Nivetha Pethuraj | ’’டிக்கிலாம் திறக்க ,முடியாது’’ வழிமறித்த போலீஸ் வாக்குவாதம் செய்த நிவேதா

நடிகை நிவேதா பெத்துராஜ் வந்த காரை போலீஸ் வழிமறித்து விசாரணைச் செய்த போது காரின் டிக்கியை திறக்குமாறு காவல்துறையினர் கூறியதை அடுத்து, டிக்கியெல்லாம் திறக்க முடியாது என கூறி நடிகை நிவேதா பெத்துராஜ் வாக்குவாதம் செய்யும் வீடியோ காட்சிகள் வெளியாகி பரபரப்பை ஏற்படுத்தியுள்ளது.

ஆந்திராவில் நடிகை நிவேதா பெத்துராஜ் போலீசாருடன் தகராறு செய்யும் வீடியோ தான் இன்றைய் ஹாட் டாப்பிக். ஆந்திராவின் நடிகை நிவேதா வந்த காரை போலீசார் வழிமறித்துள்ளனர். இதைத்தொடர்ந்து அவரிடம் காரில் சோதனை மேற்கொள்ள வேண்டும் என கூறி காரின் டிக்கியை திறக்குமாறு கூறியுள்ளனர். ஆனால் நிவேதாவின் முக பாவனைகளும் அவரது பேச்சிலும் தடுமாற்றம் ஏற்பட்டுள்ளது. அவர் முன்சீட்டில் அமர்ந்த படியே வண்டியின் பேப்பர்ஸ் கூட காமிக்கிறேன் விடுங்க என கூறுகிறார். ஆனால் போலிசாரோ டிக்கியை திறக்குமாறு கூறியுள்ளனர். இதைத்தொடர்ந்து நிவேதா டிக்கியெல்லாம் திறக்க முடியாது என கூறி வாக்குவாதத்தில் ஈடுபட்டுள்ளார்.

மேலும் இது தனக்கு கவுரவ பிரச்சனை எனக்கூறி நிவேதா போலீஸிடம் கூறியுள்ளார். எனினும் காவல்துறையினர் கட்டாயப்படுத்தியதால் நிவேதா கோபமடைந்து டிக்கியெல்லாம் திறக்க முடியாது என ஆவேசமாக பேசியுள்ளார். இதைத்தொடர்ந்து போலீஸ் ஒருவர் இதனை வீடியோ எடுத்துக்கொண்டிருந்ததை கவனித்த நிவேதா, எதற்காக ரெக்கார்டு செய்கிறீர்கள் எனக்கூறி காரில் இருந்து இறங்கி வந்து செல்போனை தட்டிவிடுகிறார். இத்தகைய காட்சிகள் அடங்கிய வீடியோ தற்போது இணையத்தில் வைரலாகி வருகிறது.

இந்நிலையில் இது நிவேதா பெத்துராஜின் அடுத்த திரைப்படத்திற்கான ப்ரொமோஷன் வீடியோ என சமூக வலைதளங்களில் பேசி வருகின்றனர். இந்த வீடியோவில் போலிஸ் காலில் பூட்ஸ் அணியாமல் க்ராக்ஸ் செருப்பு அணிந்திருப்பதை சுட்டிக்காட்டி இது நிச்சயமாக சினிமா புரோமோஷன் தான்  சில ஸ்கிரீன்ஷாட்டுகளை பகிர்ந்து வருகின்றனர் நெட்டிசன்கள்.

முன்னதாக நடிகை நிவேதா பெத்துராஜ் சில சர்ச்சைகளை சிக்கியுள்ள நிலையில், தற்போது போலீசாருடன் தகராறு செய்வது போன்ற வீடியோ வெளியாகி உள்ளது பரபரப்பை ஏற்படுத்தியுள்ளது.