Priyanka Deshpande: கல்யாணம் ஆன இரண்டே மாதத்தில் பிரியங்காவுக்கு இப்படியா ஆகணும்! அவரே வெளியிட்ட புகைப்படம் - வருந்தும் ரசிகர்கள்!

விஜய் டிவி தொகுப்பாளினியான பிரியங்கா தேஷ்பாண்டே தற்போது வெளியிட்டுள்ள புகைப்படத்தை பார்த்து ரசிகர்கள் வருத்தத்தோடு... அவருக்கு ஆறுதல் கூறி வருகிறார்கள்.

விஜய் டிவி பிரியங்காவுக்கு காலில் ஏற்பட்ட ஃபிராக்ச்சர்

திரைப்படங்களில் நடிப்பதன் மூலமாக மட்டுமே மக்கள் மத்தியில் பிரபலமாக முடியும் என்கிற காலம் மலையேறி போய்... சின்னத்திரை பிரபலங்களும், சினிமா நடிகைகளுக்கு நிகரான ரசிகர்கள் பட்டாளத்தை வைத்துள்ளனர்.

அப்படி தன்னுடைய கலகலப்பான பேச்சு திறமையால்... ரசிகர்கள் மனதை கொள்ளை கொண்டவர் தான் விஜய் டிவி தொகுப்பாளியான பிரியங்கா தேஷ்பாண்டே. தன்னை ஒரு சிறு குழந்தை கிண்டல் கேலி செய்தாலும் அதை மிகவும் ஸ்போட்டிவாக எடுத்து கொள்வது தான் இவரின் மிகப்பெரிய பிளஸ் என கூறலாம்.

தற்போது விஜய் டிவியில், சூப்பர் சிங்கர், ஸ்டார்ட் மியூசிக் உள்ளிட்ட நிகழ்ச்சிகளை தொகுத்து வழங்கி வருகிறார் பிரியங்கா.

இவர் விஜய் டிவியில் புரோகிராம் புரடியூசராக இருந்த பிரவீன் என்பவரை காதலித்து திருமணம் செய்து கொண்ட நிலையில், இவரது முதல் திருமண வாழ்க்கை 6 வருடத்திலேயே முடிவுக்கு வந்தது. அதே போல் இதுவரை பிரியங்கா மற்றும் பிரவீன் இருவருமே தங்களின் திருமண முறிவு குறித்து வெளிப்படையாக பேசியது இல்லை.

ஆனால் பிரியங்கா ஒரு முறை அர்ச்சனாவுக்கு கொடுத்த பேட்டியில், தனக்கு கணவராக வரும் நபர் என்னை தங்க தாம்பாளத்தில் வைத்து தாங்க வேண்டும். எனக்கு நிறைய குழந்தைகள் பெற்றுக்கொள்ள வேண்டும் என்று தன்னுடைய மனதில் பூட்டி வைத்திருந்த ஆசைகளை வெளிப்படுத்தினார்.

அப்படி ஒருவரை பார்க்கும் போது கண்டிப்பாக திருமணம் செய்து கொள்வேன் என கூறி இருந்த நிலையில் தான்... கடந்த ஏப்ரல் மாதம், பிரியங்கா... DJ வசி சாட்சி என்பவரை திருமணம் செய்து கொண்டார்.

இவர்களுக்கு திருமணம் ஆகி 2 மாதமே ஆகும் நிலையில், கடந்த 2 நாட்களுக்கு முன் வசி புகைப்படம் ஒன்றை வெளியிட்டு பிரியங்கா வசி சாட்சி எப்போது வரீங்க என்று கேள்வி எழுப்பி இருந்தார். இதை தொடர்ந்து, ரசிகர்கள் திருமணமான 2 மாதத்தில் இருவரும் பிரிந்து வாழ்கிறீர்களா என கேள்வி எழுப்பி இருந்தனர்.

இதை தொடர்ந்து, தற்போது பிரியங்கா காலில் பேண்டைடு ஷூ போட்டு கொண்டு, போஸ் கொடுத்துள்ளார். இதில் தனக்கு காலில் ஃபிராக்ச்சர் ஏற்பட்டுள்ளதாக குறிப்பிட்டுள்ளார். இதை பார்த்து ரசிகர்கள் பலர், வருத்தத்தோடு திருமணமான 2 மாதத்தில் இப்படியா உங்களுக்கு ஆக வேண்டும் என கமெண்ட் போட்டு வருகிறார்கள். இந்த புகைப்படமும் தற்போது வைரலாகி வருகிறது.