Mumbai Summer Spots : சம்மர் ஹாலிடேஸ் கிடைக்குது.. டூர் ப்ளான் பண்றீங்களா? மும்பையில் இருக்கு சூப்பர் ஸ்பாட்ஸ்
லோனாவாலா முதல் அலிபாக் வரை, பல அற்புதமான இடங்கள் இதோ..
இந்தியாவின் மேற்கு கடற்கரையில் அமைந்துள்ள ஒரு பரபரப்பான பெருநகரம் மும்பை. இந்தியாவின் மிகப் பெரிய நகரமாக உள்ள, அதன் அடையாளச் சின்னங்கள், மாறுபட்ட கலாச்சாரம் மற்றும் துடிப்பான வாழ்க்கை முறை ஆகியவை பலரை அங்கு ஈர்க்கிறது. இந்தியாவின் பல்வேறு பகுதிகளைச் சேர்ந்த மக்கள் மற்றும் உலகெங்கிலும் உள்ள வெளிநாட்டினர் உட்பட பல்வேறு சமூகங்கள் கூடும் இடமாக மும்பை உள்ளது. இந்தியாவின் தூங்கா நகரமாக உள்ள மும்பையைச் சுற்றி டக்'கென்று ஒரு விசிட் அடித்து 'சில்' ஆகலாம் என்றால் அதற்கும் சில இடங்கள் உண்டு. பெரிய லீவெல்லாம் இல்லை ஒருநாள், ரெண்டு நாள் ட்ரிப் போகலாம் என்பவர்கள் மும்பையை சுற்றியுள்ள இந்த இடங்களை கருத்தில் கொள்ளலாம். லோனாவாலா முதல் அலிபாக் வரையிலான, இந்த பயண இடங்கள் சில அற்புதமான காட்சிகளைக் கொண்டுள்ளன. மேலும் உங்கள் பரபரப்பான வாழ்வில் இருந்து உடனடியாக ஒரு பிரேக் எடுத்து இயற்கையுடன் ஒன்றி இருந்துவிட்டு மனதை ஆசுவாசப்படுத்தி மீண்டும் உடனடியாக வேலைக்கு வரலாம்.
மாத்தேரன்
மும்பைக்கு அருகில் அமைந்துள்ள இந்த விநோதமான மலைவாசஸ்தலம், சுற்றுலாப் பயணிகளை ஈர்க்கும் பொம்மை ரயில் பயணத்திற்கு பெயர் பெற்றது. சுற்றுச்சூழலுக்கு உகந்த இடமாக உள்ள இது, அதன் அமைதியான காடுகள், கண்ணுக்கினிய காட்சிகள் மற்றும் இனிமையான வானிலை ஆகியவற்றிற்காக பிரபலமாக உள்ளது. மும்பையை சுற்றியுள்ள பகுதிகளில் இயற்கை ஆர்வலர்களுக்கு சிறந்த இடமாக அமைகிறது.
மஹாபலேஷ்வர்
மேற்கு தொடர்ச்சி மலையில் அமைந்துள்ள மஹாபலேஷ்வர், அதன் பரந்த காட்சிகள், ஸ்ட்ராபெர்ரி பண்ணைகள் மற்றும் இனிமையான வானிலை ஆகியவற்றிற்கு பெயர் பெற்ற ஒரு மலைபகுதி சுற்றுலாதலம் ஆகும். சுற்றியுள்ள பள்ளத்தாக்குகளின் அற்புதக் காட்சிகளை வழங்கும் ஆர்தர்ஸ் சீட், நீடில் ஹோல் பாயிண்ட் மற்றும் வில்சன் பாயிண்ட் போன்ற இடங்கள் உள்ளன.
காஷித்
கொங்கன் கடற்கரையில் அமைந்துள்ள இந்த அமைதியான கடற்கரை தங்க மணல் கடற்கரைகள், டர்க்கைஸ் நீர் மற்றும் பசுமைக்கு பெயர் பெற்றது. நீர் விளையாட்டுகள், கடற்கரை நடைப்பயிற்சிகள் மற்றும் கடலில் ஓய்வெடுப்பதற்கான விருப்பங்களுடன் கடற்கரை விடுமுறைக்கு இது ஒரு சிறந்த இடமாக விளங்குகிறது.
லோனாவாலா மற்றும் கண்டாலா
சஹ்யாத்ரி மலைத்தொடரில் அமைந்துள்ள லோனாவாலா மற்றும் கண்டாலா ஆகிய இடங்கள், மும்பைக்கு அருகில் உள்ள பிரபலமான மலைவாசஸ்தலங்களாகும். அவற்றின் அழகிய இயற்கை காட்சிகள், பசுமையான பள்ளத்தாக்குகள், மூடுபனி மலைகள் மற்றும் அழகான நீர்வீழ்ச்சிகள் மிகவும் பிரபலம். இந்த இரட்டை மலை வாசஸ்தலங்கள் மும்பையின் பரபரப்பான நகர வாழ்க்கையிலிருந்து அமைதியான மற்றும் புத்துணர்ச்சியூட்டும் பயணத்தை வழங்குவதால், சிறிய விடுமுறைக்கு ஏற்ற இடமாக உள்ளது.
அலிபாக்
இது மும்பை துறைமுகத்தின் குறுக்கே அமைந்துள்ள கடற்கரை நகரமாகும், மேலும் அதன் அழகிய கடற்கரைகள், வரலாற்று கோட்டைகள் மற்றும் பசுமையான தென்னந்தோப்புகளுக்கு பெயர் பெற்றது. மும்பையில் வசிப்பவர்கள் அடிக்கடி செல்லும் இடமாக இது இருப்பதால், மும்பைக்கு வேறு வேலையாக செல்லும்போதோ, நண்பர்கள் வீட்டிற்கு செல்லும்போதோ, திடீரென ஒரு இடத்திற்கு சென்று வர முடிவு செய்தால் இந்த இடம் சிறப்பான தேர்வாக இருக்கும்.
தலைப்பு செய்திகள்
ட்ரெண்டிங் செய்திகள்
