Bigg Boss Tamil 7 : இது பிக்பாஸ் வீடா..? இல்லை மாயா பாஸ் வீடா? அட்டூழியம் செய்யும் விக்ரம் பட நடிகை!

Bigg Boss Tamil 7 : விக்ரம், லியோ ஆகிய படங்களில் சின்ன ரோலில் நடித்து பிரபலமான மாயா கிருஷ்ணனை மக்கள் திட்டி தீர்த்து வருகின்றனர்.

பிக்பாஸ் போட்டியாளர் மாயா

பிக்பாஸ் நிகழ்ச்சியின் முதல் மற்றும் மூன்றாவது சீசன் செம ஹிட்டானது. மற்றபடி 2,4,5,6 ஆகிய சீசன்கள் சற்று சுமார் என்றுதான் சொல்ல வேண்டும். அந்த வரிசையில், ஏழாவது சீசனுமே சற்று மொக்கையாகதான் இருந்தது.

இந்த சீசனில் இதுவரை 36 நாட்கள் முடிவடைந்துள்ளது. பிரதீப் வெளியேற்றப்பட்ட பின் வீடே இரண்டு குரூப்பாக பிரிந்தது. இதனால் நிகழ்ச்சியும் சுவாரஸ்யமாகியுள்ளது.

ஒருபக்கம் விசித்திரா, அர்ச்சனா, தினேஷ். இந்த மூவரும், பிரதீப்பை அனைவரும் கூட்டமாக டார்கெட் செய்து வெளியேற்றிவிட்டனர். அவருக்கு அநீதி இழைக்கப்பட்டது என்பதை கருத்தில் கொண்டு தங்களுக்கான கேமை விளையாடி வருகின்றனர்.

மறுபக்கம் மாயா, பூர்ணிமா, ஐஸ்வர்யா, நிக்சன் ஆகியோர் உள்ளனர். எதுவும் பேசாத சரவணா விக்ரமும், இவர்களுடன் இப்போது இணைந்துள்ளார். பிரதீப் மிகவும் மோசமானவர், அவருக்கு சப்போர்ட் செய்யும் அர்ச்சனா கூட்டமும் மோசமானது என்பது இவர்களின் நம்பிக்கையாக உள்ளது.

மாயாவின் நடவடிக்கையால் அவர் மீதான வெறுப்பு நாளுக்கு நாள் அதிகரித்து கொண்டே போகிறது. கேப்டனான பின் அவரின் அதிகாரம் துஷ்பிரயோகமாக மாறியுள்ளது. அவர் செய்யும் செயல் நியாயமானது என்று அவர் நினைப்பதுதான் சற்று வேடிக்கையாக இருக்கிறது.

அதுபோல், அர்ச்சனா சரியாக பேசுகிறார். அநியாயம் செய்யும் மாயாவிற்கு தக்க பதிலடி கொடுக்கிறார் என மொத்த கூட்டமும் அவருக்கு ஆதரவு தெரிவித்து வருகிறது.

எப்போதும் கமலையும் கமலின் தீர்ப்பையும் போற்றி புகழும் பிக்பாஸ் ரசிகர்கள், அவரையும் விமர்சித்து வருகின்றனர். பாரபட்சம் பார்க்கப்படுகிறது, தீர விசாரிக்க வேண்டும் போன்ற குற்றச்சாட்டுகள் முன்வைக்கப்பட்டு வருகிறது.