கேரளாவா, ஜப்பானா? மின்னும் தரை.. முகமே பார்க்கலாம்! வியக்கவைத்த காசர்கோடு- வைரல் வீடியோ
கேரளாவின் காசர்கோடு ரயில் நிலையம்: ஜப்பானை மிஞ்சும் தூய்மை, வியப்பில் Vlogger!
பொதுவாக பயணம் செய்யும் நாம், ரயில் நிலையங்கள், பேருந்து நிலையங்களின் அசுத்தம் கண்டு அதிர்ச்சி அடைந்திருப்போம். கொஞ்சம் சுத்தமாக வைத்திருக்கலாமே என்று அங்கலாய்த்து இருப்போம். ஆனால், கேரளாவில் உள்ள ஒரு ரயில் நிலையம் இணைய வாசிகளை இன்ப அதிர்ச்சியில் ஆழ்த்தியுள்ளது.
நடந்தது என்ன?
ஆக.12 அன்று, Backpacker Anmol என்ற இன்ஸ்டாகிராம் பக்கத்தை நடத்தும் டிராவல் Vlogger ஆன அன்மோல், கேரளாவின் காசர்கோடு ரயில் நிலையம் குறித்த வீடியோ ஒன்றை இன்ஸ்டாகிராம் ரீல்ஸாகப் பகிர்ந்திருந்தார்.
சிறுவயது முதலே கேரளா கல்வியறிவு பெற்ற, முற்போக்கான மக்களின் மாநிலம் என்று கேள்விப்பட்டிருப்பதாகவும், தற்போது காசர்கோடு ரயில் நிலையத்தின் தூய்மையைப் பார்த்த பிறகு அதை நேரில் உணர்ந்து கொண்டதாகவும் அவர் தெரிவித்தார்.
இது ஜப்பான்....
"இது ஜப்பான் அல்ல, கேரளா" என்ற தலைப்பிட்ட அந்த வீடியோவில் பேசிய அன்மோல், "நான் கேரளாவில் இருக்கிறேனா அல்லது ஜப்பானில் இருக்கிறேனா என எனக்கே சந்தேகமாக இருக்கிறது. நான் கேரளாவின் வடக்குப் பகுதியில் உள்ள முதல் மாவட்டமான காசர்கோட்டில் உள்ளேன். இங்குள்ள பிளாட்பாரங்கள் மட்டுமின்றி, ரயில் தண்டவாளங்களில் ஒரு சிறு குப்பையைக் கூட பார்க்க முடியவில்லை. ஏதோ ஜப்பான் ரயில் நிலையத்தில் நிற்பது போல உணர்கிறேன்" என ஆச்சரியத்துடன் குறிப்பிட்டார்.
பொதுவாக இந்திய ரயில் நிலையங்களில் வேலை செய்யாத ஏடிஎம்கள், அசுத்தமான குடிநீர் பகுதிகள் மற்றும் காத்திருப்பு அறைகள் குறித்து மக்கள் புகார் கூறுவதுண்டு. ஆனால், இங்கு பளபளக்கும் தரைகள் மற்றும் நாற்காலிகளுடன் கூடிய சுத்தமான காத்திருப்பு அறைகள், சுகாதாரமான குடிநீர் வசதி, இயங்கும் ஏடிஎம்கள் மற்றும் ஆண், பெண்களுக்கான தனித்தனி தூய்மையான கழிப்பறைகள் இருப்பதைக் கண்டு அன்மோல் வியந்தார்.
View this post on Instagram
மசாஜ் நாற்காலிகள்
மேலும், அங்குள்ள கேபினில் செயல்படும் மசாஜ் நாற்காலிகள் இருப்பதை சுட்டிக்காட்டிய அவர், அதில் அமர்ந்து ரிலாக்ஸ் செய்ததையும் பகிர்ந்தார். எங்கும் குப்பைத் தொட்டிகள் வைக்கப்பட்டிருந்ததால், மக்களும் குப்பைகளை வெளியே வீசாமல் அந்த இடத்தை சுத்தமாக பராமரித்து வந்தனர்.
"இந்தியாவில் இவ்வளவு சுத்தமான, அழகான ரயில் நிலையத்தை என் வாழ்வில் பார்ப்பது இதுவே முதல்முறை. கேரளாவில் இது எனக்கு முதல் நாள்தான், ஆனால் இந்த மாநிலம் கண்டிப்பாக என் மனதை வெல்லப் போகிறது" என அன்மோல் தெரிவித்து இருந்தார்.
இந்த வீடியோவைப் பார்த்த இணையவாசிகள் கேரள மக்களின் பொறுப்பை வெகுவாகப் பாராட்டித் தள்ளி உள்ளனர்.
Before You Go
Vijay London Trip : Phone போட்ட ஆளுநர்! ”லண்டனுக்கு போகாதீங்க ” பயணத்தை மாற்றிய CM விஜய்
தலைப்பு செய்திகள்
ட்ரெண்டிங் செய்திகள்
