Shah Rukh Khan:”விஜய் போல எனக்கு டான்ஸ் வராது.. ஈசியான ஸ்டெப்பா சொல்லுங்க..” உண்மையை சொன்ன ஷாருக்கான்..!

”விஜய் சேதுபதி சார், ‘ நீங்கள் உங்கள் காதலியால் என்னை பழிவாங்கி விட்டதாக சொன்னீர்கள். நீங்கள் என்னை தோற்கடித்து இருக்கலாம். ஆனால், பெண்கள் எப்பொழுதுமே என்னுடையவர்கள்”

ஜவான் பட விழாவில் ஷாருக்கான்

தனது வாழ்நாளில் தமிழ்நாட்டில் நடந்தது போன்ற பிரமாண்ட ரசிகர்களின் வரவேற்பை பார்த்ததில்லை என்றும், விஜய் போல் தன்னால் நடனம் ஆட முடியாது என்றும் பாலிவுட் நடிகர் ஷாருக்கான் பேசியுள்ளார்.

ஜவான் ப்ரீரிலீஸ்:

அட்லீ இயக்கத்தில் ஷாருக்கான், நயன்தாரா, விஜய் சேதிபதி, யோகிபாபு என பலர் நடித்திருக்கும் ஜவான் திரைப்படம் வரும் 7ம் தேதி மூன்று மொழிகளில் திரைக்கு வருகிறது. படத்திற்கு அனிருத் இசை அமைத்து அதிரடி காட்டியுள்ளார். கடந்த சில நாட்களாக ஜவான் படத்தில் இருந்து வெளிவந்த ஒவ்வொரு அப்டேட்களும், வந்த எடம், ஹய்யோடா உள்ளிட்ட பாடல்களும் டிரெண்டாகி படத்தின் மீதான எதிர்பார்ப்பை அதிகரித்தது. 

இந்நிலையில் படம் ரிலீஸுக்கு ஒரு வாரமே உள்ளதால் சென்னையில் பிரமாண்டமாக படத்தின் பிரீ ரிலீஸ் விழா இன்று நடைபெற்றது. இதில் பாலிவுட் ஸ்டாரான ஷாருக்கான், விஜய் சேதுபதி, இசையமைப்பாளர் அனிருத், அட்லீ உள்ளிட்ட பல திரைப்பிரபலங்கள் பங்கேற்றனர். 

சந்தோஷ்சிவன், மணிரத்னத்திற்கு நன்றி:

விழாவில் பேசிய ஷாருக்கான், “என்னுடைய வாழ்நாளில் இதுபோன்ற ஒரு நிகழ்வில் நான் பங்கேற்றதில்லை. தமிழ் திரைப்படங்கள் எனக்கு ரொம்ப பிடிக்கும். ஒரு நல்ல தமிழ் படம் எனக்காக காத்திருக்கிறது என்று முன்பே நான் தெரிந்திருந்தேன். சந்தோஷ் சிவன் மற்றும் மணிரத்னம் சாருக்கு ரொம்ப நன்றி சொல்லி கொள்கிரேன். கமல் சாருடன் ஹேராம் படத்தில் நடித்துள்ளேன். ரா ஒன் படத்தில் ரஜினி சாருடன் நடித்துள்ளேன். இங்கு எனக்கு நல்ல நண்பர்கள் உள்ளனர். 

விஜய் சேதுபதி சார், ‘ நீங்கள் உங்கள் காதலியால் என்னை பழிவாங்கி விட்டதாக சொன்னீர்கள். நீங்கள் என்னை தோற்கடித்து இருக்கலாம். ஆனால், பெண்கள் எப்பொழுதுமே என்னுடையவர்கள். ஜவானுடன் இணைந்து இந்த 3 ஆண்டுகளில் அட்லீயும், அவரது மனைவியும் குழந்தையையும் பெற்றெடுத்துள்ளனர். 

This pose alone holds more power than whole bollywood 💥🔥#ShahRuhKhan // #JawanPreReleasepic.twitter.com/j3SQIaXH0E

— 𝐁𝐚𝐛𝐚 𝐘𝐚𝐠𝐚 (@yagaa__) August 30, 2023

டான்ஸ் வராது:

டான்ஸ் மாஸ்டரான ஷோபியிடம் கடினமான ஸ்டெப்ஸ் எனக்கு தரவேண்டாம், தளபதி போல எனக்கு டான்ஸ் வராது என கூறி இருந்தேன். அனிருத் என்னுடைய பேபி. எனது குழந்தைகள் போல தான் அவரும். மரண மாஸ் அட்லீ தேங்க்யூ சோ மச்....ஒளிமயமான விஷ்ணு தேங்க்யூ சோ மச்... தமிழ்நாட்டின் சாப்பாடு செம. இதனால் எனது சிக்ஸ் பேக்கை இழந்து விட்டேன். எனக்கு தொப்பை போட்டு விட்டது” என கலகலப்பாக பேசி அரங்கையே அதிர வைத்துள்ளார். 

This is SHAH RUKH KHAN for you:#jawan #JawanPreReleaseEvent pic.twitter.com/au93LSGbfI

— MAHA SRK FAN (@MahaanSRK) August 30, 2023