லவ் யூ மகனே... லோகேஷ் கனகராஜை கட்டியணைத்து பிறந்தநாள் வாழ்த்து கூறிய பயங்கரமான வில்லன் ! 

லியோ படக்குழுவினருடன் பிறந்தநாள் கொண்டாடும் லோகேஷ் கனகராஜ் பர்த்டே பார்ட்டியில் அவரை கட்டியணைத்து வாழ்த்து தெரிவித்தார் லியோ படத்தின் வில்லன் சஞ்சய் தத்.

லோகேஷ் கனகராஜுக்கு வாழ்த்து கூறிய சஞ்சய் தத்

மாநகரம் திரைப்படம் மூலம் தமிழ் சினிமாவில் இயக்குனராக நேரடியாக அறிமுகமானவர் லோகேஷ் கனகராஜ். முதல் படத்திலேயே அனைவரின் பார்வையையும் தன்பக்கம் திருப்பியவர். அதனை தொடர்ந்து அவர் இயக்கிய மாஸ்டர், கைதி, விக்ரம் என நான்கு படங்கள் ஒவ்வொன்று  வித்தியாசமானவை. நான்கே படங்களில் அனைவரின் பேவரட் இயக்குனராக திகழும் லோகேஷ் கனகராஜின் 37வது பிறந்தநாள் இன்று.

 

லியோ படக்குழுவுடன் பர்த்டே பார்ட்டி கொண்டாடிய லோகேஷ் கனகராஜ்

 

லியோ படக்குழுவுடன் பர்த்டே பார்ட்டி :

லோகேஷ் கனகராஜ் தற்போது நடிகர் விஜயுடன் மாஸ்டர் படத்திற்கு பிறகு இரண்டாவது முறையாக கூட்டணி சேர்ந்துள்ள திரைப்படம் 'லியோ'. இப்படத்தின் படப்பிடிப்பு மிகவும் மும்மரமாக நடைபெற்று வருகிறது. லோகேஷ் கனகராஜின் பிறந்தநாளான இன்று செம்ம பர்த்டே பார்ட்டியுடன் பிறந்தநாளை லியோ படக்குழுவினருடன் கொண்டாடினார் லோகேஷ். அந்த பார்த்டே பார்ட்டியில் எடுக்கப்பட்டு புகைப்படங்கள் சோசியல் மீடியாவில் மிகவும் வைரலாக பகிரப்பட்டு வருகிறது. 

சஞ்சய் தத் பிறந்தநாள் வாழ்த்து :

லியோ திரைப்படத்தின் பிரதான வில்லனாக நடிக்கிறார் பாலிவுட் நடிகர் சஞ்சய் தத். லோகேஷ் கனகராஜுடன் காஷ்மீரில் நடைபெறும் படப்பிடிப்பில் ஈடுபட்டுள்ள நடிகர் சஞ்சய் தத், பிறந்தநாள் பார்ட்டியில் லோகேஷுடன் எடுத்துக்கொண்ட புகைப்படம் ஒன்றை தனது ட்விட்டர் பக்கத்தில் போஸ்ட் செய்து அழகான பதிவு ஒன்றையும் போஸ்ட் செய்துள்ளார் 'பிறந்தநாள் வாழ்த்துக்கள் லோகேஷ் கனகராஜ் என் சகோதரன், மகன், குடும்பம். கடவுள் உங்களுக்கு மேலும் வெற்றி, அமைதி, மகிழ்ச்சி மற்றும் செல்வத்தை வழங்கட்டும், நான் எப்போதும் உங்களுடன் இருப்பேன். எனது ஆசீர்வாதங்கள்! லவ் யூ' என அன்புடன் பதிவிட்டுள்ளார்.

 

விஜய்க்கு நன்றி சொன்ன லோக்கி:

மேலும் லியோ படக்குழுவினர் ஒவ்வொருவரும் வாழ்த்து தெரிவித்து வருகையில் படத்தின் ஹீரோ நடிகர் விஜய் மற்றும் ஹீரோயின் திரிஷா மற்றும்  கௌதம் வாசுதேவ் மேனன், மிஷ்கின் என பலரும் லோகேஷுக்கு பிறந்தநாள் வாழ்த்துக்களை தெரிவித்துள்ளனர். அந்த வகையில் இயக்குநர் லோகேஷ் கனகராஜ் நடிகர் விஜயுடன் காஷ்மீரில் எடுத்துக்கொண்ட புகைப்படம் ஒன்றை தனது ட்விட்டர் பக்கத்தில் பதிவிட்டுட்டு 'எல்லாத்துக்கும் நன்றி அண்ணா' என போஸ்ட் செய்துள்ளார்.