Plus 2 Hall ticket: பிளஸ் 2 துணைத்தேர்வு: இன்று முதல் ஹால்டிக்கெட்- டவுன்லோடு செய்வது எப்படி?
12ஆம் வகுப்பு துணைத் தேர்வுக்கு எழுத விண்ணப்பித்தவர்கள் இன்று (ஜூலை 20) பிற்பகல் முதல் ஹால் டிக்கெட்டுகளை பதிவிறக்கம் செய்து கொள்ளலாம்.
12ஆம் வகுப்பு துணைத் தேர்வுக்கு எழுத விண்ணப்பித்தவர்கள் இன்று (ஜூலை 20) பிற்பகல் முதல் ஹால் டிக்கெட்டுகளை பதிவிறக்கம் செய்து கொள்ளலாம் என்று அரசுத் தேர்வுகள் இயக்ககம் தெரிவித்துள்ளது. ஜூலை 25-ம் தேதி துணைத் தேர்வு தொடங்க உள்ளது குறிப்பிடத்தக்கது.
மேல்நிலை இரண்டாம் ஆண்டு துணைத் தேர்வு ஜூலை/ ஆகஸ்ட் மாதங்களில் நடைபெற உள்ளது. இதற்கான தேர்வுக்கூட நுழைவுச் சீட்டுகளை இணையதளம் மூலம் பதிவிறக்கம் செய்துகொள்ளலாம் என்று அரசுத் தேர்வுகள் துறை தெரிவித்துள்ளது.
இதுகுறித்து அரசுத் தேர்வுகள் இயக்ககம் தெரிவித்துள்ளதாவது:
நடைபெறவுள்ள ஜூலை / ஆகஸ்ட் 2022, மேல்நிலை இரண்டாமாண்டு துணைத்தேர்வெழுத, விண்ணப்பித்தத் தனித் தேர்வர்கள் (தட்கல் உட்பட) தங்களது தேர்வுக் கூட நுழைவுச் சீட்டுகளை 20.07.2022 பிற்பகல் முதல் www.dge.tn.gov.in என்ற இணையதளத்தின் மூலம் பதிவிறக்கம் செய்து கொள்ளலாம்.
தனித் தேர்வர்கள், www.dge.tn.gov.in என்ற இணையதளத்திற்குச் சென்று முதலில் "HALL TICKET" என்ற வாசகத்தினை Click செய்தால் தோன்றும் பக்கத்தில் உள்ள "HSE SECOND YEAR SUPPLEMENTARY EXAM, JULY / AUGUST 2022 - HALL TICKET DOWNLOAD" என்ற வாசகத்தினை Click செய்ய வேண்டும்.
அதில் தோன்றும் பக்கத்தில் தங்களது விண்ணப்ப எண் (Application Number) அல்லது நிரந்தர பதிவெண் (Permanent Register No.)) மற்றும் பிறந்த தேதியினைப் (Date of Birth) பதிவு செய்து, அவர்களுடைய தேர்வுக் கூட நுழைவுச் சீட்டைப் பதிவிறக்கம் செய்து கொள்ளலாம்.
செய்முறைத் தேர்வுக்கான தேதி குறித்த விவரத்தைத் தனித் தேர்வர்கள் தமக்கு ஒதுக்கீடு செய்யப்பட்டுள்ள தேர்வு மையத்தின் முதன்மைக் கண்காணிப்பாளரை அணுகி அறிந்துகொள்ள வேண்டும். உரிய தேர்வுக்கூட நுழைவுச் சீட்டின்றி எந்த ஒரு தேர்வரும் தேர்வெழுத அனுமதிக்கப்பட மாட்டார்கள்.
இவ்வாறு அரசுத் தேர்வுகள் இயக்ககம் தெரிவித்துள்ளது.
ஜூலை / ஆகஸ்ட் 2022, மேல்நிலை இரண்டாம் ஆண்டு துணைத் தேர்விற்கான முழுமையான தேர்வுக் கால அட்டவணை:
இதையும் வாசிக்கலாம்: ITI Admission: ஐடிஐ படிப்புகளுக்கு விண்ணப்பிக்க இன்றே கடைசி: எப்படி?- முழு விவரம்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
