Taapsee Pannu: முதல்ல ஹோம்வொர்க் பண்ணிட்டு வாங்க.. செய்தியாளரை வெளுத்துவாங்கிய டாப்ஸி!
நடிகை டாப்ஸி செய்தியாளரிடம் வாக்குவாதம் செய்த வீடியோ சமூக வலைதளங்களில் வைரலாகி வருகிறது.
நடிகை டாப்ஸி செய்தியாளரிடம் வாக்குவாதம் செய்த வீடியோ சமூக வலைதளங்களில் வைரலாகி வருகிறது.
கோலிவுட்டில் நடிகர் தனுஷ் நடிப்பில் வெளியான 'ஆடுகளம்’ திரைப்படம் மூலமாக அறிமுகமானவர் டாப்ஸி. இதனையடுத்து ராகவா லாரன்சுடன் காஞ்சனா 2, வந்தான் வென்றான், கேம் ஓவர், ஆரம்பம் , வை ராஜா வை போன்ற படங்களில் நடித்துள்ளார். பாலிவுட்டில் அதிகமாக வாய்ப்புகள் வந்ததும் அங்கு கவனம் செலுத்திய டாப்ஸி அங்கு பட படங்களில் நடித்தார்.
View this post on Instagram
அந்த வகையில் இயக்குநர் அனுராக் காஷ்யப் இயக்கத்தில் டாப்ஸி நடிப்பில் கடந்த மாதம் ஓடிடியில் வெளியான திரைப்படம் ‘டோபாரா’. இந்தப்படத்திற்கு கலவையான விமர்சனங்கள் வந்த நிலையில் பாய்காட் டோபாரா என்ற ஹேஷ்டேக்கும் சமூக வலைதளங்களில் ட்ரெண்ட் ஆனது.
View this post on Instagram
இது குறித்து அண்மையில் நடந்த ஓடிடி ப்ளே விருதுகள் 2022 -ல் கலந்து கொண்ட டாப்ஸியிடம் கேட்கப்பட்டது. இதற்கு பதிலளித்த டாப்ஸி ‘எந்தப்படம் பாய்காட் ட்ரெண்டை எதிர்கொள்ளாமல் இருக்கிறது.. உடனே அந்த செய்தியாளர் அவரிடம் கேள்வி கேட்க முயன்றார்.
View this post on Instagram
ஆனால் அவரை பேசவிடாமல் தடுத்த டாப்ஸி நீங்கள் என்னுடைய கேள்விக்கு முதலில் பதிலளியுங்கள். அதன் பின்னர் நான் உங்களது கேள்விக்கு பதில் கொடுக்கிறேன். சொல்லுங்கள் எந்தப்படம் விமர்சனத்தை எதிர்கொள்ளாமல் இருக்கிறது.” என்றார்.
தொடர்ந்து பேசிய செய்தியாளர் விமர்சகர்கள் சொன்னதை திருப்பிச் சொல்ல, கோபமான டாப்ஸி நீங்கள் ஏதாவது கேள்வி கேட்க வேண்டும் என்று நினைத்தால் அதற்கு முன் ஹோம்வொர்க் செய்து விட்டு வாருங்கள். பின்னர் அவர்களே சொல்வார்கள் நடிகர்களுக்கு ஒழுக்கம் இல்லை என்பார்கள். ஹசீன் தில்ருபா படத்திற்காக நடிகை டாப்ஸிக்கு சிறந்த நடிகைக்கான விருது ஓடிடி ப்ளே விருதுகள் நிகழ்ச்சியில் வழங்கப்பட்டது.
தலைப்பு செய்திகள்
ட்ரெண்டிங் செய்திகள்
