Puducherry Election Date 2026: புதுச்சேரி தேர்தல் 2026: பரபரப்பு கிளம்பும்! ரங்கசாமி ஆட்சியா? திமுக ஆட்சியா? தேதி அறிவிப்பு!

Puducherry Assembly Election Date 2026: புதுச்சேரி யூனியன் பிரதேசத்தில் ஏப்ரல் 9 அன்று சட்டமன்றத் தேர்தல் வாக்குப்பதிவு நடைபெறும் என்று தேர்தல் ஆணையம் அறிவிப்பு வெளியிட்டுள்ளது.

Written By : க.சே.ரமணி பிரபா தேவி | Updated at : 15 Mar 2026 04:57 PM (IST)

Puducherry Election Date 2026 Pondicherry Assembly Election Schedule Voting Counting Result Puducherry Election Date 2026: புதுச்சேரி தேர்தல் 2026: பரபரப்பு கிளம்பும்! ரங்கசாமி ஆட்சியா? திமுக ஆட்சியா? தேதி அறிவிப்பு!

புதுச்சேரி சட்டமன்றத் தேர்தல் தேதி

Source : சிறப்பு ஏற்பாடு

Puducherry Election Date 2026: யூனியன் பிரதேசமான புதுச்சேரியில், சட்டமன்றத் தேர்தல் நடைபெறும் தேதி குறித்த அறிவிப்பு வெளியாகி உள்ளது. இதன்படி, பாண்டிச்சேரியில் ஏப்ரல் 9 அன்று தேர்தல் நடைபெற உள்ளது. மே 4ஆம் தேதி அன்று சட்டமன்றத் தேர்தல் முடிவுகள் வெளியாக உள்ளன.

புதுச்சேரியில் தற்போது என்.ஆர்.காங்கிரஸ் – பாஜக கூட்டணி ஆட்சிக் கட்டிலில் உள்ளது. திமுக- காங்கிரஸ் கூட்டணி எதிர்க் கட்சியாக உள்ளது. முதலமைச்சராக என்.ஆர். காங்கிரஸைச் சேர்ந்த என்.ரங்கசாமி உள்ளார். இவர் 5 ஆண்டுகளுக்கு முன்னால், 2021-ல் மே 7ஆம் தேதி முதலமைச்சராகப் பதவி ஏற்றார். 4ஆவது முறையாக இவர் முதல்வர் பொறுப்பு வகிக்கிறார்.

30 தொகுதிகளுக்குத் தேர்தல்

இங்கு 30 தொகுதிகளுக்கு சட்டப்பேரவைத் தேர்தல் நடைபெற உள்ளது. அதேபோல எம்எல்சியாக 3 பேர் மத்திய அரசால் நியமிக்கப்படுவர். இதில் ஆட்சி அமைக்கத் தேவையான பெரும்பான்மை இடங்கள் 16 ஆகும்.

புதுச்சேரி வாக்காளர்கள் எண்ணிக்கை

புதுச்சேரியில் மொத்த வாக்காளர்கள்: 10,24,507

பெண் வாக்காளர்கள்: 5,42,152

ஆண் வாக்காளர்கள்: 4,82,216

மூன்றாம் பாலினத்தவர்: 139 என்பது குறிப்பிடத்தக்கது.

முக்கிய தேதிகள்

ஏப்.9ஆம் தேதி, 2026 - புதுச்சேரி சட்டமன்ற தேர்தல்

மார்ச் 16- வேட்பு மனுத்தாக்கல் தொடக்கம்

மார்ச் 23 – வேட்பு மனுத்தாக்கல் கடைசி நாள்

மார்ச் 24 - வேட்பு மனு பரிசீலனை

மார்ச் 26 - திரும்பப் பெற கடைசி நாள்

ஏப்ரல் 9 - வாக்குப்பதிவு

மே 4 - வாக்கு எண்ணிக்கை

இந்த முறை புதுச்சேரியிலும் தமிழக வெற்றிக் கழகம் முதல் முறையாகக் களம் காண்கிறது. விஜய்க்கு புதுச்சேரியில் ரசிகர்கள் அதிகம் என்பதால், இந்த முறை புதுச்சேரியில் போட்டி அதிகம் இருக்கும் என்றே கணிக்கப்பட்டுள்ளது.

மே 4-ல் தேர்தல் முடிவுகள்

பொதுவாக தமிழ்நாட்டு பொதுத் தேர்வுகள், மக்கள் நலத்திட்டங்கள், நிகழ்வுகள் புதுச்சேரியிலும் பெரும்பாலும் அப்படியே பின்பற்றப்படுவது வழக்கம். எனினும் இம்முறை முன்கூட்டியே புதுச்சேரிக்கு ஏப்ரல் 9ஆம் தேதி அன்று சட்டமன்றத் தேர்தல் நடைபெற உள்ளதாக அறிவிக்கப்பட்டுள்ளது. அதே நேரத்தில் தேர்தல் முடிவுகள், 5 மாநிலங்களுக்கும் சேர்த்து மே 4 அன்று அறிவிக்கப்பட உள்ளன.

Puducherry Election 2026, Puducherry Assembly Election, Puducherry Assembly Election 2026, Assembly Election 2026, Election 2026

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.