காலை உணவு சமைக்க லேட் ஆகுதா..? வாழைப்பழங்கள் இருந்தா போதும்.. இத்தனை டிஷ்கள் ரெடி..

ஈக்கள் மொய்க்கும் மீந்து கிடக்கும் உங்கள் சமையலறை வாழைப்பழங்களில் இருந்து குழந்தைகளுக்குப் பிடித்தமான பதார்த்தங்களை செய்யலாம்.

By: ABP NADU | Updated at : 18 Jan 2022 08:57 AM (IST)

From Banana Bread To Pazham-Pori: Go Bananas With These 7 Yummy Recipes காலை உணவு சமைக்க லேட் ஆகுதா..? வாழைப்பழங்கள் இருந்தா போதும்.. இத்தனை டிஷ்கள் ரெடி..

வாழைப்பழ பழம்பொரி

எல்லா வீடுகளிலும் சமையலறையில் ஒரு கூடையில் வாழைப்பழங்கள் காத்துக் கிடக்கும். மிகக் குறைவான விலையில் அற்புதமான சத்துக்களுடன் கிடைக்கும் பழம் வாழைப்பழம்தான். ஆனால், அதனாலேயே சில சமயம் வீணாகப்போவதும் உண்டு. ஆனால், வாழைப்பழங்களை அப்படியே உண்ணாமல் சுவையான சிற்றுண்டிகளையும் செய்து சாப்பிடலாம். அப்படியான சில உணவுகள் இங்கே.

வாழைப்பழ கேக்

சிறிது கொட்டைகள், பருப்புகள் கலந்து, வாழைப்பழங்களை மசித்து சேர்த்து இந்த கேக்கைத் தயாரிக்கும்போது ஒரு அற்புதமான வாசம் உங்கள் சமையலறையை நிறைக்கும், மிக சுவையான கேக் இது.

வாழைப்பழ போண்டா

காரமான போண்டாக்கள் சாயுங்கால நேரத்தில் நமது வழக்கமான உணவு, ஆனால் சிறிது இனிப்பும் வாழைப்பழத்தின் துளி துவர்ப்பும் சேரும் இந்த போண்டா தேநீர் நேரத்தில் உண்ணுவதற்கு சரியான பதார்த்தம்.

இலவங்க வாழைப்பழ கேக்

பட்டை, ஏலக்காய், கிராம்பு சேர்த்து வாழைப்பழங்களை அரைத்து மாவுடன் கலந்து செய்யப்படும் இந்த கேக் வயிறு நிறைய மாபெரும் விருந்துண்ட பின்னர் வயிற்றை இலகுவாக்க ஏற்ற உணவு.