அண்ணாமலைக்கு NO சீட்!விஜயதரணிக்கு JACKPOT பாஜக வேட்பாளர்கள் LIST

பாஜக வேட்பாளர் பட்டியல் தற்போது வெளியாகி உள்ள நிலையில், அதில் முன்னாள் பாஜக மாநில தலைவர் அண்ணாமலைக்கு இம்முறை சீட் ஒதுக்கப்படாதது பேசுபொருளாகியுள்ளது.

சட்டப்பேரவை தேர்தல் ஏப்ரல் 23ம் தேதி நடக்கவிருக்கிறது. திமுக கூட்டணி, அதிமுக கூட்டணி, நாம் தமிழர், தவெக, சசிகலா ராமதாஸ் கூட்டணி என 5 முனை போட்டி நிலவுவதால் தேர்தல் களம் பரபரப்பாக உள்ளது. அந்தவகையில் அதிமுக கூட்டணியில் பாஜகவுக்கு ஒதுக்கப்பட்டுள்ள 27 தொகுதிகள் என்ன என்பதை அதிமுக பொதுச்செயலாளர் இபிஎஸ் அறிவித்தார். மயிலாப்பூர், கோவை வடக்கு, புதுக்கோட்டை, மதுரை தெற்கு, சாத்தூர், விளவங்கோடு, ராமநாதபுரம், தஞ்சாவூர் உள்ளிட்ட தொகுதிகள் பாஜக வசம் சென்றுள்ளன. 

2021 தேர்தலில் அதிமுக கூட்டணியில் பாஜக இருந்த நிலையில் திருநெல்வேலியில் நயினார் நாகேந்திரனும், மொடக்குறிச்சியில் சரஸ்வதியும், நாகர்கோவிலில் காந்தியும், கோவை தெற்கில் வானதி சீனிவாசனும் வெற்றி பெற்றனர். ஆனால் இந்த முறை பாஜகவுக்கு ஒதுக்கப்பட்ட தொகுதிகளில் திருநெல்வேலியும், கோவை தெற்கும் இல்லை. இதன்மூலம் நயினார் நாகேந்திரனும் வானதி சீனிவாசனும் வேறு தொகுதிகளில் போட்டியிடவிருப்பது உறுதியானது..இந்நிலையில் பாஜக வேட்பாளர் பட்டியல் தற்போது வெளியாகி உள்ளது.

அதன்படி நயினார் நாகேந்திரனுக்கு  சாத்தூர் தொகுதி ஒதுக்கப்பட்டுள்ளது.  2021 திருநெல்வேலியில் வெற்றி பெற்ற நயினார் 2024 மக்களவை தேர்தலில் தோல்வியை தழுவினார். இந்த முறை அவரை தோற்கடிக்க திமுக தீவிரமாக முயற்சித்து வருவதால் திருநெல்வேலிக்கு பதிலாக சாத்தூர் தொகுதிக்கு மாறியுள்ளதாக சொல்கின்றனர். முக்குலத்தோர் வாக்குகளை குறிவைத்து அவர் சாத்தூரில் களமிறங்க முடிவெடுத்துள்ளார். 

மயிலாப்பூர் தொகுதி தமிழிசை சவுந்தரராஜனுக்கு ஒதுக்கப்பட்டுள்ளது. வானதி கோவை வடக்கில் தேர்தல் களம் காண்கிறார். மொடக்குறிச்சியில் கிர்த்திகா சிவக்குமார் பாஜக வேட்பாளராக களமிறங்குகிறார். அவினாசி தொகுதி எல் முருகனுக்கு ஒதுக்கப்பட்டுள்ளது. நாகர்கோவிலில் எம் ஆர் காந்தி மீண்டும் களமிறங்குகிறார். மதுரை தெற்கு வேட்பாளராக ராம சீனிவாசன் அறிவிக்கப்பட்டுள்ளார். குறிப்பாக, காங்கிரஸ் எம் எல் ஏவாக இருந்து தனது பதவியை ராஜினாமா செய்துவிட்டு பாஜகவுக்கு வந்த விஜயதரணிக்கு அவரது தொகுதியான விளவங்கோடு ஒதுக்கப்பட்டுள்ளது. 

அதேபோல் 2021 தேர்தலில் அரவக்குறிச்சி தொகுதியில் போட்டியிட்ட பாஜக மாநில முன்னாள் தலைவர் அண்ணாமலை தோல்வியடைந்த நிலையில் இந்த முறை அண்ணாமலைக்கு சீட் கொடுக்கப்படவில்லை.