Fight Club Box Ofiice: உச்ச நட்சத்திரங்கள் இல்லாமல் 4 நாள்களில் கோடிகளில் வசூல்.. ஃபைட் கிளப் வசூல் நிலவரம்!
Fight Club Box Ofiice: ஜி ஸ்குவாட் தயாரித்துள்ள ஃபைட் கிளப் படத்தின் முதல் வார பாக்ஸ் ஆஃபிஸ் குறித்த தகவல் வெளியாகி உள்ளது.
ஃபைட் கிளப்
லோகேஷ் கனகராஜ் தயாரிப்பு நிறுவனமான ஜி ஸ்குவாட் தயாரித்துள்ள திரைப்படம் ஃபைட் கிளப் (Fight Club) . அபாஸ்.ஏ.ரஹ்மத் இந்தப் படத்தை இயக்கியுள்ளார். மோனிஷா மோகன் மேனன், அவினாஷ் ரகுதேவன், சங்கர் தாஸ், கார்த்திகேயன் சந்தானம், சரவண வேல் உள்ளிட்டவர்கள் இப்படத்தில் நடித்துள்ளார்கள். கோவிந்த் வசந்தா இசையமைத்துள்ளார். இப்படத்திற்கான விநியோக உரிமைத்தை சக்தி ஃபிலிம் ஃபாக்டரியும் சாட்டலை உரிமத்தை விஜய் தொலைக்காட்சி பெற்றுள்ளது மேலும் இப்படத்திற்கான ஓடிடி உரிமத்தை டிஸ்னி பிளஸ் ஹாட்ஸ்டார் பெற்றுள்ளது. அதீத வன்முறைக் காட்சிகள் இடம்பெற்றுள்ள காரணத்தினால் இப்படத்திற்கு ஏ சான்றிதல் வழங்கப் பட்டுள்ளது.
தனிப்பட்ட ஒரு சிலரின் ஆதாயத்திற்காக மற்றும் அரசியல் சுயலாபத்திற்காக இளைஞர்களை போதைப்பழக்கத்திற்கு அறிமுகப்படுத்தி அவர்கள் எப்படி பகடைக் காயாக பயன்படுத்தப்படுகிறார்கள் என்பதை மையமாக வைத்து உருவான படமே ஃபைட் கிளப். ஹாலிவுட்டில் பிராட் பிட் நடிப்பில் வெளியான ஃபைட் கிளப் என்கிற படத்தின் டைட்டில் இந்தப் படத்திற்கு வைக்கப்பட்டுள்ளது. படத்தின் டைட்டிலுக்கு ஏற்ற வகையில் முழுக்க முழுக்க ஆக்ஷன் காட்சிகளால் நிறைந்த படமாக ரசிகர்களை கவர்ந்துள்ளது இப்படம், ஃபைட் கிளப் திரைப்படம் வெளியாகி ஒரு வார காலம் முடிவடையும் நிலையில் தற்போது இந்தப் படத்தின் முதல் வார பாக்ஸ் ஆஃபிஸ் கலெக்ஷன் குறித்த தகவல் தெரிவிக்கப் பட்டுள்ளது.
முதல் வார வசூல்
இந்தியா மட்டுமில்லாமல் வெளிநாடுகளிலும் வெளியாகி நல்ல வரவேற்பைப் பெற்றுள்ள ஃபைட் கிளப் திரைப்படம் முதல் வாரத்தில் உலகளவில் 5.75 கோடி வசூல் ஈட்டியுள்ளது. இந்தத் தகவலை ஜி ஸ்குவாட் நிறுவனம் தங்களது எக்ஸ் தளத்தில் அதிகாரப்பூர்வமாக தெரிவித்துள்ளது.
#FightClub has grossed over 5.75 CRORES worldwide on opening weekend!! 👊
— GSquad (@GSquadOffl) December 19, 2023
Thanks to the wonderful fans and audience for making it a special one for us!@Dir_Lokesh @Vijay_B_Kumar @reelgood_adi @Abbas_A_Rahmath @reel_good_films @GSquadOffl @mytrimonisha #GovindVasantha… pic.twitter.com/p9ghsD8Zpb
நன்றி கூறிய லோகேஷ் கனகராஜ்
ஃபைட் கிளப் படத்திற்கு ரசிகர்கள் கொடுத்திருக்கும் வரவேற்புக்கு நன்றி தெரிவிக்கும் வகையில் இயக்குநர் லோகேஷ் கனகராஜ் சமீபத்தில் அறிக்கை ஒன்றை வெளியிட்டிருந்தார். இந்த அறிக்கையில் தன்னுடைய முதல் படமான மாநகரம் படத்தை ஆதரித்தது போல தன்னுடைய தயாரிப்பில் வெளியான முதல் படத்திற்கும் ரசிகர்கள் ஆதரவு கொடுத்துள்ளார்கள் . இதற்கான தான் என்றும் ரசிகர்களுக்கு கடமைப் பட்டிருப்பேன் என்று அவர் கூறியிருந்தார்.
தலைப்பு செய்திகள்
ட்ரெண்டிங் செய்திகள்
