மாணவர்களே.. வெளியான தமிழ் திறனாய்வு தேர்வு முடிவுகள்! யாருக்கெல்லாம் மாதம் ரூ.1500?
Tamil Language Literary Aptitude Test 2024 Result: தமிழ்மொழி இலக்கிய திறனாய்வுத் தேர்வு முடிவுகள் இன்று வெளியான நிலையில், அதைக் காண்பது எப்படி என்று பார்க்கலாம்.
பள்ளி மாணவ, மாணவியர் தமிழ்மொழி இலக்கியத் திறனை மேம்படுத்திக்கொள்ளும் வகையில் . 2022-ம் ஆண்டு முதல் தமிழ்மொழி இலக்கிய திறனாய்வுத் தேர்வு நடத்தப்படுகிறது.
தமிழகத்தில் அரசு அங்கீகாரம் பெற்ற சிபிஎஸ்இ, ஐசிஎஸ்இ உள்ளிட்ட அனைத்து வகையான பள்ளிகளிலும் பிளஸ் 1 படிக்கும் மாணவர்களுக்கு தமிழ்மொழி இலக்கிய திறனாய்வுத் தேர்வு நடத்தப்பட்டது.
மாதந்தோறும் ரூ.1,500
இந்த தேர்வில் பள்ளிக் கல்வித்துறை மூலம் 1,500 மாணவர்கள் தேர்ந்தெடுக்கப்படுவர். அவர்களுக்கு மாதந்தோறும் ரூ.1,500 வீதம் 2 ஆண்டுகளுக்கு ஊக்கத் தொகை தரப்படும். இதில் 50 சதவீதம் அரசுப் பள்ளி மாணவர்களும், மீதமுள்ள 50 சதவீதம் அரசு மற்றும் தனியார் பள்ளி மாணவர்களும் தேர்வு செய்யப்படுகின்றனர்.
இந்த நிலையில், 2024-2025 ஆம் கல்வியாண்டிற்கான "தமிழ் மொழி இலக்கியத் திறனறிவுத் தேர்வு" 19.10.2024 (சனிக்கிழமை) அன்று நடைபெற்றது. இத்தேர்வில் மொத்தம் 2,35,025 மாணாக்கர்கள் பங்குபெற்றனர்.
வெளியான தேர்வு முடிவுகள்
இத்தேர்வில் 1500 மாணாக்கர்கள் (750 அரசுப்பள்ளி மாணாக்கர்கள் * 750 அரசுப்பள்ளி உள்ளிட்ட அனைத்து வகைப்பள்ளி மாணாக்கர்கள்) தெரிவு செய்யப்பட்டு அவர்களுக்கு பள்ளிக் கல்வி இயக்ககம் வழியாக மாதம் ரூ.1500/- வீதம் இரண்டு வருடங்களுக்கு வழங்கப்படும். இத்தேர்வின் முடிவுகள் இன்று (டிச.20) வெளியிடப்பட்டு உள்ளன.
தேர்வு முடிவுகளைக் காண்பது எப்படி?
- தேர்வெழுதிய மாணாக்கர்கள் www.dge.tn.gov.in என்ற இணையதளத்தைக் க்ளிக் செய்யவும்.
- அதில் Results என்ற தலைப்பில் சென்று பார்க்கவும்.
- அதில் "தமிழ் மொழி இலக்கியத் திறனறித் தேர்வு முடிவுகள்" என்ற தலைப்பைத் தேர்வு செய்யவும்.
- அல்லது https://apply1.tndge.org/ttse-result-2022 என்ற இணைப்பிலும் தேர்வு முடிவுகளை அறியலாம்.
- அதில், மாணவர்கள் தங்களது பதிவெண் மற்றும் பிறந்த தேதியினை உள்ளீடு செய்து மதிப்பெண்களை அறிந்து கொள்ளலாம்.
மேலும் ஊக்கத் தொகைக்கான தெரிவுப் பட்டியல், இணையதளத்திலே Other Examinations > தமிழ் மொழி இலக்கியத் திறனறித் தேர்வு முடிவுகள் என்ற பக்கத்தில் வெளியிடப்பட்டுள்ளன.
தலைப்பு செய்திகள்
ட்ரெண்டிங் செய்திகள்
