RT-PCR on Omicron: RT- PCR- பரிசோதனை மூலம் ஓமிக்ரான் தொற்றை கண்டறியமுடியுமா?
பிசிஆர் சோதனை அடிப்படையில் கொரோனா வைரஸ் பிறழ்வுகளை (ஆல்பா, பீட்டா, ஒமிக்ரான், கப்பா) கண்டறியமுடியாது. ஆய்வங்களில் மட்டுமே புதிய கொரோனா வகைகளின் மரபணு வரிசை முறைகளை விரிவாக கணிக்க முடியும்
புதிய உருமாறிய ஒமிக்ரான் வைரஸ் பிறழ்வை உடனடியாக கண்டறிய பிரத்தியோக ஆர்டி-பிசிஆர் சோதனைக் கருவியை வடிவமைக்க கொரோனா மரபியல் வேறுபாடுகளைக் கண்டறியும், இன்சாகாக் (INSACOG) கூட்டமைப்பின் ஆய்வளார்கள் யோசித்து வருகின்றனர்.
முன்னதாக, கர்நாடக மாநிலத்தில் இருவருக்கு ஓமிக்ரான் வகை கொரோனா வைரஸ் தொற்று என்பதை மத்திய சுகாதாரத்துறை உறுதிப்படுத்தியது. ஒமிக்ரான் தொற்று கண்டறியப்பட்ட 66 மற்றும் 46 வயதுமிக்க இந்த இரண்டு பேரின் முதன்மை மற்றும் இரண்டாம் நிலைத் தொடர்புடையவர்களிடம் தீவிர சோதனை மேற்கொள்ளப்பட்டு வருகிறது.
தென்னாப்பிரிக்காவில் கண்டறியப்பட்ட பி.1.1.529 என்ற மாறுபட்ட ஒமைக்ரான் கொரோனா தொற்று கிட்டத்தட்ட 52 மாற்றங்கள் கொண்ட தொகுப்பாக உள்ளது.குறிப்பாக, வைரஸின் ஸ்பைக் புரதத்தில் 26-32 மாற்றங்களைக் கொண்டுள்ளது. ஏற்கனவே, பரவி வரும் ஆல்பா, டெல்டா போன்ற மாறுபட்ட கொரோன வைரஸ்களிடமும் இத்தகைய மாற்றங்கள் காணப்படுவதால், பிசிஆர் சோதனை மூலமாகவே ஒமிக்ரான் தொற்றை கண்டறியலாம் என்று உலக சுகாதார அமைப்பு தெரிவித்துள்ளது.
கொரோனா வைரஸ் அதன் ஸ்பைக் புரதங்களின் உதவியுடன் மனித உயிரணுக்களை பாதிக்கிறது. வைரஸின் ஸ்பைக் புரதம் மனித சுவாசக் குழாய் உயிரணுக்களின் மேற்பரப்பில் உள்ள ACE2 ஏற்பிகளுடன் பிணைத்துக் கொள்கிறது. வைரஸ் தொற்றியவுடன், வைரஸ் மரபணு மனித உயிரணுக்களில் நுழைந்து, வைரசின் ஆயிரம் பிரதிகள் வெறும் பத்து மணி நேரத்தில் உருவாக்கப்படுகின்றன. இவ்வாறு உருவான வைரஸ்கள் அருகிலுள்ள அணுக்களுக்கு குடியேறுகின்றன.
சார்ஸ்- கோவ்- 2 வைரஸ், தனது பைக் புரதங்களில் மாற்றங்கள் கொண்டு வருவதன் மூலம் புதிதாக உருமாறுகிறது. இந்த மாற்றப்பட்ட மூலக்கூறுகளை அடையாளம் காண முடியாமல் பிசிஆர் பரிசோதனை முடிவுகள் எதிர்மறையாக வரக்கூடும். இருந்தாலும், வைரஸ் மற்றப் பகுதிகளில் உள்ள மூலக்கூறுகளின் அடிப்படையில் பிசிஆர் பரிசோதனை நோய்த் தொற்றை உறுதி செய்யும். எனவே, ஸ்பைக் புரதத்தில் கொரோனா தொற்றுக்கான மூலக்கூறுகள் கண்டறிய முடியாமல், மற்ற மூலக் கூறுகளின் அடிப்படையில் நோய்த் தொற்று பாதிப்பு உறுதி செய்யப்பட்டால், அது ஒமிக்ரான் தொற்றாக இருக்கலாம் என்று கணிக்கப்படுகிறது.
தென்னாப்பிரிக்காவில் கண்டறியப்பட்ட பி.1.1.529 என்ற மாறுபட்ட ஒமைக்ரான் கொரோனா தொற்று கிட்டத்தட்ட 52 மாற்றங்கள் கொண்ட தொகுப்பாக உள்ளது.குறிப்பாக, வைரஸின் ஸ்பைக் புரதத்தில் 26-32 மாற்றங்களைக் கொண்டுள்ளது. கொரோனா வைரஸின் இந்த மரபியல் மாறுபாடுகள் இயற்கையானது. ஒமிக்ரான் தொற்று 500% கூடுதலாக பரவும் தன்மை கொண்டது. டெல்டா மாறுபாட்டை விட ஸ்பைக் புரதத்தில் இருமடங்கு மாற்றங்களைக் கொண்டுள்ளது. உருமாறிய ஓமைக்ரான் தொற்று, ஆர்டிபிசிஆர் மற்றும் ராபிட் ஆண்டிஜென் பரிசோதனைகளிலிருந்து தப்பிவிடாது என்பதால், பரிசோதனைகளை அதிகரிப்பதோடு, பாதிப்பு அறிகுறி உடையவர்களை முன்கூட்டியே கண்டறிந்து உரிய சிகிச்சை அளிக்க வேண்டும். இருந்தாலும், ஆல்பா, டெல்டா போன்ற உருமாறிய கொரோனா வகைகளிலும் ஸ்பைக் புறதத்தில் மாற்றங்கள் கொண்டிருப்பதால், ஒமிக்ரான் தொற்றைக் கண்டறிய மரபணு வரிசை முறைகளை கையாள வேண்டியுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
CV Shanmugam Next Move | பதவி கொடுக்காத EPS அப்செட்டில் சி.வி.சண்முகம் அடுத்தது என்ன?
தலைப்பு செய்திகள்
ட்ரெண்டிங் செய்திகள்
