நாண், சப்பாத்திக்கு சூப்பர் சைட் டிஷ்... பெஷாவரி சோல் ரெசிபி செய்முறை பார்க்கலாம்...

நாண், சப்பாத்திக்கு ஏற்ற சைடிஷ். பெஷாவரி சோல் ரெசிபி எப்படி செய்வதென்று பார்க்கலாம்.

பெஷாவரி சோல்

2 கப் கொண்டைக்கடலை, 2 டீஸ்பூன் கடலைப் பருப்பு, 2 மீடியம் சைஸ் வெங்காயம் பொடியாக நறுக்கியது, 2 பெரிய தக்காளி பொடியாக நறுக்கியது, பூண்டு 2-3 பற்கள் துண்டு துண்டாக நறுக்கியது, 1 அங்குல துண்டு இஞ்சி விழுது, 2-3 பச்சை மிளகாய், 1 தேக்கரண்டி சீரகம், 1 தேக்கரண்டி மஞ்சள் தூள், 1 டீஸ்பூன் சீரக தூள், 1 தேக்கரண்டி கொத்தமல்லி தூள், 1/2 தேக்கரண்டி சிவப்பு மிளகாய் தூள்,  1/2 தேக்கரண்டி கரம் மசாலா, சுவைக்கேற்ப உப்பு, 2 டீஸ்பூன் சமையல் எண்ணெய், அழகுபடுத்த ஃப்ரெஷ் கொத்தமல்லி இலைகள் வெட்டப்பட்ட வெங்காயம், எலுமிச்சை, குடைமிளகாய் மற்றும் புதிய  இலைகள்.

1.கொண்டைக்கடலை மற்றும் கடலைப்பருப்பை இரவு முழுவதும் அல்லது குறைந்தது 6-8 மணிநேரம் நிறைய தண்ணீரில் ஊற வைக்க வேண்டும். சமைப்பதற்கு முன் அவற்றை நன்கு கழுவி எடுத்துக்கொள்ள வேண்டும்.

2.ஒரு பிரஷர் குக்கரில், ஊறவைத்த கொண்டைக்கடலை மற்றும் கடலைப் பருப்பு, சேர்த்து போதுமான தண்ணீர் மற்றும் ஒரு சிட்டிகை உப்பு சேர்த்து 5 விசில் விட்டு எடுத்துக்கொள்ள வேண்டும்.

3.வேகவைத்த கொண்டைக்கடலை மற்றும் கடலைப் பருப்பை இறக்கி தனியாக வைத்துக்கொள்ள வேண்டும்.

4.சமையல் எண்ணெயை ஒரு பெரிய பாத்திரத்தில் மிதமான சூட்டில் சூடாக்கவும். சீரகத்தை சேர்த்து ஒரு சில நொடிகள் கரண்டியால் வதக்கி விட வேண்டும்

5.பொடியாக நறுக்கிய வெங்காயத்தைச் சேர்த்து பொன்னிறமாகும் வரை வதக்கவும்.

6.அரைத்த பூண்டு,  இஞ்சி விழுது, பச்சை மிளகாய் சேர்த்துக் கிளற வேண்டும். பச்சை வாசனை போகும் வரை ஓரிரு நிமிடங்கள் வதக்கவும்.

7.நறுக்கிய தக்காளியைச் சேர்த்து, வதக்க வேண்டும், கலவையிலிருந்து எண்ணெய் பிரிந்து வரும் வரை வேக வைக்க வேண்டும்.

8.இப்போது மசாலா மற்றும் உப்பு சேர்க்கவும். நன்றாக கலந்து, மசாலா வாசனை வரும் வரை சில நிமிடங்கள் வதக்கி விட வேண்டும்.

9. இப்போது இந்த மசாலா கலவையுடன் வேகவைத்த கொண்டைக்கடலை மற்றும் கடலைப் பருப்பு சேர்த்து கிளறி விட வேண்டும். கொண்டைக்கடலையை கிரேவியில் சுமார் 10-15 நிமிடங்கள் வேகவைக்கவும். கிரேவி மிகவும் கெட்டியாக இருந்தால் சிறிது தண்ணீர் சேர்க்கவும்.

10.கொண்டைக்கடலை நன்கு வெந்து, கிரேவி  கெட்டியானதும் இதை அடுப்பில் இருந்து இறக்கி கொள்ளலாம். இப்போது  பெஷாவரி சோல் பரிமாற தயாராக உள்ளது.இதை சப்பாத்தி, நாண் ஆகியவற்றுடன் வைத்து சாப்பிட்டால்  சுவையாக இருக்கும்.

மேலும் படிக்க