Kader Mohideen Health update: திடீரென சரிந்த காதர் மொகிதீன்.! அறிவாலயத்தில் நடந்தது என்ன.? உடல்நிலை இப்போ எப்படி இருக்கு.?

Kader Mohideen Health update: தொகுதி பங்கீடு தொடர்பாக திமுகவுடன் பேச்சுவார்த்தை நடத்திய நிலையில் திடீரென அண்ணா அறிவாலயத்தில் காதர் மொகிதீன் மயங்கிய சம்பவம் பரபரப்பை ஏற்படுத்தியுள்ளது. இந்த நிலையில் அவரது உடல்நிலை தொடர்பான தகவல்கள் வெளியாகியுள்ளது.

Kader Mohideen health

Source : social media

கூட்டணி கட்சிகளோடு பேச்சுவார்த்தை

தமிழக சட்டமன்ற தேர்தலுக்கான பேச்சுவார்த்தை தீவிரம் அடைந்துள்ளது. அந்த வகையில் தேர்தலுக்கான பணிகளை அரசியல் கட்சிகள் தொடங்கியுள்ள நிலையில், திமுக தங்களது கூட்டணியில் உள்ள கட்சிகளுடன் பேச்சுவார்த்தையை இன்று தொடங்கியுள்ளது. டி.ஆர். பாலு தலைமையிலான இந்த குழுவில் திமுக முதன்மைச் செயலாளர் கே.என். நேரு, துணைப் பொதுச் செயலாளர்கள் திருச்சி சிவா, ஆ. ராசா, அமைப்புச் செயலாளர் ஆர்.எஸ். பாரதி, உயர் நிலை செயல் திட்டக்குழு உறுப்பினர்கள் எ.வ.வேலு, எம்.ஆர்.கே. பன்னீர்செல்வம் ஆகியோர் இடம் பெற்றுள்ளனர். 

 இந்தியன் யூனியன் முஸ்லிம் லீக் - பேச்சுவார்த்தை தொடக்கம்

2021 சட்டமன்றத் தேர்தலில் ஐ.யூ.எம்.எல் கட்சிக்கு 3 தொகுதிகளை திமுக ஒதுக்கியிருந்தது.ஆனால் 3 தொகுதியிலும் ஐ.யூ.எம் ல்.எல் தோல்வியை சந்தித்தது. இன்று காலை இந்தியன் யூனியன் முஸ்லிம் லீக் கட்சியுடன் முதல் கட்ட பேச்சுவார்த்தை நடைபெற்றது. அப்போது வரும் சட்டமன்றத் தேர்தலில் 5 தொகுதிகள் ஒதுக்க வேண்டும் என்பது ஐ.யூ.எம்.எல் கட்சியின் சார்பாக வலியுறுத்தப்பட்டது. ஆனால் கடந்த தேர்தலில் போட்டியிட்ட 3 தொகுதிகளிலும் தோல்வி அடைந்தாலும் கூடுதல் கட்சிகள் திமுக கூட்டணியில் இணைந்துள்ளதால் 2 தொகுதிகளை மட்டுமே ஒதுக்க முடியும் என திமுக தரப்பில் தெரிவிக்கப்பட்டுள்ளது. 

திடீரென மயங்கிய காதர் மொய்தீன்

இது தொடர்பாக அண்ணா அறிவாலயத்திற்கு வெளியே செய்தியாளர்களிடம் இந்திய யூனியன் முஸ்லிம் லீக் தலைவர் காதர் மொய்தீன் பேசிக்கொண்டிருந்த போது திடீரென மயங்கி விழுந்தார். இதனையடுத்து அருகில் இருந்தவர்கள் கைதாங்கலாக அறிவாலயத்திற்குள் தூக்கிசென்று முதலுதவி அளித்தனர்.  இதனையடுத்து வீல் சேரில் அமரவைக்கப்பட்டவர் மேல் சிகிச்சைக்காக மருத்துவமனை அழைத்து செல்லப்பட்டார்.  தற்போது வீடு திரும்பியுள்ள காதர் மொய்தீன் ஓய்வுஎடுத்து வருகிறார்.  வீட்டிற்கு மருத்துவர்கள் வந்து அவரது உடல்நிலை பரிசோதனை செய்து வருகிறார்கள். 

நடந்தது என்ன.?

இந்த நிலையில் காதர் மொய்தீனுக்கு திடீரென உடல்நிலை பாதிப்பு தொடர்பாக அங்கிருந்தவர்கள் கூறுகையில், வெயில் தாக்கம் காரணமாக தலை சுற்றல் ஏற்பட்டதையடுத்து மயங்கியுள்ளதாக கூறப்படுகிறது. . மேலும் ரம்ஜான் நோன்பு இருந்து வரும் நிலையில் வெயிலில் நீண்ட நேரம் நின்று பேட்டி அளித்ததால் தலை சுற்றல் ஏற்பட்டதாகவும் தகவல் வெளியாகியுள்ளது.