![ABP Premium](https://cdn.abplive.com/imagebank/Premium-ad-Icon.png)
Gunasekaran Romance : யம்மா ஏய்... உனக்கு ரொமான்ஸ் கூட வருமா பா... வைரலாகும் குணசேகரன் லவ் வீடியோ
எதிர் நீச்சல் சீரியலில் மிகவும் பிரபலமான குணசேகரன் கதாபாத்திரத்தின் ரொமான்ஸ் வீடியோ ஒன்று சோசியல் மீடியாவில் வெளியாகி வைரலாகி வருகிறது.
![Gunasekaran Romance : யம்மா ஏய்... உனக்கு ரொமான்ஸ் கூட வருமா பா... வைரலாகும் குணசேகரன் லவ் வீடியோ Ethir neechal Gunasekaran romance video goes viral online Gunasekaran Romance : யம்மா ஏய்... உனக்கு ரொமான்ஸ் கூட வருமா பா... வைரலாகும் குணசேகரன் லவ் வீடியோ](https://feeds.abplive.com/onecms/images/uploaded-images/2023/06/27/02a176fa5a052bd168c85cf7fee0a4f51687867765645224_original.jpg?impolicy=abp_cdn&imwidth=1200&height=675)
சின்னத்திரை ரசிகர்கள் மத்தியில் மாபெரும் வரவேற்பை பெற்றுள்ள சன் டிவி தொலைக்காட்சியில் காலை முதல் இரவு வரை ஏராளமான சீரியல்கள் ஒளிபரப்பாகி வருகின்றன. ஒவ்வொரு சீரியலுக்கும் அதற்கான ரசிகர் பட்டாளம் இருந்தாலும் இரவு 9.30 மணிக்கு ஒளிபரப்பாகும் 'எதிர் நீச்சல்' சீரியலுக்கு அமோகமான வரவேற்பு கிடைத்துள்ளது. அதிலும் சமீப காலமாக இந்த சீரியல் என்றுமே ட்ரெண்டிங்கில் இருந்து வருகிறது.
இயக்குனர் திருச்செல்வம் இந்த சீரியலின் கதைக்களத்தை சீரியல் தொடங்கிய நாள் முதல் பரபரப்பாகவே வைத்துள்ளார். சமீபத்தில் அவர் சீரியலில் என்ட்ரி கொடுத்த பிறகு வேற லெவலில் ஸ்வாரஸ்யமாக உள்ளது. பெண்களை அடிமைகளாக வைத்து இருக்கும் அண்ணன் தம்பிகள் அதற்கு எதிராக குரல் கொடுக்கும் பெண்ணை மையமாக வைத்து கதை நகர்கிறது.
மதுரையை சேர்ந்த ஒரு கூட்டு குடும்பத்தில் ஆண் ஆதிக்கம் மேலோங்கி இருக்கிறது. அந்த வீட்டிற்கு மருமகள்களாக வரும் பெண்கள் அனைவருமே நன்கு படித்த பட்டதாரிகளாக இருக்கு கணவர்கள் படிக்காதவர்கள் என்பதால் மனைவிகளை அடிமைகளாக வைத்து இருக்கிறார்கள். அந்த வீட்டின் கடைசி மருமகளான ஜனனி வீட்டில் நடக்கும் அநியாயங்களை தட்டிக் கேட்கிறார். அதனால் பல பிரச்சனைகளில் சிக்குகிறார்.
இந்த சீரியலின் ஹைலைட்டாக இருப்பவர் வீட்டிற்கு மூத்த அண்ணன் குணசேகரன். அவர் சொல்வது தான் வீட்டில் சட்டம். அவரை யாரும் எதிர்க்க கூடாது. அப்படி இருக்கையில் ஜனனி, குணசேகரனின் தங்கை ஆதிரையை அவளின் காதலன் அருணோடு சேர்த்து வைப்பதற்கான முயற்சிகளை தீவிரமாக ரிஸ்க் எடுத்து செய்தும் அது பலனில்லாமல் தோற்றுப் போனாள். ஜனனி எப்படியும் ஜெயித்துவிடுவாள் என மிகுந்த நம்பிக்கையுடன் இருந்த ரசிகர்களுக்கு குணசேகரன் ஜெயித்தது பெரிய ட்விஸ்ட்டாக இருந்தது.
கரடு முரடான குணாதிசயம் கொண்ட கதாபாத்திரமான குணசேகரனை இதுவரையில் நக்கலும் நையாண்டியாகவும், கடுப்பாகவுமே பார்த்த ரசிகர்களுக்கு அவரின் ரொமான்ஸ் வீடியோ ஒன்று தற்போது வெளியாகி வைரலாக பகிரப்பட்டு வருகிறது. எதிர் நீச்சல் தொடர் தொடங்கிய போது குணசேகரனுக்கு, சாருபாலா மீது விருப்பம் இருந்தது. ஆனால் குணசேகரன் படிக்காதவர் என்பதால் அவரை திருமணம் செய்து கொள்ள மறுத்துள்ளார் சாரு. இது பிளாஷ்பேக் ஸ்டோரி என்றாலும் சமீபத்தில் வெளியான ஒரு எபிசோடில் மீண்டும் குணசேகரன் சாருபாலா சந்திக்கிறார்கள். அவர்களின் சந்திப்பை ரொமான்ஸ் வீடியோ போல எடிட் செய்யப்பட்டு வெளியானது. அதில் சாருவை பார்க்கும் போதெல்லாம் குணசேகரனுக்கு பின்னணியில் காதல் பாடல் ஒலிக்கிறது. இவ ஒருத்தி மட்டும் நம்மளை என்ன பேசினாலும் கோபமே வரமாட்டேங்குதே என குணசேகரன் மைண்ட் வாய்ஸ் கேட்கிறது. குணசேகரனுக்கு ரொமான்ஸ் கூட வருமா என மிகவும் ஆச்சரியத்துடன் இந்த வீடியோவை பகிர்ந்து வருகிறார்கள் எதிர் நீச்சல் ரசிகர்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)