Petrol Price : ஒரு "டீ" குடிக்குற காசுல 4 லிட்டர் பெட்ரோல் வாங்கலாமா....? எங்க தெரியுமா இந்த ஆச்சரிய விலை...?
பெட்ரோல், டீசல் விலை இந்தியாவில் ஏறுமுகத்தில் உள்ள நிலையில் பிற நாடுகளின் உள்ள விலை நிலவரங்கள் நம்மை வாயைப் பிளக்க வைக்கின்றன.
தலைப்பை படித்துவிட்டு 'டீ'-யுடன் பெட்ரோல் விலையை ஒப்பிடுவதால் இதை அரசியல் கட்டுரை என்று எண்ணிவிடாதீர்கள், உண்மையில் லிபியா நாட்டில் இதுதான் தற்போதைய நிலை. ஆனால், இந்தியாவில் பெட்ரோலின் விலை நூறைத் தாண்டி ₹102 ரூபாய் 63 பைசாவுக்கு விற்பனையாகிக் கொண்டிருக்கிறது. கடந்த 10 நாட்களாக பெட்ரோல் விலை ₹102.63 ரூபாய் முதல் ₹102.74 ரூபாய் வரை ஏறி இறங்கி ஊசலாடிக் கொண்டிருக்கிறது. நம் நாட்டில் நிலைமை இப்படி இருக்க மற்ற நாடுகளில் விற்கப்படும் பெட்ரோல் விலை நிலவரங்களை நமது ரூபாய் மதிப்பீட்டில் எவ்வளவு வருகிறது எனப் பார்க்கலாம்.
லிபியா :
லிபியாவில் 1 லிட்டர் பெட்ரோல் விலை ரூ. 2.44/-
(0.15 லிபியன் தினார்)
1 லிபியன் தினார் = ₹ 16.37/- ரூபாய்
ஈராக் :
ஈராக்கில் 1 லிட்டர் பெட்ரோல் விலை ரூ. 40.78/-
(743.16 ஈராக் தினார்கள்)
1 ஈராக் தினார் = ₹ 0.055/- ரூபாய்
சவுதி அரேபியா
சவுதி அரேபியாவில் 1 லிட்டர் பெட்ரோல் விலை ரூ. 49.33/-
(2.32 சௌதி ரியால்கள்)
1 சௌதி ரியால் = ₹ 21.28/- ரூபாய்
ரஷ்யா
ரஷ்யாவில் 1 லிட்டர் பெட்ரோல் விலை ரூ. 65.86/-
(45.88 ரஷ்ய ரூபிள்கள்)
1 ரஷ்ய ரூபிள் = ₹ 1.44/- ரூபாய்
வங்காளதேசம்
வங்காளதேசத்தில் 1 லிட்டர் பெட்ரோல் விலை ரூ. 75.53/-
(88.62 பங்களாதேஷ் டாக்காக்கள்)
1 பங்களாதேஷ் டாக்கா = ₹ 0.85/- ரூபாய்
மாலத்தீவு
மாலத்தீவுகளில் 1 லிட்டர் பெட்ரோல் விலை ரூ. 85.70/-
(16.45 மாலத்தீவு ரூஃபியாக்கள்)
1 மாலத்தீவு ரூஃபியா = ₹ 5.21/- ரூபாய்
ஜப்பான்
ஜப்பானில் 1 லிட்டர் பெட்ரோல் விலை ரூ. 97.57/-
(¥168.58 யென்கள்)
1 யென் = ₹ 0.58/- ரூபாய்
பூடான்
பூட்டானில் 1 லிட்டர் பெட்ரோல் விலை ரூ. 100.52/-
(100.38 பூட்டான் நிகுல்ட்ரம்கள்)
1 பூட்டான் நிகுல்ட்ரம் = ₹ 1/- ரூபாய்
இலங்கை
இலங்கையில் 1 லிட்டர் பெட்ரோல் விலை ரூ 121.23/-
(545.03 இலங்கை ரூபாய்கள்
1 இலங்கை ரூபாய் = ₹ 0.22/- இந்திய ரூபாய்
கனடா
கனடாவில் 1 லிட்டர் பெட்ரோல் விலை ரூ 127.12/-
($ 2.05 கனடா டாலர்கள்)
1 கனடா டாலர் = ₹ 62.16/- ரூபாய்
ஜெர்மனி
ஜெர்மனியில் 1 லிட்டர் பெட்ரோல் விலை ரூ 145.79/-
(€ 1.78 யூரோ)
1 யூரோ = ₹ 81.69/- ரூபாய்
இஸ்ரேல்
இஸ்ரேலில் 1 லிட்டர் பெட்ரோல் விலை ரூ. 189.13/-
(8.13 இஸ்ரேல் ஷேக்கல்கள்)
1 இஸ்ரேல் ஷேக்கல் = ₹ 23.26/- ரூபாய்
இப்போது சொல்லுங்கள் இந்தியாவில் ஒரு கப் 'டீ'-ன் விலைக்கு லிபியாவில் இருந்திருந்தால் 4 லிட்டர் பெட்ரோல் போடலாம் தானே? ஆனால் அதற்குள் இங்கு சமையல் எரிவாயு விலையேற்றத்தால் 'டீ'-ன் விலை ஏறாமல் இருக்க வேண்டும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
