்ஸ்!

Cinema Update : சூது கவ்வும் 2 , புஷ்பா 2, இந்தியன் 2 ஆகிய மூன்று படங்களில் இருந்து ஒவ்வொரு பாடல் வெளியாகியுள்ளது.

சினிமா அப்டேட்ஸ்

பி ஸ்டுடியோஸ் தயாரிப்பில் பாலா இயக்கத்தில் அருண் விஜய் நடித்துள்ள படம் வணங்கான். இந்த படத்திற்கு ஜி வி பிரகாஷ் குமார் இசையமைத்துள்ளார். கடந்த மாதம் படத்தின் படப்பிடிப்பு நிறைவடைந்த நிலையில், ஜூலை மாதத்தில் படம் வெளியாகும் என கூறப்படுகிறது.

"நான்சென்ஸ்" படத்தை இயக்கிய எம் சி ஜிதின், நஸ்ரியாவை வைத்து "சூக்ஷ்ம தர்ஷினி" என்ற படத்தை இயக்கவுள்ளார். நஸ்ரியா இரண்டு ஆண்டுகளுக்கு பிறகு மீண்டும் நடிக்கவுள்ளார் என்பது குறிப்பிடத்தக்கது.

பனி என்ற படத்தின் மூலம் இயக்குநராக அறிமுகமாகிறார் ஜோஜி ஜார்ஜ். இது திரில்லர் படமாக இருக்கலாம் என்று கூறப்படுகிறது.

பிரபாஸ், கமல்ஹாசன், அமிதாப் பச்சன், திஷா பதானி ஆகியோர் நடித்துள்ள படம் கல்கி 2898 AD . இந்த படம் வருகின்ற ஜூன் 27 வெளியாகும் என படக்குழு அறிவித்துள்ளது.

சூது கவ்வும் 2 படத்தின் "பேட் பாய் மிஷன்" என்ற பாடல், புஷ்பா 2 படத்தின் "சூடான தீ" என்ற பாடல், இந்தியன் 2 படத்தின் “நீலோற்பம்" என்ற பாடல் இன்று வெளியாகியுள்ளது.