Poco M5: பட்ஜெட் போன்களுக்கு சவால் விட வந்துவிட்டது போகோ எம்5… இந்த விலையில் இத்தனை வசதிகளா!
4ஜிபி வேரியண்ட் ரூ.12,499 மற்றும் 6ஜிபி வேரியண்ட் ரூ.14,499-க்கும் விற்பனை செய்யப்படும் என தெரிவிக்கப்பட்டுள்ளது. இந்த விலையில் இருந்து அறிமுக சலுகை விலையாக சில மாற்றங்கள் வரலாம் என்றும் தெரிகிறது.
இந்தியாவில் அறிமுகம் ஆனது போகோ எம்5. இந்த சாதனம் இரண்டு வேரியண்ட்களில் கிடைக்கும். 4ஜிபி ரேம் மற்றும் 64ஜிபி ஸ்டோரேஜின் விலை ரூ.12499 எனவும், 6ஜிபி ரேம் மற்றும் 128ஜிபி ஸ்டோரேஜின் விலை ரூ.14,499 எனவும் அறிவிக்கபட்டுள்ளது.
போகோ எம்5
சீன தேசத்தை தலைமையிடமாக கொண்டு பல்வேறு எலக்ட்ரானிக்ஸ் டிவைஸ்களை உற்பத்தி செய்து வருகின்ற சியோமி நிறுவனம் இதன் பிராண்டான போக்கோவை கடந்த 2018 வாக்கில் அறிமுகம் செய்தது. அறிமுகமான முதல் போனிலேயே குறைந்த விலையில் நிறைந்த ஸ்பெசிபிகேஷன்ஸை அள்ளி கொடுத்து மக்கள் மத்தியில் ரீச் ஆனது மட்டுமின்றி, பெஸ்ட் பட்ஜெட் ஸ்மார்ட்போன் விருதுகளை அள்ளி குவித்தது. கடந்த 2021 முதல் இந்தியாவில் தங்களுக்கென பிரத்யேக லோகோவுடன் இயங்கி வருகிறது. மொத்தம் நான்கு சீரிஸ்களில் போன்களை வெளியிட்டு வருகிறது. இதில் M சீரிஸ் வரிசையில்தான் இப்போது இந்திய சந்தையில் M5 போன் அறிமுகம் செய்யப்பட்டுள்ளது.
பிராசசர்
இதன் டிஸ்ப்ளேவை பொறுத்த வரை, 6.58 இன்ச் ஃபுல் ஹெச்.டி கொடுத்துள்ளார்கள். மீடியாடெக் ஹீலியோ ஜி99 சிப்செட் மூலம் இந்த ஸ்மார்ட்போன் இயங்குகிறது. ஸ்நாப்டிராகன் இல்லாதது இந்த மொபைலில் உள்ள ஒரே குறை. ஆனால் தற்போது இந்த ரேஞ்சில் வரும் எந்த மொபைல் ஸ்நாப்டிராகன் கொடுப்பதில்லை என்பதால் அதுவும் விற்பனையை பாதிக்காது.
கேமரா
இந்த மொபைலில் பின்பக்கத்தில் மூன்று கேமராக்கள் கொடுக்கப்பட்டுள்ளன. அதில் பிரதான கேமரா 50 மெகாபிக்சலை கொண்டுள்ளது. மற்ற இரண்டில் ஒன்று வைட் கேமராவாகவும், ஒன்று மேக்ரோவாகவும் வழக்கம்போல் கொடுக்கப்பட்டுள்ளது. முன்பக்கத்தில் 8 மெகாபிக்சல் கொண்ட செல்ஃபி கேமரா இடம் பெற்றுள்ளது குறிப்பிடத்தக்கது.
ஸ்பெசிபிகேஷன்ஸ்
5000mAh பேட்டரி பவர் இந்த மொபைலுக்கு மற்றொரு ப்ளஸ் பாய்ண்டாக உள்ளது. 18 வாட்ஸ் ஃபாஸ்ட் சார்ஜிங் வசதியுடன் வருவதால் இந்த மொபைல் பல பட்ஜெட் ரெஞ்ச் மொபைல்களை தூக்கி சாப்பிடும் என்கிறார்கள் நிபுணர்கள். இதில் தற்போது 4ஜி இணைப்பு வசதி மட்டுமே இடம் பெற்றுள்ளது. 5ஜி வெர்ஷன் பின்னர் வெளியாகும் என தெரிவிக்கப்பட்டுள்ளது. 4ஜிபி ரேம் + 64ஜிபி ஸ்டோரேஜ் மற்றும் 6ஜிபி + 128ஜிபி என இரண்டு ஸ்டோரேஜ் வேரியண்ட்டில் இந்த போன் அறிமுகம் செய்யப்பட்டுள்ளது. 4ஜிபி வேரியண்ட் ரூ.12,499 மற்றும் 6ஜிபி வேரியண்ட் ரூ.14,499-க்கும் விற்பனை செய்யப்படும் என தெரிவிக்கப்பட்டுள்ளது. இந்த விலையில் இருந்து அறிமுக சலுகை விலையாக சில மாற்றங்கள் வரலாம் என்றும் தெரிகிறது. மொத்தம் மூன்று வண்ணங்களில் கிடைக்கும் இந்த மொபைல் வரும் 13-ம் தேதி முதல் இந்த போனின் விற்பனை வருமென அறிவிக்கப்பட்டுள்ளது.
Before You Go
Gali Madhavi Latha : 1178 அடி.. காஷ்மீரின் அதிசயம்.. உலகை அலறவிடும் இந்திய பெண்! யார் இந்த மாதவி ?
தலைப்பு செய்திகள்
ட்ரெண்டிங் செய்திகள்
