Actress Abhirami: அம்மு அபிராமிக்கு கல்யாணமா? மாப்பிள்ளை இவர்தானா? சீக்ரெட்டை உடைத்த கத்தரி பூவழகி

'ராட்சசன்' படத்தில் நடித்து பிரபலமான நடிகை அம்மு அபிராமி தனது திருமணம் குறித்து ஒரு செய்தியை வெளியிட்டுள்ளார்.

அம்மு அபிராமி

தமிழக இளைஞர்களின் ‘க்ரஷ்’ லிஸ்டில் கண்டிப்பாக இடம் பெற்றிருப்பவர், அம்மு அபிராமி. இவரது உண்மையான பெயர் என்னவோ அபிராமிதான், ராட்சசன் படத்தில் ‘அம்மு’ என்ற ரோலில் நடித்து பிரபலமடைந்ததால் இவரை ‘அம்மு அபிராமியாக’ மாற்றி விட்டனர், நம்ம ஊர் இளவட்டங்கள்.  

கத்தரி பூவழகி..அம்மு அபிராமி

கடந்த 2018 ஆம் ஆண்டு வெளியான ‘ராட்சசன்’ படத்தில் நடித்து புகழ்பெற்றவர் அம்மு அபிராமி. ராட்சசன் படத்தின் வெற்றியைத் தொடர்ந்து இவர் பல வெற்றி படங்களில் நடித்து விட்டார். அதில் குறிப்பிடப்படக்கூடிய ஒன்று, அசுரன் திரைப்படம். நடிகர் தனுசுடன் இனைந்து நடித்த இப்படம் ரசிகர்களிடையே பலத்த வரவேற்பை பெற்றது. “கத்தரி பூவழகி, கரையான் பொட்டழகி….” பாட்டில் இவர் ஆடிய நடனத்துக்கு அத்தனை ரசிகர்கள். 

குக் வித் கோமாளி

சமீபத்தில் நடந்து முடிந்த ‘குக் வித் கோமாளி’ சீசன் 3யில் கலந்து கொண்டார், அம்மு அபிராமி. அகல விழிகளுடனும், துரு துரு இயல்புடனும் இருக்கும் இவருக்கு, ரசிகர்களுக்கு மேல் ரசிகர்கள் எகிறிக்கொண்டே போனார்கள். குக் வித் கோமாளியின் ஒவ்வொறு ரவுண்டிலும் சக போட்டியாளர்களுக்கு செம டஃப் கொடுத்த இவர், இறுதியில்  இரண்டாம் ‘ரன்னர்-அப்’ பட்டத்தை தட்டிச்சென்று, அனைவரையும் ஆச்சரியத்தில் ஆழ்த்தினார். 

‘குக் வித் கோமாளி’ நிகழ்ச்சிக்கு முன்னரே அபிராமிக்கு ஏராளமான பட வாய்ப்புகள் இருந்தது. நிகழ்ச்சியில் அவர் தலைகாட்டிய பிறகு, பல படங்களில் கமிட் ஆகி, ஆல்-டைம் பிசி நடிகையாக மாறியுள்ளார் நம்ம அபிராமி..

விரைவில் திருமணமா?

“யானை” படத்திற்கு பிறகு, அபிராமி பேட்டரி, நிறங்கள் மூன்று, காரி உள்ளிட்ட பல படங்களில் கமிட் ஆகியுள்ளார். இந்நிலையில், சமீபத்தில் தனது இன்ஸ்டாகிராம் பக்கத்தில், ரசிகர்கள் கேட்டுள்ள கேள்விகளுக்கு பதிலளித்துள்ளார் அபிராமி. 

அதில், அபிராமியின் திருமணம் குறித்து பல பேர் கேள்வியெழுப்பினர், அதற்கு அபிராமி, தான் தற்போது திருமணம் பற்றி எந்த முடிவும் எடுக்கவில்லை என கூறியுள்ளார். மேலும், “நிறைய பேர் என்னுடைய திருமணத்தை பற்றி கேள்வியெழுப்பியுள்ளீர்கள். திருமணத்தை பற்றி நிறைய கனவுகள் உள்ளது. ஆனால், எனக்கு வெறும் 22 வயதுதான் ஆகிறது. எப்போது எனக்கு திருமணத்தை செய்து கொள்ள தோன்றுகிறதோ அப்போது அதைப்பற்றி தெரிவிக்கிறேன்” என தனது ‘இன்ஸ்டா’ பக்கத்தில் பதிவிட்டுள்ளார் அம்மு அபிராமி.