Captain Miller: தனுஷின் கேப்டன் மில்லர் படத்தில் இணைந்த பிரபலம்...எதிர்பார்ப்பில் ரசிகர்கள்!

பட்டாஸ், மாறன் ஆகிய படங்களை தொடர்ந்து 3வது முறையாக தனுஷ் - சத்யஜோதி பிலிம்ஸ் கூட்டணி “கேப்டன் மில்லர்” என்ற படத்தில் இணைந்துள்ளது.

கேப்டன் மில்லர்

நடிகர் தனுஷ் நடித்து வரும் கேப்டன் மில்லர் படத்தில் இருந்து புதிய அப்டேட் ஒன்று வெளியாகியுள்ளது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sathya Jyothi Films (@sathyajyothifilms)

தமிழ் சினிமாவின் முன்னணி நடிகராக உள்ள தனுஷ் நடிப்பில் கடைசியாக திருச்சிற்றம்பலம் படம் வெளியாகியிருந்தது. சன் பிக்சர்ஸ் தயாரித்திருந்த இப்படத்தில் நடிகைகள் நித்யா மேனன், பிரியா பவானி ஷங்கர், ராஷி கண்ணா, நடிகர்கள் பாரதிராஜா, பிரகாஷ்ராஜ் உள்ளிட்ட பலரும் நடித்திருந்தனர். அனிருத் இசையமைத்திருந்த இப்படம் வசூல் ரீதியாகவும் பல சாதனைகளை படைத்தது. 

இதனைத் தொடர்ந்து தனுஷ் நடிப்பில் நானே வருவேன், வாத்தி ஆகிய திரைப்படங்கள் வெளியாக உள்ளது. இதற்கிடையில் பட்டாஸ், மாறன் ஆகிய படங்களை தொடர்ந்து 3வது முறையாக தனுஷ் - சத்யஜோதி பிலிம்ஸ் கூட்டணி “கேப்டன் மில்லர்” என்ற படத்தில் இணைந்துள்ளது. ராக்கி படத்தின் இயக்குநர் அருண் மாதேஸ்வரன் இயக்கும் இப்படத்தின் மோஷன் போஸ்டர் ஏற்கனவே வெளியாகி பெரும் வரவேற்பை பெற்றிருந்தது. ஜிவி பிரகாஷ் இப்படத்திற்கு இசையமைக்கும் நிலையில் 2023 ஆம் ஆண்டு மே மாதம் ரிலீசாகும் என தெரிவிக்கப்பட்டுள்ளது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sathya Jyothi Films (@sathyajyothifilms)

இதனிடையே கேப்டன் மில்லர் படத்தின் அப்டேட் ஒன்று வெளியாகியுள்ளது. அதன்படி இப்படத்தில் பிரபல நடிகர் சந்தீப் கிஷன் நடிக்கவுள்ளதாக தெரிவிக்கப்பட்டுள்ளது. யாருடா மகேஷ் படத்தின் மூலம் தமிழில் அறிமுகமான சந்தீப் கிஷன் தொடர்ந்து மாநகரம், நெஞ்சில் துணிவிருந்தால், மாயவன், கசடதபற ஆகிய படங்களில் நடித்துள்ளார். தற்போது இயக்குநர் ரஞ்சித் ஜெயக்கொடி இயக்கியுள்ள ‘மைக்கேல்’ படத்தில் நடித்து வருகிறார் என்பது குறிப்பிடத்தக்கது.