மேலும் அறிய

SBI Recruitment 2022 : மாதம் ரூ.63,840 ஊதியம்; எஸ்.பி.ஐ. வங்கியில் வேலை; முழு விவரம்!

SBI Recruitment 2022 : பாரத் ஸ்டேட் பேங்க் வங்கியில் உள்ள வேலைவாய்ப்பு அறிவிப்பின் விவரம்.

By : ஜான்சி ராணி | Updated at : 24 Nov 2022 09:41 PM (IST)

sbi recruitment 2022 for 55 vacancies know the details SBI Recruitment 2022 : மாதம் ரூ.63,840 ஊதியம்; எஸ்.பி.ஐ. வங்கியில் வேலை; முழு விவரம்!

பாரத ஸ்டேட் வங்கி வேலைவாய்ப்பு அறிவிப்பு

நாட்டின் பொதுத்துறை வங்கியான பாரத் ஸ்டேட் பேங்க் வங்கியில் (SBI- State Bank of India) உள்ள 55 பணியிடங்களுக்கு வேலைவாய்ப்பு அறிவிப்பினை வெளியிட்டுள்ளது மேலாளர் பணிக்கு ( Manager- (Credit Analyst)) SPECIALIST CADRE OFFICER என்ற பிரிவில் பணியிடம் நிரப்பட உள்ளது. இந்தப் பணிக்கு ஆன்லைன் மூலமாக மட்டுமே விண்ணப்பிக்க வேண்டும். இந்தப் பணிக்கு தேர்ந்தெடுக்கப்படுவர்கள் எந்த மாநிலத்தில் வேண்டுமானாலும் பணியமர்த்தப்படுவர் என்றும் தெரிவிக்கப்பட்டுள்ளது.

பணி விவரம்:

மேலாளர் பணிக்கு ( Manager- (Credit Analyst))வயதுவரம்பு: 01.04.2022 தேதியின்படி 20 முதல் 40க்குள் இருக்க வேண்டும்.

கல்வித் தகுதி:

இந்தப் பணிக்கு விண்ணப்பிக்க அரசு அங்கீகாரம் பெற்ற கல்வி நிறுவனத்திலோ பல்கலைக்கழகத்திலோ பட்டப்படிப்பு முடித்திருக்க வேண்டும்.

MBA, ) MBA (Finance) / PGDBA / PGDBM / MMS (Finance) / CA / CFA / ICWA ஆகிய படிப்புகளை முழு நேரமாக படித்து தேர்ச்சி பெற்றிருக்க வேண்டும்.

தனியார் அல்லது பொதுத்துறை வங்கிகளில் கிரேடிக்ட் துறையில் பணிபுரிந்த அனுபவம் இருக்க வேண்டும். குறைந்தபட்சமாக மூன்றாண்டுகள் பணி அனுபவம் இருப்பது சிறப்பு.

’Analysis of Balance Sheet / Appraisal / Assessment of Credit Proposal, Credit monitoring’ ஆகியவைகள் பற்றி நன்கு தெரிந்திருக்க வேண்டும்.

ஊதிய விவரம்:

Middle Management Grade Scale – III-இன் படி ரூ. 63, 840 மாத ஊதியமாக வழங்கப்பட உள்ளது.
இது அவர்கள் குறிப்பிட்டுள்ள ஊதிய விவரம்- 63, 840-1990/5-73790-2220/2-78230)

PROBATION PERIOD:

மேலாளர் பணிக்கு தேர்வு செய்யப்பட்டால், இரண்டு ஆண்டுகள் புரோபேசன் காலத்திற்கு பிறகே பணி நிரந்தரம் செய்யப்படுவர் என்று அறிவிப்பில் குறிப்பிடப்பட்டுள்ளது.

வயது வரம்பு:

இதற்கு விண்ணப்பிக்க விரும்புவோர் குறைந்தபட்சம் 25 வயது நிரம்பியவராகவும் அதிகபட்சம் 35 வயதுக்கு மிகாமலும் இருக்க வேண்டும்.

தேர்வு செய்யப்படும் முறை:

பணிகளுக்கு தகுதியான விண்ணப்பங்கள் தேர்வு செய்யப்பட்டு, நேர்முகத் தேர்வின் அடிப்படையில் பணி வழங்கப்படும்.

விண்ணப்பிக்கும் முறை:

https://bank.sbi/careers அல்லது https://www.sbi.co.in/web/careers என்ற இணையதளத்தின் மூலம் ஆன்லைனில் விண்ணப்பிக்க வேண்டும். எல்லா விவரங்களும் பூர்த்தி செய்யப்பட்ட விண்ணப்ப படிவத்தை பிரிண்ட் அவுட் அல்லது ஃபைல் ஆக சேமித்து வைத்து கொள்வது நல்லது.

விண்ணப்பக் கட்டணம்:

விண்ணப்பத்தாரர்கள் கட்டணத்தை ஆன்லைன் மூலம் மட்டுமெ செலுத்த வேண்டும்.

ஆன்லைனில் விண்ணப்பிக்க கடைசி நாள்: 12.12.2022

தேர்வு கட்டணம், வயது வரம்பில் அளிக்கப்பட்டுள்ள தளர்வுகள், டிரான்ஸ்பர் கொள்கைகள், பணியின் தன்மை என்ன? மெரிட் லிஸ்ட் ஆகியவற்றின் முழு விவரம் அறிய https://sbi.co.in/documents/77530/25386736/211122-ADV_RAW_NEW_FINAL_1.pdf/3b0aef3d-05dd-e10c-2c02-a6599cb5d79f?t=1669028562758 என்ற லிங்கை கிளிக் செய்து தெரிந்துகொள்ளவும்.

பாரத ஸ்டேக் வங்கியில் உள்ள வேலைவாய்ப்புகளை தெரிந்துகொள்ள https://sbi.co.in/web/careers/current-openings என்ற லிங்கில் காணலாம்.

கவனிக்க:

விண்ணப்பதாரர்கள் செயலில் உள்ள தொடர்பு எண் மற்றும் இ-மெயில் முகவரியை வழங்குமாறு கேட்டுகொண்டுள்ளப்பட்டுள்ளது.

நேர்காணலுக்கான அழைப்பு குறித்த அறிவிப்பு பாரத ஸ்டேட் வங்கியின் அதிகாரப்பூர்வ வலைதளத்தில் அறிவிக்கப்படும் என்றும், தனியாகவோ அல்லது அஞ்சல் வழியாகவோ தகவல் அனுப்பப்பட மாட்டாது என்று தெரிவிக்கப்பட்டுள்ளது.

பாரத ஸ்டேட் வங்கியின் வலைதள முகவரி- https://www.onlinesbi.sbi/