Seetha Raman: வீட்டுக்கு வந்து சீதா விட்ட சவால்.. மகாவுக்கு அடுத்தடுத்த அதிர்ச்சி.. சீதா ராமன் இன்று!

ராம் சீதாவை கண்டுபிடித்து விட சுயநினைவின்றி கிடக்கும் அவளை ஹாஸ்பிடல் அழைத்துச் சென்று சிகிச்சை கொடுத்து வீட்டுக்கு அழைத்து வருகிறான்.

சீதா ராமன்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகி வரும் பிரபலமான சீரியல் சீதா ராமன். இந்த சீரியலின் நேற்றைய எபிசோடில் ராம் சீதாவை மீட்டெடுத்த நிலையில் இன்று நடக்கப்போவது என்ன என்பது குறித்து பார்க்கலாம்.

ராம் சீதாவை கண்டுபிடித்து விட சுயநினைவின்றி கிடக்கும் அவளை ஹாஸ்பிடல் அழைத்துச் சென்று சிகிச்சை கொடுத்து வீட்டுக்கு அழைத்து வருகிறான். சீதாவைப் பார்த்த மகாவும் அர்ச்சனாவும் ஷாக் ஆகின்றனர். மீரா ஆரத்தி எடுத்து உள்ளே அழைத்துச் செல்ல வர, மகா நான் ஆரத்தி எடுக்கிறேன் என்று சொல்லி நல்லவள் வேஷம் போடுகிறாள்.

அதன் பிறகு போலீஸ் வீட்டிற்கு வர, மகா அவர்களுக்கு நன்றி சொல்ல ராம் தான் இந்த கேசில் எங்களுக்கு அதிகமாக உதவியது என்று சொல்ல, அதைக் கேட்டு மகா இன்னும் அதிர்ச்சி அடைகிறாள். அதுமட்டுமின்றி அஞ்சலி, பிரியா ஆகியோரிடம் போய் மன்னிப்பு கேளுங்க என்று சொல்லி அனுப்பி வைக்கிறாள்.

சீதாவின் ரூமுக்கு வந்த இவர்கள் அவளிடம் மன்னிப்பு கேட்க, மீரா “இவங்களை மட்டும் நம்பாதே” என்று சொல்கிறாள். பிறகு சீதா “இதுவரைக்கும் நான் உங்களை எதிரியா பார்த்தது கிடையாது, இனிமே நீங்க தான் எனக்கு முதல் எதிரி” என எச்சரித்து வெளியே அனுப்ப, இவர்கள் மகா மற்றும் அர்ச்சனாவிடம் சீதா சொன்னதைக் கூறுகின்றனர்.

மகாவும் அர்ச்சனாவும் ஒருவரை ஒருவர் பார்த்துக் கொள்ள சீதாவை கடத்தியது இவர்கள் என்பதை மூன்று பேரும் புரிந்து கொள்கின்றனர். அதனைத் தொடர்ந்து சீதாவின் அப்பா ராஜசேகர் வீட்டிற்கு வந்து “என்னாச்சு? இது எப்படி நடந்தது?” என்று விசாரிக்க, ராம் எதையோ சொல்லி சமாளிக்க “யாராக இருந்தாலும் விட மாட்டேன்” என ஷாக் கொடுக்கிறார். இப்படியான நிலையில் இன்றைய சீதாராமன் எபிசோட் நிறைவடைகிறது.