Coffee With Kadhal: ரெட்ஜெய்ண்ட் இணைந்தது... ‛காஃபி வித் காதல்’ அக்டோபர் 7ல் ரிலீஸ்!

Coffee with Kadhal: மூன்று ஆண்டுகளுக்கு பின்னர் சுந்தர்.சி இயக்கத்தில் அக்டோபர் 7 வெளியாகவுள்ளது "காஃபி வித் காதல்" திரைப்படம்

காஃபி வித் காதல்

Coffee with Kadhal Release Date: ரிலீஸ் தேதி குறித்த அப்டேட் வந்தாச்சு..."காஃபி வித் காதல்" திரைப்படம்

ஒரு நீண்ட இடைவேளைக்கு பிறகு இயக்குனர் சுந்தர்.சி இயக்கும் கலகலப்பான நகைச்சுவை கலந்த காதல் திரைப்படம் "காஃபி வித் காதல்" திரைப்படம். அரண்மனை 3 படத்திற்கு பிறகு சுமார் மூன்று ஆண்டுகளுக்கு பிறகு இப்படத்தை இயக்கியுள்ளார் சுந்தர்.சி. குஷ்புவின் 'அவ்னி சினி மேக்ஸ் பிரைவேட் லிமிடெட்' நிறுவனத்துடன் இணைந்து 'பென்ஸ் மீடியா நிறுவனங்கள்' இப்படத்தை தயாரித்துள்ளது.    

 

 

 

படத்தின் பிளஸ் பாயிண்ட் :

இப்படத்தில் ஜீவா, ஸ்ரீகாந்த், ஜெய், டிடி, அமிர்தா ஐயர், ஐஸ்வர்யா தத்தா, மாளவிகா சர்மா, யோகி பாபு உள்ளிட்டோர் முக்கிய கதாபாத்திரத்தில் நடித்துள்ளனர். இவர்களின் கூட்டணி சுந்தர்.சியின் முந்தைய திரைப்படமான கலகலப்பு 2 படத்தை நினைவூட்டுகிறது. இப்படத்திற்கு இசையமைத்துள்ளார் யுவன் ஷங்கர் ராஜா. படத்தின் பக்கபலமாக அமைந்துள்ளது யுவனின் பின்னணி இசை என கூறப்படுகிறது. படத்தின் பாடல் ஏற்கனவே வெளியானது. அதில் ஒன்று நடிகர் கமல்ஹாசன் நடிப்பில் இசைஞானி இளையராஜாவின் இசையில் வெளியான  மைக்கேல் மதன காமராஜன் திரைப்படத்தின் மிகவும் பிரபலமான பாடலான "ரம் பம் பம்..." பாடல். அந்த பாடலை ரீமிக்ஸ் செய்துள்ளார்    யுவன் ஷங்கர் ராஜா. இது சமூகவலைத்தளத்தில் வெளியிடப்பட்டு ரசிகர்களின் வரவேற்பை பெற்றது. ஹிப் ஹாப் தமிழா ஆதியும் யுவன் ஷங்கர் ராஜாவும் இப்படத்தில் ஒரு பாடல் மூலம் இணைந்துள்ளனர். தியாகி பாய்ஸ் என்ற சிங்கிள் பாடலை யுவன் மற்றும் ஆதி இருவரும் சேர்ந்து பாடியுள்ளனர்.  

 

#CoffeeWithKadhal Worldwide Release On October 7th.

Tamil Nadu Release By Red Giant Movies. pic.twitter.com/Xi1ojdlKHx

— Christopher Kanagaraj (@Chrissuccess) September 5, 2022

 

ரிலீஸ் தேதி அறிவிச்சாச்சு:

"காஃபி வித் காதல்" திரைப்படத்தின் போஸ்டர், பாடல்கள் என அவ்வபோது வெளியாகி வந்த நிலையில் தற்போது படத்தின் ரிலீஸ் தேதி குறித்த தகவலை வெளியிட்டுள்ளனர் படக்குழுவினர். இப்படம் திரையரங்குகளில் அக்டோபர் 7ம் தேதி வெளியாகிறது. தமிழ்நாட்டில் இப்படத்தினை திரையரங்குகளில் வெளியிடும் உரிமையை கைப்பற்றியுள்ளது உதயநிதி ஸ்டாலினின் ரெட் ஜெயண்ட் மூவிஸ் நிறுவனம். சுந்தர்.சி டத்திற்கென ஒரு தனி ரசிகர் கூட்டம் உள்ளது என்பது மறுக்கமுடியாத உண்மை. இப்படம் நிச்சம் ஒரு முழுமையான எண்டர்டெயின்மெண்ட் திரைப்படமாக அமையும் என்பது ரசிகர்களின் எதிர்பார்ப்பு.    

 

 

Yuvan’s Recent Collaborations are ultimate

1/5 #Thiyagiboys with @hiphoptamizha for #coffeewithkaadhal pic.twitter.com/HaCOBWdEJS

— Yuvan shankar Raja 360º (@theyuvan360) August 13, 2022