தொடர்ந்து வெளியேறுகிறார்கள் - பாரதி கண்ணம்மா இயக்குநரின் விரக்தி
பாரதி கண்ணம்மா சீரியல் இயக்குநரின் சமூக வலைதள் பதிவு வைரலாகியுள்ளது.
விஜய் டிவியின் டிஆர்பி ரேட்டிங்கை உயர்த்துவதில் பாரதி கண்ணம்மா சீரியலுக்கு முக்கிய இடம் உண்டு. ரசிகர்கள் மத்தியில் நல்ல வரவேற்பை பெற்று வரும் குடும்ப தொடர்களின் ஒன்றான இந்த சீரியலில், அருண்பிரசாத், வினுஷா தேவி, ஃபரீனா ஆசாத் ஆகியோர் முக்கிய கேரக்டரில் நடித்துவருகின்றனர்.
பெரும் வரவேற்பை பெற்றிருக்கும் சீரியல் என்றாலும் நடிகர் நடிகைகள் விலகும்போது சீரியலின் ரசிகர்களும் சற்று தங்களது வருத்தத்தை பதிவு செய்வார்கள். மேலும் இப்படி தொடர் விலகலால் சீரியலுக்கான ரசிகர் வட்டத்தையும் அது சுருக்கும். அந்த வகையில் தற்போது பாரதி கண்ணம்மா சீரியலில் வரிசையாக நடிகர் நடிகைகள் வெளியேறி வருவது அந்த சீரியலுக்கு பின்னடைவை ஏற்படுத்தியுள்ளது.
முதலில் இந்த சீரியலில், பாரதியின் தம்பியாக நடித்து வந்த அகில் சினிமா வாய்ப்பு காரணமாக சீரியலில் இருந்து விலகுவதாக அறிவித்தார். அவரைத் தொடர்ந்து கண்ணம்மாவாக நடித்து வந்த ரோஷினி ஹரிப்பிரியன், சமீபத்தில் சீரியலில் இருந்து விலகி விஜய் டிவியின் புகழ் பெற்ற நிகழ்ச்சிகளில் ஒன்றான குக் வித் கோமாளி ஷோவில் கலந்துகொண்டிருக்கிறார்.
ரோஷினி விலகியதை அடுத்து கண்ணம்மா கேரக்டரில் வினுஷா தேவி நடித்து வருகிறார். கண்ணம்மாவின் தங்கை அஞ்சலி கேரக்டரில் கண்மணி நடித்துவந்தார்.
இந்நிலையில், நடிகை கண்மணி தற்போது பாரதி கண்ணம்மா சீரியலில் இருந்து விலகியுள்ளார். சில தவிர்க்க முடியாத காரணங்களுக்காக தான் சீரியலில் இருந்து விலகுவதாக அவர் அறிவித்துள்ளார். மேலும் மற்றொரு நிகழ்ச்சியின் மூலம் உங்களை சந்திக்கிறேன் என்று கூறியுள்ளார்.
இந்தச் சூழலில், பாரதி கண்ணம்மா சீரியலின் இயக்குநர் தனது இன்ஸ்டாகிராம் ஸ்டோரியில், “அய்யய்யோ எத்தனைபேர்தான்; முடியவில்லை” என பதிவிட்டிருந்தார். அவரது இந்தப் பதிவு சமூக வலைதளங்களில் வைரலானது. இதனையடுத்து அவர் தனது பதிவை நீக்கியுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Gangubhai Kathiawadi Trailer | பாலியல் தொழிலாளி.. தாதா.. அலறவிட்ட அலியா பட்.. வெளியானது கங்குபாய் கதியவாடி ட்ரெய்லர்
தலைப்பு செய்திகள்
ட்ரெண்டிங் செய்திகள்
