Harish Kalyan School memories: ‛மீண்டும் பள்ளிக்கு போகலாம்...’ 96 நினைவுகளை பகிர்ந்த ஹரிஷ் கல்யாண்!

பிக் பாஸ் நிகழ்ச்சி மூலம் பிரபலமான ஹரிஷ் கல்யாண் தனது பள்ளிக்கூட நினைவுகளை இன்ஸ்டாகிராம் போஸ்ட் மூலம் பகிர்ந்துள்ளார். இந்த புகைப்படங்களை தற்போது வைரலாகி வருகின்றன.

ஹரிஷ் கல்யாண் ஸ்கூல் மெமரிஸ்

விஜய் டிவியில் மிகவும் பிரபலமான ரியாலிட்டி ஷோ பிக் பாஸ் நிகழ்ச்சி மூலம் பிரபலமான பலரில் ஒருவர் பிக் பாஸ் சீசன் 1ல் பங்கேற்று ரன்னர் அப்பாக வெற்றி பெற்ற ஹரிஷ் கல்யாண். ஒரு வைல்ட் கார்டு போட்டியாளராக பிக் பாஸ் வீட்டுக்குள் நுழைந்தாலும் குறுகிய காலத்திலேயே பல ரசிகர்களை பெற்றவர். நிகழ்ச்சியில் இருந்து வெளியே வந்த ஹரிஷுக்கு சினிமா வாய்ப்புகள் குவிந்தன. இன்று தமிழ் சினிமாவில் வளர்ந்து வரும் நடிகர்களில் மிகவும் பிரபலமானவர் ஹரிஷ் கல்யாண். 

 

பிக் பாஸ் நிகழ்ச்சி கொடுத்த பப்ளிசிட்டி :
  
பிரபல திரைப்பட விநியோகஸ்தர் கல்யாணி மகன் ஹரிஷ் முதலில் நடிகராக அறிமுகமானது அமலா பால் நடிப்பில் 2010ம் ஆண்டு வெளியான சிந்து சமவெளி திரைப்படத்தில். ஆனால் சில சர்ச்சைகள் காரணமாக அப்படம் தோல்வி பெற்றது. ஆனால் பிக் பாஸ் நிகழ்ச்சி மூலம் பிரபலமான ஹரிஷ் கல்யாணுக்கு பல பட வாய்ப்புகள் குவிந்தன. பியார் பிரேமா காதல், கசடதபற, தாராள பிரபு, ஓமணப்பெண்ணே, இஸ்பேட் ராஜாவும் இதய ராணியும் என அடுத்தடுத்து பல படங்களில் நடித்துள்ளார் ஹரிஷ். 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Harish Kalyan (@iamharishkalyan)

 

விரைவில் டும் டும் டும் :

சில தினங்களுக்கு முன்னர், தான் திருமணம் செய்து கொள்ள போகும் நீண்ட நாள் காதலியின் புகைப்படத்தை சோசியல் மீடியாவில் வெளியிட்டு இன்ப அதிர்ச்சி கொடுத்தார். இவர்கள் இருவருக்கும் வரும் அக்டோபர் 28ம் தேதி திருமணம் நடைபெறவுள்ளது. ஹரிஷ் கல்யாணின் காதலி நர்மதா உதயகுமார் ஒரு ஐடி கம்பெனியில் பணியாற்றுவதாக கூறப்படுகிறது. 

பள்ளி நினைவுகள் :

இந்த நிலையில் தற்போது நடிகர் ஹரிஷ் கல்யாண் ஒரு புதிய இன்ஸ்டா போஸ்ட் செய்துள்ளார். தான் படித்த பள்ளியில் தனது நண்பர்களுடன் எடுத்துக்கொண்ட புகைப்படத்தை பகிர்ந்து தனது மறக்க முடியாத நினைவுகளை பகிர்ந்துள்ளார். சமீபத்தில் நான் படித்த பள்ளிக்கு சென்ற போது நான் மிகவும் உணர்ச்சிவசப்பட்டேன். மார்ச் பாஸ்ட் செய்த கிரவுண்ட், சைக்கிள் நிறுத்துமிடம், பெஞ்ச், கிளாஸ் ரூம், ஸ்போர்ட்ஸ் டே, இரைச்சலான காரிடர், மீட்டிங் என அனைத்து நினைவுகளும் என்னை சூழ்ந்தது. இவை அனைத்திற்கும் மேல் என் வாழ்நாளின் மிக முக்கியமான எனது நண்பர்களை கொடுத்த இடம் என மிகவும் உணர்ச்சிகரமான ஒரு குறிப்பையும் அவரின் புகைப்படங்களுடன் பகிர்ந்துள்ளார். ஹரிஷ் கல்யாணின் இந்த போஸ்ட்க்கு லைக்ஸ்களும் கமெண்ட்களும் குவிந்து வருகின்றன.  

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Harish Kalyan (@iamharishkalyan)

 

விஜய் டக்கர் :

ஸ்டார் விஜய் தொலைக்காட்சி விஜய் டக்கர் எனும் புதிய சேனல் ஒன்றை இளைஞர்களுக்காக தொடங்கியுள்ளது. இதில் இளைஞர்களுக்கான பிரத்யேக நிகழ்ச்சிகள் மட்டுமே ஒளிபரப்பப்படும். இந்த நிகழ்ச்சிக்காக தான் ஹரிஷ் கல்யாண் தான் படித்த பள்ளிக்கு சென்றுள்ளார். இந்த இனிமையான நிகழ்வை ஏற்படுத்தி கொடுத்த விஜய் தொலைக்காட்சிக்கு தனது நன்றிகளை தெரிவித்துள்ளார் ஹரிஷ் கல்யாண்.