CBSE Guidelines : ஜனவரி முதல் வாரத்தில் 10, பிளஸ் 2 செய்முறைத் தேர்வுகள்; பள்ளிகளுக்கு வழிகாட்டு நெறிமுறைகள் வெளியீடு
நாடு முழுவதும் 10, 12ஆம் வகுப்பு மாணவர்களுக்கு 2023- 24ஆம் கல்வி ஆண்டுக்கான சிபிஎஸ்இ செய்முறைத் தேர்வு 2024ஆம் ஆண்டு ஜனவரி முதல் வாரத்தில் நடைபெற உள்ளது.
ஜனவரி மாதம் முதல் வாரத்தில் சிபிஎஸ்இ செய்முறைத் தேர்வுகள் நடைபெற உள்ள நிலையில், தேர்வுகளை நடத்த பள்ளிகளுக்கு வழிகாட்டு நெறிமுறைகள் வெளியிடப்பட்டுள்ளன.
நாடு முழுவதும் 10, 12ஆம் வகுப்பு மாணவர்களுக்கு 2023- 24ஆம் கல்வி ஆண்டுக்கான சிபிஎஸ்இ செய்முறைத் தேர்வு 2024ஆம் ஆண்டு ஜனவரி முதல் வாரத்தில் நடைபெற உள்ளது. இந்த நிலையில், தேர்வுகளை நடத்தும் பள்ளிகளின் தலைமை ஆசிரியர்கள் பின்பற்ற வேண்டிய வழிகாட்டு நெறிமுறைகளை சிபிஎஸ்இ வெளியிட்டுள்ளது. அதில் கூறப்பட்டுள்ளதாவது:
* தேர்வு நடைபெறுவதற்கு முன்னால், போதிய அளவில் செய்முறைத் தேர்வு விடைத்தாள்கள் பெறப்பட்டிருப்பதை பல்ளிகள் உறுதிசெய்ய வேண்டும்.
* பள்ளிகள், தேர்வு அட்டவணை, நடைபெறும் விதம், தேர்வு குறித்த சிறப்பு நடைமுறைகள் இருந்தால் முன்கூட்டியே பெற்றோர்கள், மாணவர்களிடம் எடுத்து உரைக்க வேண்டும்.
* கட்டமைப்பு வசதி, செய்முறைத் தேர்வுக்கான உபகரணங்கள், பொருட்கள் ஆகியவை ஆய்வகங்களில் இருப்பதை உறுதிசெய்ய வேண்டும்.
* சிறப்புத் தேவை உடைய மாணவர்கள், மாற்றுத் திறனாளி மாணவர்கள் செய்முறைத் தேர்வை வசதியாக எழுதும் வகையில், உரிய ஏற்பாடுகள் செய்யப்பட வேண்டும்.
* மாணவர்கள் தங்களுக்கு அளிக்கப்பட்ட அட்டவணையில் குறிப்பிடப்பட்டுள்ளபடியே, தேர்வுகளில் கலந்துகொள்ள வேண்டும்.
* அனைத்து செய்முறைத் தேர்வுகள், செயல் திட்டங்கள், உள்ளக மதிப்பீடுகள் ஆகியவற்றின் மதிப்பீடுகளை அன்றன்றைய தினமே பதிவேற்றம் செய்ய வேண்டும்.
* மதிப்பெண்களைப் பதிவேற்றம் செய்யும்போது, பள்ளிகள், உள்ளக மதிப்பீட்டாளர், வெளியில் இருந்து மதிப்பீடு செய்யும் ஆசிரியர் ஆகியோர் சரியான மதிப்பெண்களை மட்டுமே உள்ளீடு செய்ய வேண்டும்.
* அதிகபட்ச மதிப்பெண்களை பரிசோதித்துவிட்டு, மதிப்பெண்களை உள்ளீடு செய்யலாம்.
* மதிப்பெண்களை உள்ளீடு செய்த பிறகு அதில் எந்த விதமான மாற்றங்களையும் செய்யக்கூடாது.
* சிபிஎஸ்இ விதிமுறைகள் ஏதேனும் மீறப்பட்டிருப்பது தெரிய வந்தால், செய்முறைத் தேர்வையே ரத்து செய்யும் அதிகாரம் சிபிஎஸ்இ வாரியத்துக்கு உண்டு.
இவ்வாறு அதில் தெரிவிக்கப்பட்டுள்ளது.
10 ,12-ம் வகுப்பு தேர்வுகள் காலை 10:30 மணி முதல் மதியம் 12:30 மணி வரையிலும், இரண்டாவது காலை 10:30 மணி முதல் மதியம் 1:30 மணி வரை என இரண்டு ஷிப்டுகலாக நடைபெறும் என்று அறிவிக்கப்பட்டுள்ளது.
2024 12-ம் வகுப்பு தேர்வு அட்டவணை
- பிப்ரவரி 19 -இந்தி
- பிப்ரவரி 22- ஆங்கிலம்
- பிப்ரவரி 27 -வேதியியல்
- பிப்ரவரி 29 -புவியியல்
- மார்ச் 4 -இயற்பியல்
- மார்ச் 9- கணிதம்
- மார்ச் 12- உடற்கல்வி
- மார்ச் 15- உளவியல்
- மார்ச் 18- பொருளாதாரம்
- மார்ச் 19 -உயிரியல்
- மார்ச் 22 -அரசியல் அறிவியல்
- மார்ச் 23- கணக்கியல்
- மார்ச் 27 -வணிக ஆய்வுகள்
- மார்ச் 28 -வரலாறு
- ஏப்ரல் 2- தகவல் தொழில்நுட்பம்
10ஆம் வகுப்புத் தேர்வு அட்டவணை
- பிப்ரவரி 19 -சமஸ்கிருதம்
- பிப்ரவரி 21 -ஹிந்தி
- பிப்ரவரி 26 -ஆங்கிலம்
- மார்ச் 2 -அறிவியல்
- மார்ச் 4 -வீட்டு அறிவியல்
- மார்ச் 7 -சமூக அறிவியல்
- மார்ச் 11 -கணிதம்
- மார்ச் 13 -தகவல் தொழில்நுட்பம்
தலைப்பு செய்திகள்
ட்ரெண்டிங் செய்திகள்
