Parvati Nair: ‘என்னை பத்தி அவதூறு பரப்புனீங்க அவ்வளவுதான்’ - ஊடகங்களுக்கு நடிகர் பார்வதி நாயர் எச்சரிக்கை!

சென்னை நுங்கம்பாக்கம் ஸ்டெர்லிங் சாலையில் வசித்து வரும் நடிகை பார்வதி நாயரின் வீட்டில் கடந்த அக்டோபர் 20 ஆம் தேதி திருட்டு நடைபெற்றது.

நடிகை பார்வதி நாயர்

தனது நற்பெயருக்கு களங்கும் கற்பிக்கும் வகையில் ‌அவதூறான செய்திகளை வெளியிடும் ஊடகங்களுக்கு நடிகை பார்வதி நாயர் தரப்பில் எச்சரிக்கை விடுக்கப்பட்டுள்ளது. 

அஜித் நடித்த என்னை அறிந்தால் படத்தின் வில்லனாக நடித்த அருண் விஜய்க்கு ஜோடியாக நடித்தவர் பார்வதி நாயர். தொடர்ந்து நிமிர்ந்து நில், மாலை நேரத்து மயக்கம், உத்தம வில்லன் ஆகிய படங்களில் நடித்த அவர் கடைசியாக 2017 ஆம் ஆண்டு தமிழில் பார்த்திபன் இயக்கிய கோடிட்ட இடங்களை நிரப்புக படத்தில் ஹீரோயினாக நடித்திருந்தார். மலையாளம்,தெலுங்கு ஆகிய மொழிகளிலும் பல படங்களிலும் பார்வதி நாயர் நடித்துள்ள நிலையில், தற்போது கம் தகம் புத்தகம் என்ற மலையாளப் படத்திலும், பெயரிடப்படாத தெலுங்கு படத்திலும்  நடித்து வருகிறார். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Parvati Nair (@paro_nair)

இதனிடையே சென்னை நுங்கம்பாக்கம் ஸ்டெர்லிங் சாலையில் வசித்து வரும் நடிகை பார்வதி நாயரின் வீட்டில் கடந்த அக்டோபர் 20 ஆம் தேதி திருட்டு சம்பவம் நடைபெற்றது. தனது வீட்டில் பணிபுரியும் ஊழியர் புதுக்கோட்டை மாவட்டத்தைச் சேர்ந்த சுபாஷ் சந்திர போஸ் ரூ.6 லட்சம் மற்றும் ரூ.3 லட்சம் மதிப்பிலான கைக்கடிகாரங்கள், ரூ. 2 லட்சம் மதிப்புள்ள லேப்டாப்,செல்போன் உள்ளிட்ட பொருட்களை திருடியதாக நுங்கம்பாக்கம் போலீசில் புகாரளித்தார். காவல்துறையும் வழக்கு பதிவு செய்து விசாரணையில் ஈடுபட்டுள்ளது. 

இந்த விவகாரத்தில் சில தினங்களுக்கு முன் குற்றம்சாட்டப்பட்ட சுபாஷ் சந்திர போஸ் தேனாம்பேட்டை காவல் நிலையத்தில் பார்வதி மீது பரபரப்பு புகார் ஒன்றை அளித்ததாகவும், அதில் பார்வதி செய்ததாக சில சம்பவங்களையும் அவர் கூறியிருந்ததாகவும் தெரிவிக்கப்பட்டிருந்தது. இந்நிலையில் தனது புகழுக்கும், நற்பெயருக்கும் களங்கம் கற்பிக்கும் வகையில் ‌அவதூறான செய்திகளை சில ஊடகங்கள் வெளியிட்டிருக்கிறது. 

Truth takes some time to express itself.. pic.twitter.com/6wuCH2wmdF

— Parvati (@paro_nair) November 10, 2022

இது போன்ற செய்திகளை தொடர்ந்து வெளியிட்டால் வெளியிடும் அனைத்து ஊடகங்கள் மீதும் அவதூறு வழக்கு மற்றும் அவமதிப்பு வழக்கு தொடரப்படும் என பார்வதி நாயர் தரப்பில் எச்சரிக்கை‌ விடுக்கப்பட்டிருக்கிறது. இந்த சம்பவம் திரையுலகினர் மற்றும் ரசிகர்களிடையே பரபரப்பை ஏற்படுத்தியுள்ளது.