Thalapathy 68 : தோழனின் தோள்களும் அன்னை மடி: விஜய்யின் அடுத்த திரைப்படம் குறித்து அப்டேட் கொடுத்த நடிகர் ஜீவா!

ட்விட்டரில் ரசிகர் ஒருவர் விஜய்யின் அடுத்த படத்தின் அப்டேட் குறித்து கேட்ட போது, விரைவில் என்று பதிலளித்துள்ளார், நடிகர் ஜீவா.

விஜய் 68

நடிகர் விஜய்யின் 67ஆவது படமான லியோ திரைப்படத்தின் படப்பிடிப்பு மும்முரமாக நடந்து வருகிறது.

இந்த படத்தை லோகேஷ் கனகராஜ் இயக்க, திரிஷா, சஞ்சய் தத், ப்ரியா ஆனந்த், அர்ஜுன், கௌதம் மேனன் உள்ளிட்டோர் நடித்து வருகின்றனர்.

லியோ, இந்த வருடம் தீபாவளிக்கு வெளியாகிறது.

இந்நிலையில், தளபதி 68 என்று அழைக்கபடும் நடிகர் விஜய்யின் அடுத்த படம் குறித்து பல தகவல்கள் வெளிவந்த வண்ணம் உள்ளன.

விஜய்யின் அடுத்த படம், நடிகர் ஜீவாவின் சூப்பர் குட் பிலிம்ஸ் தயாரிக்கயிருப்பதாக தகவல்கள் பரவி வந்தன.

இதை தொடர்ந்து ட்விட்டரில் ரசிகர் ஒருவர் விஜய்யின் அடுத்த படத்தின் அப்டேட் குறித்து கேட்ட போது, விரைவில் என்று பதிலளித்துள்ளார், நடிகர் ஜீவா.