Gautham Vasudev Menon: மம்மூட்டியுடன் ஷூட்டிங்கைத் தொடங்கிய கெளதம் மேனன்: ஸ்டைலிஷ் ஆக்‌ஷனா, ரொமாண்டிக் படமா?

இயக்குநர் கெளதம் வாசுதேவன் - நடிகர் மம்மூட்டி இணையும் படத்தின் படப்பிடிப்பின் பூஜை இன்று தொடங்கியுள்ளது.

கெளதம் மேனன் , மம்மூட்டி , நயன்தாரா

Source : Other

கெளதம் வாசுதேவ் மேனன்

தமிழ் படங்களில் மணிரத்னத்துக்கு அடுத்தபடியாக காதல் படங்களில் புதுமையைக் காட்டியவர் கெளதம் மேனன். விவகாரத்து பெற்ற இருவர் மீண்டும் காதல் வயப்படுவது,  ஈகோவினால், பொறுப்புகளால் காதலில் ஏற்படும் பிரச்னைகள், என காதலைப் பற்றிய பல்வேறு பரிமாணங்களை தனது படங்களில் அழகாகக் காட்டியிருக்கிறார். ரொமான்ஸ் தவிர்த்து கெளதம் மேனன் படங்களில் ஆக்‌ஷன் காட்சிகளும், பாடல் காட்சிகளும் தனித்துவமானவை. தொடர்ச்சியாக வெற்றிப் படங்களைக் கொடுத்து வந்த கெளதம் மேனன் பல்வேறு சவால்களை எதிர்கொண்டு தன் படங்களை இயக்கி வருகிறார். தயாரிப்பாளராக தனக்கு ஏற்பட்ட நஷ்டங்கள், தனது படங்களை வெளியிடுவதில் இருக்கும் சவால்கள், ஒப்பந்தத்தின் பெயரில் தயாரிப்பாளர்களுக்கு திரைப்படங்களை இயக்கித் தருவது, என ஒரு படைப்பாளிக்கு இருக்க வேண்டிய சுதந்திரம் அவரிடம் தொடர்ச்சியாக பறிபோவதை நாம் பார்த்து தான் வருகிறோம்.

மம்மூட்டியை இயக்கும் கெளதம் மேனன்

தமிழில் படங்களை வெளியிட தொடர்ச்சியாக சவால்களை எதிர்கொண்டு வந்த கெளதம் மேனன் தற்போது மலையாளத் திரையுலகை நோக்கி திரும்பியுள்ளார். மலையாள சூப்பர்ஸ்டார் மம்மூட்டியை இயக்கவிருப்பது தொடர்பாக கடந்த சில மாதங்களால தகவல் வெளியாகி வந்த நிலையில் தற்போது இந்தப் படத்தின் பூஜை இன்று கொச்சியில் நடைபெற்று படப்பிடிப்பு தொடங்கியுள்ளது. மம்மூட்டியின் சொந்த தயாரிப்பு நிறுவனமான மம்மூட்டி கம்பேனி இந்தப் படத்தை தயாரிக்கிறது. இப்படத்தில் நயன்தாரா நாயகியாக நடிக்க இருப்பதாக தகவல்கள் வெளியாகியுள்ளன என்றாலும் இது குறித்த அதிகாரப்பூர்வத் தகவல் விரைவில் வெளியாக ரசிகர்கள் காத்திருக்கிறார்கள். 

Lights, Camera, Action! 🎬🔥
-#Mammootty & #GauthamMenon's first Malayalam film has officially started with a pooja in Kochi🏖️ today.
-Produced by🎦 #Mammootty's @MKampanyOffl
-Get ready for an epic entertainer! 💫📸@mammukka @menongautham #SamanthaRuthPrabhu #Samantha pic.twitter.com/dlxkx2yWic

— Kollywood Now (@kollywoodnow) July 10, 2024

மம்மூட்டி நடிப்பில் இந்த ஆண்டு ப்ரம்மயுகம் மற்றும் டர்போ ஆகிய இரு படங்கள் வெளியாகின. விமர்சனரீதியாகவும் வசூல் ரீதியாகவும் ப்ரம்மயுகம் படம் மிகப்பெரிய வெற்றிபெற்றது. அதேபோல் டர்போ திரைப்படம் மிகப்பெரிய கமர்ஷியல் வெற்றிபெற்றுள்ளது. 

கெளதம் மேனன் இயக்கி விக்ரம் நடித்துள்ள துருவ நட்சத்திரம் படம் கடந்த ஆண்டு வெளியாக இருந்த நிலையில் இறுதி நேரத்தில் ஒத்திவைக்கப்பட்டது. துருவ நட்சத்திரம் படத்தின் ரிலீஸ் தேதி இன்னும் உறுதிப்படுத்தப்படாமல் உள்ளது.