ஒரே சார்ஜில் 521 கிலோமீட்டர் மைலேஜ்.. BYD Atto 3 காரில் இத்தனை வசதிகளா?
BYD Atto 3 காரின் மைலேஜ், சிறப்பம்சங்கள், விலை குறித்து கீழே காணலாம்.
இந்தியாவில் பெட்ரோல், டீசல் வாகனங்களுக்கு மாற்றாக மின்சார வாகனங்கள் பயன்பாடு நாள்தோறும் அதிகரித்து வருகிறது. குறிப்பாக, இந்தியாவில் சமீப ஆண்டாக மின்சார கார்களின் பயன்பாடு தொடர்ந்து அதிகரித்து வருகிறது.
BYD கார்:
டாடா உள்பட பல்வேறு முன்னணி நிறுவனங்கள் மின்சார கார் தயாரிப்பில் கோலோச்சி வரும் நிலையில், BYD நிறுவனத்தின் BYD Atto 3 காரின் தரம், மைலேஜ் குறித்து கீழே விரிவாக காணலாம்.
இந்த கார் ஒரு எலக்ட்ரிக் எஸ்யூவி கார் ஆகும். இந்த காரில் 5 இருக்கைகள் உள்ளது. 7.3 நொடிகளில் மணிக்கு 100 கிலோமீட்டர் வேகத்தை எட்டும் ஆற்றல் கொண்டது. இந்த காரின் தொடக்க விலை ரூபாய் 26.42 லட்சம் ஆகும். இந்த காரின் டாப் வேரியண்ட் ரூபாய் 35.97 லட்சம் ஆகும். இந்த காரில் மொத்தம் 3 வேரியண்ட்கள் உள்ளது.
1. Atto 3 Dynamic - ரூபாய் 26.42 லட்சம்
2. Atto 3 Premium - ரூபாய் 31.51 லட்சம்
3. Atto 3 Superior - ரூபாய் 35.97 லட்சம்
Atto 3 Dynamic:
இந்த Atto 3 Dynamic காரில் 49.92 கிலோவாட் பேட்டரி பொருத்தப்பட்டுள்ளது. இந்த காரை ஒரு முறை சார்ஜ் செய்தால் 468 கிலோமீட்டர் வரை மைலேஜ் தரும் ஆற்றல் கொண்டது.
Atto 3 Premium:
இந்த காரில் 60.48 கிலோவாட் பேட்டரி பொருத்தப்பட்டுள்ளது. இந்த காரை ஒரு முறை சார்ஜ் செய்தால் 521 கிலோமீட்டர் வரை செல்லும் ஆற்றல் கொண்டது.
Atto 3 Superior:
இந்த Atto 3 Superior காரில் 60.48 கிலோவாட் பேட்டரி பொருத்தப்பட்டுள்ளது. இந்த காரை ஒரு முறை சார்ஜ் செய்தால் 521 கிலோமீட்டர் வரை செல்லும் ஆற்றல் கொண்டது.
சிறப்புகள் என்ன?
இந்த காரின் 3 வேரியண்ட்களும் ஆட்டோமெட்டிக் வேரியண்ட் ஆகும். இந்த காரின் வசீகரமான தோற்றமும், உட்கட்டமைப்பு வசதியும் வாடிக்கையாளர்களை கவர்ந்து இழுக்கிறது. 440 லிட்டர் வரை டிக்கி வசதி கொண்டது. அடாஸ் பாதுகாப்பு வசதியை கொண்டது.
201 பிஎச்பி குதிரைத் திறன், 310 என்எம் டார்க் இழுதிறன் கொண்டது. இந்த காரின் டிராகன் ஃபேஸ் 3.0 தோற்றம் வாடிக்கையாளர்களை கவரும் வகையில் அமைந்துள்ளது. எல்இடி முகப்பு விளக்குகள், அலாய் சக்கரங்கள் இதில் உள்ளது.
7 ஏர்பேக்:
இந்த காருக்கு யூரோஎன்சிஏபி-வின் 5 ஸ்டார் பாதுகாப்பு தரச்சான்று வழங்கப்பட்டுள்ளது. இதன் கேபின் மிகவும் வசதியானதாக உள்ளது. இருக்கைகள் ஓட்டுவதற்கு மிகவும் வசதியானதாகவும், செளகரியமாகவும் உள்ளது. 360 டிகிரி கேமரா, பனோராமிக் சன்ரூஃப், எட்டு ஸ்பீக்கர் ஆடியோ சிஸ்டம், மொபைல் போன் வயர்லஸ் சார்ஜர், பஞ்சர் கிட் போன்ற பல்வேறு வசதிகள் இதில் உள்ளது. இந்த காரில் 7 ஏர் பேக் வசதிகள் உள்ளது.
மஹிந்திராவின் XEV 9e, டாடா ஹாரியர் இவி, வின்ஃபாஸ்ட் விஎஃப்7 ஆகிய கார்களுக்கு போட்டியாக இந்த கார் சந்தையில் உள்ளது.
தலைப்பு செய்திகள்
ட்ரெண்டிங் செய்திகள்
