Vignesh Shivan: ‘அம்மா என் முகவரி நீ அம்மா என் முதல் வரி நீ அம்மா..’ உருக்கமாக பதிவிட்ட விக்னேஷ் சிவன்!

Vignesh Shivan : விக்னேஷ் சிவன், தனது தாயாருக்கு பிறந்தநாள் வாழ்த்து சொல்லும் விதமாக தனது இன்ஸ்டாகிராம் பக்கத்தில் புகைப்படங்களுடன் உருக்கமாக பதிவிட்டுள்ளார்.

விக்னேஷ் சிவன்

தமிழ் திரையுலகில் சில படங்கள் இயக்கியதன் மூலமே பிரபலம் ஆனவர் இயக்குநர் விக்னேஷ் சிவன்.

இவர் தமிழ் திரையுலகில் முன்னணி கதாநாயகியான நயன்தாராவை காதலித்து திருமணம் செய்து கொண்டார், இவர்களுக்கு உயிர், உலக் என இரட்டை குழந்தைகளும் உள்ளன.

இன்ஸ்டாகிராமில் ஆக்டிவாக இருக்கும் விக்னேஷ் தனது மனைவி, மகன்கள், தாயார் மற்றும் கிரிக்கெட் குறித்து பதிவிட்டு வருவார்.

இந்நிலையில் விக்கி, அவர் அம்மாவிற்கு பிறந்தநாள் வாழ்த்து கூறும் விதமாக, தனது தாயுடன் இருக்கும் புகைப்படங்களை பகிர்ந்து நெகிழ்ச்சியாக பதிவிட்டுள்ளார்.

வாழ்த்து கூறிய விக்னேஷ் சிவன், வலிமை படத்தில் தான் எழுதிய ‘மதர் சாங்கின்’ வரிகளை பதிவிட்டிருந்தார்.

இந்த போஸ்டை பார்த்த நெட்டிசன்கள் விக்கியின் தாயாருக்கு பிறந்தநாள் வாழ்த்தை கமெண்டில் பதிவிட்டு வருகின்றனர்.