மேலும் அறிய

குறைந்த செலவில் தொலைதூர தனிப்பயணம்: திட்டம் இருந்தால் இதை தெரிஞ்சிகோங்க!

பகல் நேரத்தில் நீங்கள் போக வேண்டிய இடத்திற்கு சென்று விடுங்கள். கையில் சிறிது பணம் எப்போதும் வைத்திருங்கள்.

Written By : ABP NADU | Updated at : 02 May 2022 09:50 AM (IST)

தனியாகப் பயணங்கள் செல்வது பலரது கனவு. ஆனால், பொருளாதார காரணங்கள் பலரையும் படி தாண்ட விடாமல் பார்த்துக் கொள்கிறது. ஆனால், குறைந்த செலவில் முடிந்துவிடும் பயண முடிவுகள் இந்தியாவில் நிறையவே இருக்கின்றன.

கோகர்ணா

கர்நாடகாவில் அமைந்திருக்கும் இந்த இடம் சூரியக் கடவுள் தோன்றிய இடம் என்று கூறப்படுகிறது. ஆனால், இது வழிபாட்டிற்கான இடமாக மட்டும் அல்லாமல் அழகான கடற்கரைகள் குவிந்திருக்கும் இடமாகவும் இருக்கிறது. நீர் விளையாட்டுகளுக்கான வசதியும் இங்கு இருக்கிறது.

குறைந்த செலவில் தொலைதூர தனிப்பயணம்: திட்டம் இருந்தால் இதை தெரிஞ்சிகோங்க!

கசோல்

ஹிமாச்சல பிரதேசத்தில் அமைத்திருக்கும் அழகிய கிராமம் இது. மலைகளும் காடுகளும் கொஞ்சும் இடம் இது. அமைதி வேண்டும் என்பவர்கள் இங்கிருந்து சற்று தொலைவில் உள்ள மற்றொரு கிராமமான மலானாவிற்கு செல்லலாம்.

உதய்பூர்

கண்களால் அள்ள முடியாத அழகிய கட்டிடங்கள், கைவினைத் தளங்கள், அரண்மனைகள் நிறைந்த ஊர் இது. மேலும், அழகிய ஏரிக் கரைகளில் நின்றுகொண்டு அரிதான அரண்மனைகளை எவ்வளவு நேரம் வேண்டுமானாலும் கண்டு மகிழலாம்.