சிங்கிள் சார்ஜில் 400 கிலோமீட்டர் மைலேஜ்.. சந்தைக்கு வரப்போகும் simple energy ultra - எவ்ளோ விலை?

ஒரே ஒரு முறை சார்ஜ் செய்தால் 400 கிலோமீட்டர் வரை மைலேஜ் தரும் Simple Energy Ultra இ ஸ்கூட்டர் விரைவில் அறிமுகமாக உள்ளது.

சிம்பிள் எனர்ஜி அல்ட்ரா

Source : twitter

இந்தியாவில் சமீபகாலமாக மின்சார வாகனங்களின் பயன்பாடு அதிகரித்து வருகிறது. இருசக்கரம் மற்றும் கார்கள் ஆகியவற்றில் மின்சார வாகனங்களை பயன்படுத்தவே வாடிக்கையாளர்கள் ஆர்வம் காட்டி வருகின்றனர். 

Simple Energy Ultra:

இந்தியாவில் மின்சார ஸ்கூட்டர் தயாரிக்கும் நிறுவனமாக திகழ்வது Simple Energy நிறுவனம். இந்த நிறுவனத்தின் Simple Energy One Gen மற்றும் Simple Energy One S Gen 2 ஆகிய இ ஸ்கூட்டர்கள் மிகவும் பிரபலம் ஆகும். 

இந்த நிறுவனம் விரைவில் அறிமுகப்படுத்தப்பட உள்ள புதிய இ ஸ்கூட்டர் Simple Energy Ultra. இந்த இ ஸ்கூட்டர் மே மற்றும் ஜுன் மாதத்தில்  இந்திய சந்தையில் அறிமுகமாகும் என்று எதிர்பார்க்கப்படுகிறது.  இதன் விலை 2 லட்சம் முதல் 2.6 லட்சம் வரை இருக்கும் என்று எதிர்பார்க்கப்படுகிறது. இந்த இ ஸ்கூட்டரில் 6.5 கிலோவாட் பேட்டரி பொருத்தப்பட உள்ளது. 

400 கிலோமீட்டர் மைலேஜ்:

இந்த இ ஸ்கூட்டரை ஒரு முறை சார்ஜ் செய்தால் 400 கிலோமீட்டர் வரை மைலேஜ் தரும் ஆற்றல் கொண்டது. மணிக்கு அிகபட்சமாக 115 கிலோமீட்டர் வரை செல்லலாம்.  2.77 நொடிகளில் 40 கிலோமீட்டர் வேகத்தில் செல்லலாம். 

இதில் 7 இன்ச் டிஸ்ப்ளே உள்ளது. 35 லிட்டர் டிக்கி வசதி உள்ளது. 1 லிட்டர் கிளோவ் பாக்ஸ்  உள்ளது. இந்த இ ஸ்கூட்டர் 450 அபெக்ஸ் மற்றும் டிவிஎஸ் எக்ஸ் ஆகிய இ ஸ்கூட்டர்களுக்கு போட்டியாக உள்ளது. 

பேட்டரி ஆயுள்:

இந்த இ ஸ்கூட்டர் சந்தையில் அறிமுகமானால் ஓலா, ஏதர் ஆகிய இ ஸ்கூட்டர்களுக்கு கடும் சவால் தரும் என்று எதிர்பார்க்கப்படுகிறது. இதில் ட்ராக்ஷன் கன்ட்ரோல் 4 வெலவ் உள்ளது. டெலிஸ்கோபிக் ஃபோர்க்ஸ், டிபிஎம்எஸ் ஆகிய வசதிகள் இதில் உள்ளது. இந்த இ ஸ்கூட்டரில் பொருத்தப்பட்டுள்ள பேட்டரி வாழ்நாள் ஆயுள் கொண்டதாக தயாரிக்கப்பட்டுள்ளது. 

சிம்பிள் எனர்ஜியின் ஜென் 2 சீரிஸின் இ ஸ்கூட்டர்களில் இந்த இ ஸ்கூட்டர் வந்தால் அவர்களது நிறுவனத்திற்கு மிகப்பெரிய வரவேற்பை உண்டாக்கும் என்று எதிர்பார்க்கப்படுகிறது. சந்தையில் போட்டியில் உள்ள அனைத்து இ ஸ்கூட்டர்களுக்கும் சவால் தரும் வகையில் ப்ளூடூத் வசதி, ஜிபிஎஸ் வசதி ஆகியவற்றுடன் மற்ற வசதிகளும் அதிநவீன வகையில் இருக்கும் வகையில் இந்த இ ஸ்கூட்டரை தயாரித்து வருகின்றனர்.