USA Iran: ”நான் செத்துட்டேனா” ட்ரம்புக்கு தக் லைஃப் கொடுத்த ஈரான் தலைவர் கமேனி.. ஈரான் அமெரிக்கா மோதல்

USA Iran Khamenei Dead: ஈரானின் உச்சபட்ச தலைவரான கமேனி கொல்லப்பட்டதாக அமெரிக்கா அறிவித்த நிலையில், அவரது ட்விட்டர் கணக்கில் சூசகமான பதிவு ஒன்று வெளியாகியுள்ளது.

ஈரான் உச்சபட்ச தலைவர் கமேனி

Source : Facebook

USA Iran Khamenei Dead: ஈரானின் உச்சபட்ச தலைவரான கமேனி கொல்லப்பட்டதாக அமெரிக்கா வெளியிட்ட அறிவிப்பை, தெஹ்ரான் ஊடகங்கள் திட்டவட்டமாக மறுத்துள்ளன.

கமேனி கொல்லப்பட்டது உண்மையா?

அமெரிக்கா மற்றும் இஸ்ரேல் நாடுகள் ஈரானின் உச்சபட்ச தலைவரான அயதுல்லா அலி கமேனி கொல்லப்பட்டதாக அறிவித்த சிறிது நேரத்திலேயே, அவரது ட்விட்டர் கணக்கில் சூசகமான பதிவு ஒன்று வெளியிடப்பட்டுள்ளது. அதில், கையில் தங்க நிறத்தில் வாளை ஏந்தியபடி ஒரு உருவம் இருக்க, அதன் அருகே பெர்சியன் மொழியில் எழுதப்பட்ட ஒரு வாக்கியத்தை கொண்ட புகைப்படம் இணைக்கப்பட்டுள்ளது. அந்த வாக்கியத்திற்கு ”நமி ஹைதரின் பெயரில்” என்பது பொருளாகும்.

به نام نامی حیدر علیه‌السلام pic.twitter.com/n848j6KASq

— KHAMENEI.IR | فارسی (@Khamenei_fa) February 28, 2026

ட்ரம்ப் சொன்னது பொய்யா?

இதனிடையே,  ஈரான் ஊடகங்கள் வெளியிட்டுள்ள செய்திகளில், 86 வயதான கமேனி, அமெரிக்கா மற்றும் இஸ்ரேல் இணைந்து தெஹ்ரானில் நடத்திய ராணுவ தாக்குதலில் இருந்து தப்பித்துவிட்டதாக குறிப்பிடப்பட்டுள்ளது. கமேனியின் அலுவலக வட்டாரங்கள், அரசு ஊடகங்கள் தரப்பில் இருந்து வெளியாகியுள்ள தகவலின்படி, கமேனி உறுதியாகவும் ஆரோக்கியமாகவும் இருப்பதாக கூறப்படுகிறது. ஈரானிய செய்தி நிறுவனங்களான தஸ்னிம் மற்றும் மெஹர் ஆகியவையும் இதேபோன்ற செய்திகளை வெளியிட்டுள்ளன.  அதே நேரத்தில் ஈரான் டைம்ஸ் சில ஆதாரங்களை மேற்கோள் காட்டி, முற்றிலும் பாதுகாப்பாகவு, ஆரோக்கியமாகவும் இருப்பதாக தெரிவித்துள்ளது.

கமேனியின் குடும்பத்தினர் பலி

அதேநேரம், கமேனியின் மகள், மருமகன் மற்றும் பேத்தி ஆகியோர் அமெரிக்கா மற்றும் இஸ்ரேலின் கூட்டு ராணுவ தாக்குதலில் கொல்லப்பட்டதாக, ஈரான் ஊடகங்கள் செய்தி வெளியிட்டுள்ளன. கமேனியின் நெருங்கிய வட்டாரத்தில் விசாரித்த பிறகு இந்த மோசமான செய்தி உறுதி செய்யப்பட்டுள்ளதாக ஊடகங்களில் தெரிவிக்கப்பட்டுள்ளது. கடந்த 1989ம் ஆண்டு முதல் ஈரானை வழிநடத்தி வரும் கமேனி, அமெரிக்கா மற்றும் இஸ்ரேலுக்கு ஆபத்தான ஆயுதங்களை தயாரித்து வருவதாக குற்றச்சாட்டு நிலவுகிறது. இதனை தெஹ்ரான் திட்டவட்டமாக மறுத்தாலும், ட்ரம்ப் மற்றும் தேதன்யாகு இணைந்து வான்வழி தாக்குதலை சனிக்கிழமை தொடங்கினர். இதில் ஏராளமான பொதுமக்களும் உயிரிழந்ததாக தகவல்கள் தெரிவிக்கின்றன.

புகைப்படங்களை பார்த்த ட்ரம்ப்?

இதனிடையே, ஈரானின் உச்சபட்ச தலைவரான அயதுல்லா கொல்லப்பட்டதாகவும், அவரது உடலின் புகைப்படங்களை அமெரிக்க அதிபர் ட்ரம்ப் மற்றும் இஸ்ரேல் பிரதமர்  நேதன்யாகு பார்த்ததாகவும் இஸ்ரேல் ஊடகங்கள் செய்தி வெளியிட்டுள்ளன. அவரது வீட்டின் இடிபாடுகளில் இருந்து கமேனியின் உடல் மீட்கப்பட்டதாகவும் ஒரு ஊடகம் செய்தி வெளியிட்டுள்ளது. ஆனால் இது எதுவுமே தற்போது வரை ஈரான் தரப்பில் உறுதி செய்யப்படவில்லை என்பது குறிப்பிடத்தக்கது.