Siragadikka Aasai : கவரிங் நகையை கொடுத்து ஏமாற்றும் விஜயா.. சிறகடிக்க ஆசையில் இன்று

Siragadikka Aasai Today :மீனாவின் நகையை மனோஜுக்கு கொடுத்த சிக்கலில் மாட்டிக்கொண்ட விஜயா. போலி நகையை மீனாவிடம் கொடுத்த விஜயாவுக்கு காத்திருக்கும் அதிர்ச்சி.

சிறகடிக்க ஆசை ஜூலை 1

 

விஜய் டிவியில் திங்கள் முதல் சனி வரை இரவு 9 மணிக்கு ஒளிபரப்பாகும் 'சிறகடிக்க ஆசை' சீரியலின் இன்றைய எபிசோடில் மனோஜ் நகையை விற்ற சேட்டிடம் போன் செய்து அந்த நகையை நான் திரும்பவும் வாங்கிக்கொள்கிறேன் என சொல்கிறான். 

"சேட்டு : அந்த நகைகளை உருகிவிட்டோம். அடகு வைத்தால் நகைகள் இருக்கும். ஆனால் அதையே விற்றுவிட்டால் உடனே உருகி விடுவோம்" என சொல்கிறார். 

அதை கேட்டு மனோஜ் அதிர்ச்சி அடைகிறான். விஜயாவிடம் இந்த விஷயத்தை சொன்னதும் அவள் டென்ஷனாகி மனோஜை அடிஅடி என அடிக்கிறாள். 

"மனோஜ் : இப்படி பண்ணுவாங்கனு எனக்கு எப்படி தெரியும்?

விஜயா : என்ன தான் உனக்கு தெரியும். இந்த விஷயம் வீட்டுக்கு தெரிஞ்சா என்னோட மானமே போயிடும். அந்த நகையை நான் பார்த்தது கூட கிடையாது. இல்லாட்டி நான் அதே மாதிரி வாங்கியாவது வைச்சுடுவேன்" என்கிறாள்.

 

 

உடனே மனோஜுக்கு போனில் நகைகளை போட்டோ எடுத்து வைத்தது ஞாபகம் வருகிறது. அதை அவன் சொன்னதும் அதே போல கவரிங் நகைகளை வாங்கி வைக்க விஜயா பிளான் போடுகிறாள். அதை கேட்டு பார்வதிக்கு அதிர்ச்சியாக இருக்கிறது. 

வீட்டில் அண்ணாமலை, முத்து, ஸ்ருதி மற்றும் ரோகினி சாப்பிட்டு கொண்டு இருக்கிறார்கள் அப்போது முத்து சாப்பாட்டில் இருந்து முடி ஒன்றை எடுத்து இது யார் முடியாக இருக்கும் என ஆராய்ச்சி செய்கிறான். அண்ணாமலை முத்துவை திட்டி சாப்பிட சொல்கிறார். 

மீனா : அது என்னோட முடியா தாங்க இருக்கும். தெரியாம விழுந்து இருக்கும். சாப்பாட்டுல முடி இருந்தா உறவு நீடிக்கும் அப்படினு சொல்லுவாங்க" என மீனா சொன்னதும் அண்ணாமலையும் ஆமா எங்க அம்மா கூட அப்படி தான் சொல்லுவாங்க என சொல்கிறார்.  

முத்து : ஆனா எனக்கு வேற மாதிரி சொல்லி இருக்காங்களே. சாப்பாட்டுல முடி இருந்தா வீட்டுக்கு ஏதோ பிரச்சினை வரும் என சொல்லி இருக்காங்களே என சொன்னதும் அதை கேட்டு அனைவரும் அதிர்ச்சி அடைகிறார்கள்.
அந்த நேரத்தில் விஜயாவும் மனோஜும் வீட்டுக்கு வருகிறார்கள். விஜயாவிடம் மீனா கொடுத்த நகைகளை திருப்பி தர சொல்லி கேட்கிறார் அண்ணாமலை.

விஜயா : ஏதோ வீர வசனம் எல்லா பேசுனா? சபதம் எல்லாம் போட்ட. இவளுக்காவது கொஞ்ச ரோஷம் இருக்கும் என நினைச்சேன்.
ரோகிணியும் விஜயாவுடன் சேர்ந்து ஜால்ரா அடிக்கிறாள். மீனாவை அவமானப்படுத்துவது போல பேசுகிறாள். அதை கேட்டு மீனாவுக்கும் முத்துவுக்கும் ஆத்திரம் வருகிறது. 

அண்ணாமலை : மீனாவுக்கு எங்க அம்மா கொடுத்த நகைகளை தான் கேக்குறாங்க. உனக்கு என்ன வந்தது? கேட்டா கொடுக்க வேண்டியது தானே?

விஜயா :எதுக்காக கேக்குறாங்க? 

 

அண்ணாமலை : நீ எடுத்து கொடுக்குறீயா இல்ல நான் எடுத்து வந்து கொடுக்கட்டுமா?என்கிறார். 

விஜயா : இவளோட நகை எனக்கு எதுக்கு? நானே எடுத்துட்டு வரேன் என கொண்டு வந்து கொடுக்கிறாள்.

மீனாவும் முத்துவும் அதை வாங்கிக்கொண்டு வெளியே கிளம்புகிறார்கள். எங்கே போகிறார்கள் என தெரியாமல் விஜயா படபடப்பாக இருக்கிறாள். 

மீனாவும் முத்துவும்  தெரிந்த நகை கடைக்கு ஒன்றுக்கு போகிறார்கள். அங்கே சென்று பாட்டி பிறந்தநாளுக்கு செயின் ஒன்று பரிசாக கொடுக்க பார்க்கிறார்கள். மீனாவிடம் இருந்த நகையை கொடுத்துவிட்டு புது நகையாக எடுக்கலாம் என பழைய நகையை கொடுத்ததும் அது போலியான நகை என்பதை கடைக்காரர் கண்டுபிடித்து விடுகிறார். இது தான் இன்றைய சிறகடிக்க ஆசை எபிசோட் கதைக்களம்.