தூத்துக்குடியில் 'உங்களுடன் ஸ்டாலின்' முகாம்: பொதுமக்களுக்கு அரசின் சேவைகள் வீடு தேடி! தேதிகள் & இடங்கள் இதோ!
பொதுமக்களின் வீடுகளுக்கே சென்று வழங்கும் வகையில், 'உங்களுடன் ஸ்டாலின்' என்ற புதிய திட்டம், வரும் 15ம் தேதி துவங்க உள்ளது.
அரசின் சேவைகளை இல்லங்களுக்கே கொண்டு சோ்க்கும் ‘உங்களுடன் ஸ்டாலின்’ திட்டத்தைத் தொடங்குவது குறித்து மாவட்ட ஆட்சியா்களுடன் முதல்வா் மு.க.ஸ்டாலின் ஆலோசித்தாா். தலைமைச் செயலகத்தில் இருந்து காணொலி வழியாக இந்த ஆலோசனைக் கூட்டம் கடந்த வெள்ளிக்கிழமை நடைபெற்றது. இதுகுறித்து தமிழக அரசின் சாா்பில் வெளியிடப்பட்ட செய்திக் குறிப்பில், மக்கள் அன்றாடம் அணுகும் அரசுத் துறைகளின் சேவைகள், திட்டங்களை அவா்களது இல்லங்களுக்கே சென்று வழங்கும் ‘உங்களுடன் ஸ்டாலின்’ எனும் புதிய முன்னெடுப்பு தொடங்கப்பட உள்ளது.
இந்தத் திட்டத்துக்காக ஜூலை 15-ஆம் தேதி முதல் நவம்பா் மாதம் வரை மாநிலம் முழுவதும் 10,000 முகாம்கள் நடைபெறவுள்ளன. ‘உங்களுடன் ஸ்டாலின்’ திட்டத்துக்கான முதல் முகாமை, சிதம்பரம் நகராட்சியில் முதல்வா் மு.க.ஸ்டாலின், ஜூலை 15-ஆம் தேதி தொடங்கி வைக்கவுள்ளாா். 10,000 முகாம்கள் என்பது இலக்காக இருந்தாலும், திட்டம் தொடங்கப்பட்டு முதல் மாதத்தில் 3,570 முகாம்கள் நடைபெறவுள்ளன.
தமிழக முதல்-அமைச்சர் மு.க.ஸ்டாலின் பொதுமக்களுக்கு விரைவாகவும் எளிதாகவும் சேவைகள் கிடைக்கும் வண்ணம் பல்வேறு நடவடிக்கைகளை எடுத்து வருகின்றார் என தூத்துக்குடி மேயர் ஜெகன் பெரியசாமி தெரிவித்துள்ளார்.
தூத்துக்குடி மாநகராட்சி பகுதிகளில் உங்களுடன் ஸ்டாலின் முகாம் நடைபெறும் இடங்கள் குறித்து மேயர் ஜெகன் பெரியசாமி வெளியிட்டுள்ள அறிவிப்பில் கூறப்பட்டுள்ளதாவது. அரசு துறைகளின் சேவைகள், திட்டங்களை, பொதுமக்களின் வீடுகளுக்கே சென்று வழங்கும் வகையில், 'உங்களுடன் ஸ்டாலின்' என்ற புதிய திட்டம், வரும் 15ம் தேதி துவங்க உள்ளது. அதன்படி தூத்துக்குடி மாநகராட்சி பகுதிகளில் உங்களுடன் ஸ்டாலின் முகாம் பின்வரும் இடங்களில் நடைபெறும்.
கிழக்கு மண்டலம்:
15.7.2025 (வார்டுகள்: 21, 22, 23)- ஆனந்தா மஹால், அழகேசபுரம்.
16.7.2025 (வார்டுகள்: 24, 25, 26)- செயின்ட் மேரிஸ் மகளிர் கல்லூரி, பீச் ரோடு.
17.7.2025 (வார்டுகள்: 27, 28, 39)- சத்திரம் தெரு, அறிஞர் அண்ணா மண்டபம்.
18.7.2025 (வார்டுகள்: 29, 38, 41)- அபிநயா திருமண மண்டபம், சிவந்தாகுளம் ரோடு.
22.7.2025 (வார்டுகள்: 40, 46, 47)- சமுதாய கூடம், பாத்திமா நகர்.
மேற்கு மண்டலம்:
23.7.2025 (வார்டுகள்: 15, 16, 17)- லியோ பள்ளி, பி & டி காலனி.
24.7.2025 (வார்டுகள்: 18, 19, 31)- பிஎம்சி மேல்நிலைப்பள்ளி, மில்லர்புரம்.
25.7.2025 (வார்டுகள்: 32, 33, 34)- தங்கம் நடுநிலைப்பள்ளி, அண்ணாநகர் 10வது தெரு.
29.7.2025 (வார்டுகள் 35,37,42) - சிவந்திஆதித்தனார் பள்ளி, தாமோதரநகர்.
30.07.2025 (வார்டுகள்: 30, 36, 44)- மாநகராட்சி நடுநிலைப்பள்ளி, டூவிபுரம் 11வது தெரு.
வடக்கு மண்டலம்:
31.7.2025 (வார்டுகள்: 2, 14)- மாநகராட்சி நடுநிலைப்பள்ளி, அய்யாசாமி காலனி.
1.8.2025 (வார்டுகள்: 11, 12, 3)- ஆர்.சி.பெத்தானி நடுநிலைப்பள்ளி, கந்தசாமிபுரம்.
6.8.2025 (வார்டுகள்: 13, 20, 1)- தங்கம்மாள் நினைவு மேல்நிலைப்பள்ளி, போல்பேட்டை.
7.8.2025 (வார்டுகள்: 4, 5, 10, 9)- செயின்ட் தாம்மஸ் மெட்ரிக்குலேஷன் பள்ளி, இன்னாசியார்புரம்.
8.8.2025 (வார்டுகள்: 6, 7, 8)- ஆக்சிலியம் மேல்நிலைப்பள்ளி, திரேஸ்புரம்.
தெற்கு மண்டலம்:
12.8.2025 (வார்டுகள்: 43, 45, 48)- காமராஜ் கல்லூரி.
13.8.2025 (வார்டுகள்: 49, 50, 51, 60)- திரு.குடும்பம் நடுநிலைப்பள்ளி, கால்டுவெல் காலனி.
14.8.2025 (வார்டுகள்: 52, 53, 54)- K.T.K. மேல்நிலைப்பள்ளி, முத்தையாபுரம்.
தமிழ்நாடு முதல்-அமைச்சர் மு.க.ஸ்டாலின் பொதுமக்களுக்கு விரைவாகவும் எளிதாகவும் சேவைகள் கிடைக்கும் வண்ணம் பல்வேறு நடவடிக்கைகளை எடுத்து வருகின்றார். அதன் ஒரு பகுதியாக உங்களுடன் ஸ்டாலின் என்ற முன்னெடுப்பு தற்போது மேற்சொன்ன நமது மாநகராட்சிக்குட்பட்ட பகுதிகளில் நடைபெற இருக்கின்றது. ஆகவே பொதுமக்கள் இந்த திட்டத்தின் மூலமாக பயன்பெறலாம். இவ்வாறு அதில் கூறப்பட்டுள்ளது.
தலைப்பு செய்திகள்
ட்ரெண்டிங் செய்திகள்
