தினமும் 100 சிகரெட்.. 30 ப்ளாக் காஃபி.. இதுதான் நான்... - மனம் திறந்த பாலிவுட் நடிகர் ஷாரூக் கான்!

கடந்த 2011ஆம் ஆண்டு, ஒரு நேர்காணலில் தன்னுடைய மோசமான பழக்கம் குறித்து மனம்திறந்த நடிகர் ஷாரூக் கான், தினமும் 100 சிகரெட்களைப் புகைப்பதாகவும், சுமார் 30 கப் பிளாக் காஃபி குடிப்பதாகவும் கூறியிருந்தார்.

ஷாருக்கான்

பாலிவுட் நடிகர் ஷாரூக் கான் தான் புகைபிடிப்பதற்கு அடிமையாக இருப்பதைப் பலமுறை பகிரங்கமாக வெளிப்படுத்தியுள்ளார். கடந்த 2011ஆம் ஆண்டு, ஒரு நேர்காணலில் தன்னுடைய இந்த மோசமான பழக்கம் குறித்து மனம் திறந்த நடிகர் ஷாரூக் கான், தான் தினமும் 100 சிகரெட்களைப் புகைப்பதாகவும், சுமார் 30 கப் பிளாக் காஃபி குடிப்பதாகவும் கூறியிருந்தார். அந்த நேர்காணலில் ஷாரூக் கான் பேசியதில் இருந்து சிலவற்றை இங்கே கொடுத்துள்ளோம்... 

அதே நேர்காணலில், நடிகர் ஷாரூக் கான் உணவு மீதான அவரது பிரியத்தையும், டெல்லியில் அவரது தந்தை உணவகங்கள் நடத்தியதையும் சுட்டிக்காட்டியுள்ளார். மேலும், அவரது தந்தையின் ஸ்பெஷல் உணவு பதானி வகையைச் சேர்ந்தது எனவும், அவரது தாய் ஹைதராபாதி உணவு சமைப்பதில் வல்லுநர் எனவும் தெரிவித்துள்ளார். தனது தாய் உயிருடன் இருந்த வரை, அவர் கையால் சமைத்த உணவையே அவர் சாப்பிட்டு வந்ததாகவும், தாய்மையில் இதுதான் மகத்தானது எனவும் ஷாரூக் கான் கூறியுள்ளார். 

டெல்லி ஹார்பெர் பஜார் பகுதியின் உணவுகளைப் பற்றி பேசிய நடிகர் ஷாரூக் கான், `என் தந்தை உணவகங்கள் நடத்தி வந்தார். பட்டர் சிக்கன், நான் ஆகிய உணவுகளை நான் இன்னும் ஞாபகம் வைத்திருக்கிறேன். என் தந்தை பதானி உணவுகள் சமைத்தார். என் தாய் ஹைதராபாதி உணவுகளைச் சமைத்து அசத்துவார். என் தாய் அவர் உயிருடன் இருந்த வரை, அவர் கையால் சமைத்த உணவைவே நான் சாப்பிட்டு வந்தேன். அப்போது எனக்கு வயது 26. அவரே உணவைப் பிசைந்து எனக்கு தருவார். எனக்கு இன்னும் எனது கைகளால் உணவு சாப்பிட தெரியாது. நான் கல்வியற்றவனைப் போல இருப்பதாக எனக்கே தோன்றும். இதன் காரணமாகவே, நான் உணவகங்களுக்குச் செல்வது இல்லை. மேலும், நான் முன்பு சாப்பிட்ட உணவுகளை விட தற்போதைய உணவகங்களில் கிடைப்பவை ருசியானவை அல்ல எனக் கருதுகிறேன். என் நண்பர்களும், குடும்பத்தினரும் உணவகங்களுக்குச் சென்றால், உணவு முடிந்த பிறகு என்னை அழைக்க கூறுவேன். நான் வீட்டில் சாப்பிட்டுவிட்டு, அங்கு சென்று ஒரு காஃபி பருகுவேன். எனக்கு பிடித்த உணவகம் என்றால் மெக்டானலட்ஸ் என்று கூறுவேன்.. அல்லது கேஎஃப்சி.. ஏனெனில் என் குழந்தைகளுக்கு இவை பிடித்த இடங்கள்.. என் நண்பர்களுடன் அரிதாக உணவகம் செல்லும் பழக்கம் இருக்கிறது’ எனக் கூறியுள்ளார். 

தனது உடல்நலம் குறித்து பேசிய நடிகர் ஷாரூக் கான், `நான் தூங்குவதில்லை. சுமார் 100 சிகரெட்களைப் பிடிக்கிறேன். உணவு உண்ண மறக்கிறேன். நான் உணவு உண்ண வேண்டும். உங்கள் படப்பிடிப்பின் நடுவில் இப்போது ஞாபகம் வருகிறது. மேலும், நான் தண்ணீர் குடிப்பதில்லை. தினமும் 30 ப்ளாக் காஃபி குடிக்கிறேன்.. ஆனால் சிக்ஸ் பேக் வைத்திருக்கிறேன்.. என்னை நான் பார்த்துக் கொள்வது குறைவு.. என்னை மற்றவர்கள் பார்த்துக் கொள்வது அதிகம்’ எனவும் தெரிவித்துள்ளார். 

தினமும் 100 சிகரெட்களைப் புகைபிடித்தும், 30 ப்ளாக் காஃபிகளைக் குடித்தும், பாலிவுட் திரைத்துறையின் ஃபிட்டான நடிகர்களுள் ஷாரூக் கானும் ஒருவர்.