ஒரு வாவ் நியூஸ்.. காதலனை கரம்பிடித்த கண்மணி... இப்படி ஒரு நிச்சயதார்த்தமா?
நவீன் மற்றும் செய்தி வாசிப்பாளர் கண்மணி ஜோடி குடும்பத்தினரும் கலந்து பேசி திருமணம் முடிவான நிலையில் பெரியவர்கள் முன்னிலையில் இன்று நிச்சயதார்த்த விழா நடைபெற்றுள்ளது.
வெள்ளித்திரையை விட சின்னத்திரை பிரபலங்கள் தான் அதிகளவில் மக்கள் மனதில் நீங்கா இடம்பிடித்து வருகின்றனர். சீரியல் நடிகர் மற்றும் நடிகைகள் மட்டுமில்லாமது செய்திவாசிப்பாளர்களும் அந்த வரிசையில் இடம் பெற்றுள்ளார்கள். குறிப்பாக புதியதலைமுறையில் செய்திவாசிப்பாளராக இருந்த பிரியா பவானி சங்கர் மற்றும் சன்டிவியின் அனிதா சம்பத் ஆகியோரின் வரிசையில் தற்போது தனக்கென ஒரு ரசிகர் பட்டாளத்தை வைத்துள்ளார் கண்மணி சேகர்.
View this post on Instagram
இவரது அழகான முகம் மற்றும் தெளிவான தமிழ் உச்சரிப்பு, ஹேர்ஸ்டைல், புடவை போன்றவற்றைப் பார்ப்பதற்கே இளைஞர்கள் காத்திருக்கிறார்கள் என்று கூற வேண்டும். காவிரி, மாலை முரசு, ஜெயா டிவியில் செய்தி வாசிப்பாளராக பணியாற்றிய கண்மணி சேகர் தற்போது சன்டிவியின் பணியாற்றிவருகிறார். இவர் வாசிக்கும் செய்திகள் சோசியல் மீடியாவில் வலம் வரும் நிலையில் இவரது ரசிகர்கள் அதனை டிரெண்டாக்கியும் வந்தனர்.
View this post on Instagram
இந்தநிலையில், கடந்த சில வாரங்களுக்கு முன்பாக சன் டிவி செய்தி வாசிப்பாளர் கண்மணியும், கலர்ஸ் டிவி தமிழில் ஒளிபரப்பாகி வரும் "இதயத்தை திருடாதே" தொடரில் நடித்து வரும் நவீனும் கடந்த சில நாட்களுக்கு முன்பு காதலித்து வருவதாக செய்திகள் பரவி வந்தன.
இதை உண்மை என நிரூபிக்கும் விதமாக கண்மணியும் தனது நவீன்தான் என்று இருவரும் இணைந்து இருக்கும் புகைப்படத்தை வெளியிட்டார். அதன் தொடர்ச்சியாக தனியார் யூடியூப் சேனல் ஒன்றும் இவர்களை ஒரே மேடையில் ஏற்றி அழகு பார்த்தது.
தற்போது நவீன் மற்றும் செய்தி வாசிப்பாளர் கண்மணி ஜோடி குடும்பத்தினரும் கலந்து பேசி திருமணம் முடிவான நிலையில் பெரியவர்கள் முன்னிலையில் இன்று நிச்சயதார்த்த விழா நடைபெற்றுள்ளது. இதற்கான புகைப்படங்கள் தற்போது வெளியாகி இணையத்தில் வைரலாகி வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
