![ABP Premium](https://cdn.abplive.com/imagebank/Premium-ad-Icon.png)
Vetrimaaran First Bike: வெற்றிமாறனுக்கு முதல் பைக் வாங்கித்தந்தது இவங்களா? 2 நிமிஷமும்.. சுவாரஸ்ய கதையும்..
முதன் முதலில் வெற்றிமாறனுக்கு பைக் வாங்கிக்கொடுத்தவர் யார், எதற்காக வாங்கிக்கொடுத்தார்கள் என்பதை இந்தக் கட்டுரையில் பார்க்கலாம்
![Vetrimaaran First Bike: வெற்றிமாறனுக்கு முதல் பைக் வாங்கித்தந்தது இவங்களா? 2 நிமிஷமும்.. சுவாரஸ்ய கதையும்.. Vetrimaaran first bike rx 100, director vetrimaran wife shared some interesting information Vetrimaaran First Bike: வெற்றிமாறனுக்கு முதல் பைக் வாங்கித்தந்தது இவங்களா? 2 நிமிஷமும்.. சுவாரஸ்ய கதையும்..](https://feeds.abplive.com/onecms/images/uploaded-images/2022/02/13/a4fecbb3e175c3b991b4b302956b68da_original.jpg?impolicy=abp_cdn&imwidth=1200&height=675)
தமிழ் சினிமாவில் மிக முக்கியமான இயக்குநராக பார்க்கப்படும் வெற்றிமாறன் BMW R nineT Scrambler என்ற புதிய பைக் ஒன்றை வாங்கியிருக்கிறார். இது தொடர்பான வீடியோ மற்றும் புகைப்படங்கள் தற்போது சமூக வலைதளங்களில் வைரலாகி வருகிறது.
View this post on Instagram
இந்த நிலையில் அவரின் முதல் பைக் என்ன, அதை யார் வாங்கிக்கொடுத்தார், எதற்காக அவர் வெற்றிமாறனுக்கு பைக் வாங்கிக்கொடுத்தார் உள்ளிட்ட சுவாரஸ்சியமான விஷயங்களை இந்தக் கட்டுரையில் பார்க்கலாம்.
முதன் முதலில் வெற்றிமாறனுக்கு பைக் வாங்கிக்கொடுத்தவர் அவரது மனைவி ஆர்த்தி. அவர் இது குறித்து கலைஞர் டிவிக்கு அளித்த பேட்டி ஒன்றில், “ அப்ப என்னோட ஃப்ரண்ட் இவருக்கும் ஃப்ரண்ட்டா இருந்தாங்க.. நானும் அவளும் லயோலா காலேஜூக்கு பக்கத்துல இருக்கிற ஜேசி அப்படிங்கிற ஹோட்டலுக்கு போனோம்.
கடுப்பேற்றிய வெற்றிமாறன்
அங்க வச்சுத்தான் முதன் முதலா இவர பார்த்தேன். என்னோட ஃப்ரண்ட்டுட்ட பேசினவரு, என்ன திரும்பி கூட பார்க்கல.. எனக்கு செம கடுப்பாயிடுச்சு. எப்படிடா ஒரு பையன் நம்மள திரும்பி கூடவா பார்க்க மாட்டான் அப்படினு ரொம்ப கோபம் வந்திச்சு.. அதுக்கப்புறமா நிறைய ட்ராமா நடந்திச்சு. அதுக்கப்புறமாத்தான் நாங்க காதலிக்க ஆரம்பிச்சோம். குழந்தைங்களுக்காக அவரு எது வேணும்னாலும் செய்வாரு..
ஒரு விஷயத்தல நான் ஒன்ன இங்க பெருமையா சொல்ல முடியும் அது என்ன அப்படின்னா அவரோட பல விஷயங்கள்ள, அதை முதல் ஆளா வாங்கிக் கொடுத்தது நான்தான். ஃபர்ஸ்ட் மொபைல், ஃபர்ஸ்ட் பைக், ஃபர்ஸ்ட் லேப்டாப், ஃபர்ஸ்ட் கார் எல்லாமே நான் வாங்கிக்கொடுத்ததுதான்.
RX 100 பைக்
அவருக்கு முதன் முறையாக RX 100 பைக் வாங்கிக்கொடுத்தேன். அவர் அப்ப பாலுமகேந்திரா சார்க்கிட்ட உதவி இயக்குநரா வேலை பார்த்திட்டு இருந்தாரு.. அதனால் சார் கூப்பிட்டார்னா காலையில பஸ் பிடிக்கிறதுக்காக ஓடுவாரு..
இன்னொரு விஷயம் மத்தவங்கக்கிட்ட இவர் பைக் கேக்குறதையும் நான் பார்த்துக்கிட்டே இருந்தேன். அப்பவே என்னைக்காவது ஒரு நாள் அவருக்கு பைக் வாங்கிக்கொடுக்கணும்னு நினைச்சிட்டு இருந்தேன். அவருக்கு அத வாங்கியும் கொடுத்திட்டேன்” என்றார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)