VTK Audio Launch: ஸ்டைலா..கெத்தா.. சிம்பு பட ஆடியோ வெளியீட்டுக்கு வரும் பிரபல நடிகர்...புதிய தகவல் இதோ..!

விண்ணைத் தாண்டி வருவாயா, அச்சம் என்பது மடமையடா ஆகிய படங்களுக்குப் பின் சிலம்பரசன் - கௌதம் வாசுதேவ் மேனன் கூட்டணி 3வது முறையாக இணைந்துள்ள படம் “வெந்து தணிந்தது காடு”.

வெந்து தணிந்தது காடு

சிம்புவின் வெந்து தணிந்தது காடு படத்தின் இசை வெளியீட்டு விழாவின் அழைப்பிதழ் இணையத்தில் வைரலாகியுள்ளது. 

விண்ணைத் தாண்டி வருவாயா, அச்சம் என்பது மடமையடா ஆகிய படங்களுக்குப் பின் சிலம்பரசன் - கௌதம் வாசுதேவ் மேனன் கூட்டணி 3வது முறையாக இணைந்துள்ள படம் “வெந்து தணிந்தது காடு”. ஐசரி கணேஷின் வேல்ஸ் நிறுவனம் தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார்.

இப்படத்தில் சிம்புவுக்கு ஜோடியாக அறிமுக நடிகை சித்தி இதானி நடித்துள்ளார். இந்த படம் செப்டம்பர் 15 ஆம் தேதி தியேட்டர்களில் வெளியாகும் என அறிவிக்கப்பட்டுள்ள நிலையில் இந்தப்படத்தின் தமிழ்நாடு திரையரங்க விநியோக உரிமையை உதயநிதி ஸ்டாலினின் ரெட் ஜெயிண்ட் மூவிஸ் நிறுவனம் கைப்பற்றியுள்ளது. 

And one more thx for singing card ❣️💥#SilambarsanTR pic.twitter.com/AFbj4ZiLZD

— 𝙈𝘼𝙉𝙈𝘼𝘿𝙃𝘼𝙉 (@_Manmadhan_) August 29, 2022

மேலும் வெந்து தணிந்தது காடு படத்தில் இருந்து ஏற்கனவே காலத்துக்கும் நீ வேணும், மறக்குமா நெஞ்சம் ஆகிய பாடல்கள் வெளியாகி பெரும் எதிர்பார்ப்பை ஏற்படுத்தியது. இதற்கிடையில் இத்திரைப்படத்தின் இசை வெளியீட்டு விழா வரும் செப்டம்பர் 2ம் தேதி நடைபெறும் என அறிவிக்கப்பட்டுள்ளது. இந்நிகழ்ச்சி பல்லாவரத்தில் உள்ள வேல்ஸ் பல்கலைக்கழகத்தில் நடைபெறும் என  கூறப்பட்டுள்ள நிலையில் இந்த இசை வெளியீட்டு விழாவுக்கு 6 ஆயிரத்திற்கும் மேற்பட்ட ரசிகர்களுக்கு அழைப்பு விடுக்கப்பட்டுள்ளதாக சொல்லப்படுகிறது. இந்நிகழ்ச்சிக்கான டிக்கெட் சென்னை உதயம் தியேட்டரில் நேற்று வழங்கப்பட்டது. 

Producer Dr @IshariKGanesh met Ulaganayagan @ikamalhaasan and invited him for @SilambarasanTR_ @menongautham #VendhuThanindhathuKaadu’s Grand Audio Launch going to happen on Sep 2nd !

An @arrahman Musical

Prod by @VelsFilmIntl
A @RedGiantMovies_ Release@Udhaystalin pic.twitter.com/FwfBkfmJyL

— Ramesh Bala (@rameshlaus) August 30, 2022

இதுவரையில் நடைபெறாத வகையில் மிகப்பெரிய அளவில் பிரமாண்டமாக விழா நடத்தப்படவுள்ள நிலையில் இதற்காக போடப்பட்ட செட்டின் புகைப்படம்  கடந்த வாரம் வெளியாகி அனைவரையும் ஆச்சரியத்தில் ஆழ்த்தியது. இந்நிலையில் வெந்து தணிந்தது காடு படத்தின் ஆடியோ வெளியீட்டு நிகழ்ச்சியில் கலந்து கொள்ள நடிகர் கமல்ஹாசனுக்கு அழைப்பு விடுக்கப்பட்டுள்ளது. இதற்கான அழைப்பிதழை அப்படத்தின் தயாரிப்பாளர் ஐசரி கணேஷ் வழங்கினார். இந்த புகைப்படமும், அழைப்பிதழ் புகைப்படங்களும் இணையத்தில் வைரலாகியுள்ளது. அவரோடு நடிகரும், தயாரிப்பாளருமான உதயநிதி ஸ்டாலின் மற்றொரு விருந்தினராக பங்கேற்கவுள்ளார் என்பது குறிப்பிடத்தக்கது.