Whats App Update : இனி பேஸ்புக்கில் ஸ்டேட்டஸ்... இதற்கு தனி ஷேரிங் வேண்டாம்... வாட்ஸ் அப் தரும் புதிய வசதி...!

வாட்ஸ் அப்பில் அப்லோடு செய்யப்படும் ஸ்டேட்டஸ், நேரடியாக உங்கள் பேஸ்புக் கணக்கிலும் அப்லோடு ஆகும் படி புதிய அப்டேட் அறிமுகமாக உள்ளது.

வாட்ஸ் அப்

Whats App Update : வாட்ஸ் அப்பில் அப்லோடு செய்யப்படும் ஸ்டேட்டஸ், நேரடியாக உங்கள் பேஸ்புக் கணக்கிலும் அப்லோடு ஆகும் படி புதிய அப்டேட் அறிமுகமாக உள்ளது.

வாட்ஸ்-அப் செயலி

மெட்டா நிறுவனத்திற்கு சொந்தமான வாட்ஸ்-அப் செயலி, உலகம் முழுவதும் கோடிக்கணக்கான பயனாளர்களை கொண்டுள்ளது. அவர்களின் எதிர்பார்ப்புகளை பூர்த்தி செய்யும் நோக்கிலும், போட்டி செயலிகளிடம் வீழ்வதை தவிர்க்கும் வகையிலும், அதில் தொடர்ந்து பல்வேறு அப்டேட்கள் வழங்கப்பட்டு  வருகின்றன.

குறுந்தகவலை பகிர்ந்து கொள்வதற்கான முதன்மை செயலியாக, வாட்ஸ்-அப் செயலி தொடர்ந்து நீடிப்பதற்கு மெட்டா நிறுவனம் வழங்கும், இந்த அடுத்தடுத்த அப்டேட்களும் முக்கிய காரணமாகும். அந்த வகையில்தான்,வாடிக்கையாளர்களை கவரும் விதமாக அடுத்ததாக, புதிய அப்டேட் ஒன்றை வழங்க மெட்டா நிறுவனம் திட்டமிட்டுள்ளது.

புதிய அப்பேட்

இந்நிலையில், மெட்டா நிறுவனம் வாட்ஸ் அப் புதிய அப்டேட் விரைவில் அறிமுகப்படுத்தப்பட உள்ளது. அதன்படி, பயனர்கள் தங்கள் வாட்ஸ் அப்பில் அப்லோடு செய்யும் ஸ்டேட்டஸை நேரடியாக தங்கள் பேஸ்புக் கணக்கிலும் அப்லோடு ஆகும் படி புதிய அம்சத்தை உருவாக்கி வருகிறது.

இது இரு தளங்களிலும் பகர்வதை எளிதாக்குகிறது. இந்த அம்சம் ஒரு ஆப்ஷனை எனேபில் செய்யும் வகையில் மாற்றப்படுகிறது. வாட்ஸ் அப்பில் இருந்து வெளியேறாமல் அப்லோடு செய்யப்படும் ஸ்டேட்டஸை பேஸ்புக் ஸ்டோரியில் பகிரலாம் என்று தெரிவிக்கப்பட்டுள்ளது.

ஒவ்வொரு முறையும் வாட்ஸ் அப், பேஸ்புக்கில் தனித் தனியாக ஸ்டேட்டஸ் அப்லோடு செய்வதை இந்த புதிய வசதி தவிர்க்கிறது. தற்போது இந்த ஆப்ஷன் இன்ஸ்டாகிராமிற்கு கொடுக்கப்பட்டுள்ளது. இந்நிலையில், மெட்டா நிறுவனத்திற்கு சொந்தமான பேஸ்புக் தளத்திலும் நேரடியாக அப்லோடு செய்யும் வசதி விரைவில் கொண்டு வரப்படுகிறது.  இந்த புதிய வசதி Status Privacy பக்கத்தில் இடம் பெற உள்ளது. இங்கு சென்று பயனர்கள் தங்கள் பேஸ்புக் கணக்கை இணைத்து நேரடியாக ஸ்டேட்டஸ் பகிர்ந்து கொள்ளலாம் என்று தெரிவிக்கப்பட்டுள்ளது.

அண்மையில் வந்த அப்டேட்

அண்மையில் வந்த அப்டேட்டின் படி,  வாய்ஸ் மெசேஜ்களை ஸ்டேட்டஸ் ஆக வைக்கும் வசதி நடைமுறைக்கு வந்துள்ளது. வழக்கமாக வாட்ஸ் அப்பில் புகைப்படம், வீடியோ ஆகியவற்றை மட்டுமே ஸ்டேட்டஸ் ஆக வைக்கும்படி இருந்தத- இதில் வீடியோக்களை அதிகபட்சமாக 30 விநாடிகள் மட்டுமே ஸ்டேட்டஸ் ஆக வைக்க முடியும். 

இந்த வீடியோ ஸ்டேட்டஸ் 24 மணி நேரத்தில் தானாகவே டெலிட் ஆகிவிடும். அதே போல இனி வாய்ஸ் நோட்களையும் 30 நொடிகள் ஸ்டேட்டஸ் ஆக வைக்கும் புதிய அம்சம் கொண்டு வரப்பட்டுள்ளது. இந்த அம்சம் நேற்று முதல் பயனர்களுக்கு பயன்பாட்டிற்கு வந்துள்ளது. அத்துடன் இந்த வாய்ஸ் மெசேஜ் ஸ்டேட்டஸை யார் பார்க்க வேண்டம் என்பதையும் பயனர்கள் நிர்வகித்துக் கொள்ளும் வசதியும் இருப்பதாக தெரிவிக்கப்பட்டுள்ளது.