TVS Jupiter 125: தரமோ தரம்.. டிவிஎஸ் ஜுபிடரை போட்டி போட்டு வாங்க காரணம் இதானா - விலை எவ்ளோ?
ஆண்கள், பெண்கள் என அனைவரும் விரும்பும் TVS Jupiter 125 விலை, அதன் சிறப்பம்சங்கள் என்னென்ன என்பதை கீழே விரிவாக காணலாம்.
இந்தியாவில் இரு சக்கர வாகனங்களின் நம்பிக்கையான நிறுவனம் என்றால் வாடிக்கையாளர்களின் முதன்மைத் தேர்வாக இருப்பது டிவிஎஸ். டிவிஎஸ் நிறுவனம் ஸ்கூட்டர், பைக் ஆகிய வடிவங்களில் இரு சக்கர வாகனங்களை காலத்திற்கு ஏற்ப வடிவமைத்து வருகிறது.
ஜுபிடர் 125:
அந்த வகையில் டிவிஎஸ்-சின் அற்புதமான படைப்பு ஜுபிடர் 125 ஆகும். இன்று இந்திய சாலைகளை அதிகளவு அலங்கரிக்கும் ஒரு ஸ்கூட்டராக இந்த டிவிஎஸ் ஜுபிடர் 125 உள்ளது. டிவிஎஸ் ஜுபிடர் Drum - Alloy, Disc, DT SXC மற்றும் SmartXonnect ஆகிய மாடல்களில் சந்தைகளில் விற்பனையாகி வருகிறது.
பிஎஸ்6 - 2.0 ரக வாகனமான இந்த ஜுபிடர் 125 ஸ்கூட்டர் 113.3 சிசி திறன் கொண்ட எஞ்ஜினை கொண்டது ஆகும். முழுக்க முழுக்க பெட்ரோலில் ஓடும் ஆற்றல் கொண்டது. அலாய் சக்கரங்களை கொண்ட இந்த ஜுபிடர் 125 ட்யூப்லஸ் டயர்களை கொண்டது. செல்ஃப் ஸ்டார்ட் மற்றும் கிக் வசதி கொண்டது. 6 ஆயிரத்து 500 ஆர்பிஎம் இழுதிறன் வசதி கொண்டது. 50 கி.மீட்டர் வரை மைலேஜ் தருகிறது. அதிகபட்சமாக மணிக்கு 82 கி.மீட்டர் வேகத்தில் செல்லலாம்.
விலை என்ன?
சென்னையைப் பொறுத்தமட்டில் டிவிஎஸ் ஜுபிடர் 125யின் விலை என்ன? என்பதை கீழே காணலாம்.
Drum - Alloy - ரூபாய் 91 ஆயிரத்து 276
Disc - ரூபாய் 96 ஆயிரத்து 946
DT SXC - ரூபாய் 97 ஆயிரத்து 966
SmartXonnect - ரூபாய் 99 ஆயிரத்து 985
மேலே கூறிய விலைகள் எக்ஸ் ஷோரூம் விலை ஆகும். ஆர்டிஓ பதிவு கட்டணம் உள்ளிட்டவை சேர்ந்து வரும்போது மேலும் இதன் விலை அதிகரிக்கும். இஎம்ஐ வசதியிலும் இந்த ஜுபிடர் 125 இரு சக்கர வாகனத்தை வாங்கலாம்.
என்னென்ன வசதிகள்?
அதிநவீன வசதி கொண்ட டிஸ்ப்ளே இதில் பொருத்தப்பட்டுள்ளது. ப்ளூடூத் மூலமாக செல்போனை இணைத்துக் கொள்ளும் வசதியும் இதில் உள்ளது. பொருட்கள் வைத்துக் கொள்ளும் டிக்கி 33 லிட்டர் வசதி கொண்டது. கூகுள் மேப் காட்டும் வசதியும் இந்த டிஸ்ப்ளேயில் உள்ளது. பெட்ரோல் குறைந்தால் எச்சரிக்கும் Low Fuel Warning Lamp இதில் உள்ளது.
டிஸ்க் மற்றும் ட்ரம் ப்ரேக் பொருத்தப்பட்டுள்ளது. மொத்தம் 5.1 லிட்டர் பெட்ரோல் நிரப்பும் டேங்க் வசதியும் இதில் உள்ளது. சார்ஜ் ஏற்றிக்கொள்ளும் USB வசதியும் இதில் உள்ளது. செல்பாேன் அழைப்பு மற்றும் குறுஞ்செய்தி வந்தால் நமக்கு தெரிவிக்கும் வசதியும் இதில் உள்ளது. 12 வாட் பேட்டரி இதில் உள்ளது.
இந்த ஸ்கூட்டரை பெண்கள், முதியவர்கள், இளைஞர்கள் ஆகியோர் விரும்பி ஓட்டுகின்றனர். ஏனென்றால், இது நகர்ப்புறங்களில் நெருக்கடியான சாலைகளிலும், நெடுஞ்சாலைகளிலும் வேகமாக செல்வதற்கும் ஏற்ற வாகனமாக உள்ளது. நல்ல பிக் அப், நல்ல மைலேஜ், நல்ல கட்டமைப்பிற்காக வாடிக்கையாளர்கள் இதை விரும்புகின்றனர்.
ஜுபிடருக்கு போட்டியாக ஆக்டிவா, சுசுகி அஸஸ் போன்ற பல போட்டி நிறுவனங்கள் கடும் சவால் அளிக்கும் வகையில் இருந்தாலும் இதன் விற்பனை எந்த தடையும் இன்றி தொடர்ந்து அமோகமாக நடந்து வருகிறது.
மேலும், டிவிஎஸ் நிறுவனத்தின் tvs ntorq, tvs raider 125, tvs sport, tvs zest 110, tvs ronin, apache-ன் பல மாடல்கள் ஆகியவை சந்தையில் இருந்தாலும் ஜுபிடரை பலரும் விரும்பி வாங்கி வருகின்றனர். அதற்கு காரணம் இது 18 வயதுக்கு மேற்பட்ட அனைவரும் ஓட்டும் வகையில் வடிவமைக்கப்பட்டிருப்பதும், கவர்ச்சிகரமாகவும், வசதியாகவும் இருப்பதே காரணம் ஆகும்.
தலைப்பு செய்திகள்
ட்ரெண்டிங் செய்திகள்
