8ஆம் வகுப்பு முதல் பொறியியல் பட்டதாரிகளுக்கு அண்ணா பல்கலைக்கழகத்தில் வேலை!

சென்னை அண்ணா பல்கலைக்கழக பணிக்கு விண்ணப்பிக்கும் விண்ணப்பதாரர்கள் நேர்முகத்தேர்வின் அடிப்படையில் தேர்ந்தெடுக்கப்படவுள்ளனர்

அண்ணா பல்கலைக்கழகத்தில் வேலை!

அண்ணா பல்கலைக்கழகத்தில் திட்ட உதவியாளர், அலுவலக உதவியாளர் பணியிடங்கள் காலியாக உள்ளதாக அறிவிக்கப்பட்டுள்ள நிலையில் ஆர்வமும், தகுதியும் உள்ள நபர்கள் வருகின்ற செப்டம்பர் 25 ஆம் தேதிக்குள் விண்ணப்பித்துக்கொள்ளலாம்.

சென்னை அண்ணா பல்கலைக்கழகத்தின் கீழ் செயல்படும் தொழில்நுட்ப மேம்பாட்டு மையத்தில் ஒப்பந்த அடிப்படையில் தொழில்நுட்ப வணிகமாக்கல் நிர்வாகி, திட்ட உதவியாளர், திட்ட இணை உதவியாளர், அலுவலக உதவியாளர் பணிகள் காலியாக உள்ளதாக அறிவிக்கப்பட்டுள்ளது. இதில் ஒவ்வொரு பணிக்கும் வெவ்வெறு கல்வித்தகுதிகள் தேவை என அறிவிக்கப்பட்டுள்ளது. மேலும் இப்பணிக்கு விண்ணப்பிக்கும் விண்ணப்பதாரர்கள் நேர்முகத்தேர்வின் அடிப்படையில் தேர்ந்தெடுக்கப்படவுள்ளனர். எனவே என்னென்ன தகுதிகள் தேவை? என்பதை இங்கே விரிவாகத்தெரிந்துக்கொள்வோம்.

• 

தொழில்நுட்ப வணிகமயமாக்கல் நிர்வாகி (Technology Commercialization Executive)

அண்ணா பல்கலைக்கழகத்தில் 2 தொழில்நுட்ப வணிகமயமாக்கல் நிர்வாகி காலியாக உள்ளது. எனவே இப்பணிக்கு விண்ணப்பிக்க நினைக்கும் நபர்கள் : B.E / B.Tech  படிப்புடன் MBA படித்திருக்க வேண்டும் எனவும்  8 ஆண்டு பணி அனுபவம் அவசியம் தேவை என அறிவிக்கப்பட்டுள்ளது. நேர்முகத்தேர்வின் மூலம் தேர்வாகும் இவர்களுக்கு மாதம் ரூபாய் 50 ஆயிரம் சம்பளம் நிர்ணயம் செய்யப்பட்டுள்ளது.

திட்ட இணை உதவியாளர் (Project Associate)

B.E / B.Tech / MBA / MCA / M.Sc முடித்தவர்களாக இருந்தால் அண்ணா பல்கலைக்கழகத்தின் திட்ட இணை உதவியாளர் பணிக்கு விண்ணப்பிக்கலாம். இதோடு விண்ணப்பதாரர்கள் 5 ஆண்டு முன் அனுபவம் பெற்றிருக்க வேண்டும். தேர்ந்தெடுக்கும் நபர்களுக்கு ரூபாய் 40 ஆயிரம் சம்பளம் நிர்ணயம் செய்யப்பட்டுள்ளது.

திட்ட உதவியாளர் (Project Assistant)

இப்பணிக்கு விண்ணப்பிக்கும் நபர்கள் B.E / B.Tech / MCA / M.Com / M.Sc படித்திருப்பதோடு வேண்டும். 2 ஆண்டு முன் அனுபவம் இருக்க வேண்டும். இவர்களுக்கு மாதம் ரூபாய் 20 ஆயிரம் சம்பளம் என தெரிவிக்கப்பட்டுள்ளது.

அலுவலக உதவியாளர் – ஓட்டுனர் (Office Assistant cum driver)

இப்பணிக்கு விண்ணப்பிக்கும் நபர்கள் 8 வகுப்பு தேர்ச்சிப் பெற்றிருக்க வேண்டும். மேலும் ஓட்டுனர் உரிமம் வைத்திருக்க வேண்டும். இதோடு கூடுதலாக, 2 ஆண்டு பணி அனுபவமும் வேண்டும்.இவர்களுக்கு சம்பளம் ரூபாய் 16 ஆயிரம் என தெரிவிக்கப்பட்டுள்ளது.

• 

எனவே மேற்கண்ட அனைத்து பணிகளுக்கும் விண்ணப்பிக்கும் விரும்பும் நபர்கள் https://www.annauniv.edu/pdf/tec%20recruitment%202021.pdf என்ற இணைய தளப்பக்கத்தில் அறிவிப்புக்கு கீழே உள்ள விண்ணப்படிவத்தினை பதிவிறக்கம் செய்து பிரிண்ட அவுட் எடுத்து,  DIRECTOR, CENTRE FOR TECHNOLOGY DEVELOPMENT AND TRANSFER ANNA UNIVERSITY, CHENNAI – 600 025 என்ற முகவரிக்கு வருகின்ற செப்டம்பர் 25 ஆம் தேதிக்குள் அனுப்பி வைக்குமாறு தெரிவிக்கப்பட்டுள்ளது.