Thallipogathey | 'நாங்கலாம் தூக்கம் வந்தாதான் தூங்குவோம்’ - வைரலாகும் 'தள்ளிப்போகாதே' Sneak Peak !

அஸ்வின் கதைக்கேட்டு தூங்கிவிடுவேன் என கூறிய வார்த்தை ஆர்மியாக உருவானது. அதே போல தூக்கம் வந்தாதான் தூங்குவோம் ஆர்மி என இந்த டயலாக்கை அடிப்படையாக கொண்டு ஆர்மிகள் உருவாகி வருகிறது.

By : அபிநயா எஸ் அருள்குமார் | Updated at : 23 Dec 2021 12:22 PM (IST)

தள்ளிப்போகாதே

கோலிவுட்டின் தவிர்க்க முடியாத சிறந்த நடிகர்களின் பட்டியலை எடுத்தால் நிச்சயம் அதர்வாவிற்கும் அதில் இடமுண்டு. என்னதான் அதர்வா சிறப்பான நடிப்பை வெளிப்படுத்தினாலும் , அவருக்கான பட வாய்ப்புகள் அவ்வளவாக கிடைக்கவில்லை. தன் கைவசம் சில படங்களை வைத்திருக்கும் அதர்வா மாஸான வெற்றிக்காக காத்திருக்கிறார். வாரிசு நடிகர்கள் என்ற அந்தஸ்து மட்டுமே நடிகர்களை மக்கள் மத்தியில் கொண்டாட வைப்பதில்லை . இந்த நிலையில் நாளை (24.12.2021) அன்று அதர்வாவின் தள்ளிப்போகாதே திரைப்படம் வெளியாகவுள்ளது. இதில் அதர்வாவிற்கு ஜோடியாக அனுபமா நடித்துள்ளார். தெலுங்கு திரையுலகின் இளம் நடிகர் நானி நடிப்பில் வெளியாகி சூப்பர் டூப்பர் ஹிட்டடித்திருந்த படம் ‘நின்னு கோரி’. தெலுங்கு ரசிகர்களிடையே நல்ல வரவேற்பை பெற்ற இந்த படத்தின் அதிகாரப்பூர்வ தமிழ் ரீமேக்காக உருவாகியுள்ளது ‘தள்ளிப்போகாதே’. படத்தை கண்ணன் இயக்கியுள்ளார்.

Romance drama #ThalliPogatheyFromTmrw

The official Tamil version of Telugu Hit NinnuKori

Produced & Directed by @Dir_kannanR #ThalliPogathey pic.twitter.com/HQXD9vF25t
— Kaushik LM (@LMKMovieManiac) December 23, 2021

தள்ளிப்போகாதே திரைப்படம் கடந்த ஆண்டே வெளியாகியிருக்க வேண்டிய திரைப்படம். கொரோனா மற்றும் பல்வேறு பிரச்சனைகள் காரணமாக படத்தை குறிப்பிட்ட தேதியில் வெளியிட முடியவில்லை. படத்தின் ரிலீஸ் தேதியை இதுவரையில் மூன்று முறை மாற்றியுள்ளனர் படக்குழு. இந்த நிலையில் படம் வருகிற கிருஸ்துமஸ் பண்டிகையை முன்னிட்டு நாளை வெளியாகவுள்ளது. படத்தை மக்களிடையே பிரபலப்படுத்தும் நோக்கில் படத்தின் முன்னோட்ட காட்சியான , ஸ்னிக் பீக்கை வெளியிட்டுள்ளனர் படக்குழு. அதில் அதர்வா பேசும் ‘நாங்கல்லாம் தூக்கம் வந்தாதான் தூங்குவோம் ‘ என்னும் வசனம் தற்போது வைரலாகி வருகிறது.அஸ்வின் கதைக்கேட்டு தூங்கிவிடுவேன் என கூறிய வார்த்தை ஆர்மியாக உருவானது. அதே போல தூக்கம் வந்தாதான் தூங்குவோம் ஆர்மி என இந்த டயலாக்கை அடிப்படையாக கொண்டு ஆர்மிகள் உருவாகி வருகிறது.

முன்னதாக அதர்வாவின் நடிப்பி உருவாகியுள்ள குருதி ஆட்டம் திரைப்படமும் கிருஸ்துமஸை முன்னிட்டு வெளியாகும் என அறிவிக்கப்பட்டிருந்தது. ஆனால் தள்ளிபோகாதே திரைப்படம் தள்ளிப்போனதால் அந்த படத்தின் வெளியீட்டு தேதியை ஒத்தி வைத்துள்ளனர் படக்குழு. அதர்வா அடுத்ததாக டிஸ்னி பிளஸ் ஹாட் ஸ்டார் ஓடிடி தளத்திற்காக , அறிமுக இயக்குநருடன் இணைந்து வெப் சீரிஸ் ஒன்றிலும் நடிக்கவுள்ளாராம்.