Alienware முதல் XPS சீரிஸ் வரை.. `டெல்’ அறிமுகப்படுத்தும் புதிய லேப்டாப்கள்! - என்ன ஸ்பெஷல்?

டெல் நிறுவனம் இந்தியாவில் புதிய லேப்டாப் மாடல்களை வெளியிட்டுள்ளது. இவை மாணவர்கள், கேம் விளையாடுபவர்கள், தொழில் வல்லுநர்களிள் ஆகியோரின் தேவைக்காக உருவாக்கப்பட்டுள்ளன.

டெல் லேப்டாப்

டெல் நிறுவனம் இந்தியாவில் புதிய லேப்டாப் மாடல்களை வெளியிட்டுள்ளது. இவை மாணவர்கள், கேம் விளையாடுபவர்கள் மற்றும் தொழில் வல்லுநர்களின் தேவைக்காக உருவாக்கப்பட்டுள்ளன. ஏலியன்வேர் மாடல் முதல் டெல் G15 மாடல் வரை, டெல் நிறுவனத்தால் வெளியிடப்பட்டுள்ளன. மேலும், டெல் நிறுவனம் XPS 15, XPS 17 ஆகிய மாடல்களின் வடிவமைப்பில் சில மாற்றங்களைச் செய்து, இந்தியாவில் விற்பனைக்கு வெளியிட்டுள்ளது. எனினும், அனைவரின் கண்களும் தற்போது வெளியாகியிருக்கும் ஏலியன்வேர் மாடலின் X சீரிஸ் மீதே உள்ளன. ஏலியன்வேர் தயாரித்திருக்கும் மிக மெல்லிய லேப்டாப்கள் இவை. 

டெல் நிறுவனம் வெளியிட்டுள்ள மாடல்கள் என்னென்ன?

Alienware x15 

ஏலியன்வேர் சீரிஸில் தற்போது டெல் நிறுவனம் Alienware x15 மற்றும் Alienware x17 ஆகிய மாடல்களை வெளியிட்டுள்ளது. இதில் Alienware x15 மாடலில் 11th Gen Intel® Core™ i9-11900H processor, 32GB DDR4 RAM ஆகிய அம்சங்கள் இடம்பெற்றுள்ளன. இதனை வாங்குபவர்களுக்கு 1TB M.2 PCIe NVMe SSD ஸ்டோரேஜ் வசதியும் வழங்கப்படுகிறது. 15.6 இன்ச் FHD டிஸ்ப்ளேவைக் கொண்டுள்ள இந்த மாடலில் 360Hz refresh rate 300nits with GSYNC வசதியும் உண்டு. இந்தியாவில் இந்த மாடலின் தற்போதைய விலை 2,40,990 ரூபாய். 

Alienware x17

Alienware x17, முந்தைய மாடலான Alienware x15 மாடலை விட சிறந்தது. இதில் 1th Gen Intel® Core™ i9-11980HK processor கொடுக்கப்பட்டுள்ளது. பெரும்பாலும் கேம் விளையாடுவதற்காகப் பயன்படுத்தப்படும் இந்த மாடலில், 32GB DDR4, 1TB M.2 PCIe NVMe SSD ஸ்டோரேஜ் ஆகிய வசதிகள் கொடுக்கப்பட்டுள்ளன. மேலும் இதில் NVIDIA® GeForce RTX™ 3080 16GB GDDR6 கிராபிக்ஸ் கார்ட் கொடுக்கப்பட்டுள்ளது. இதன்மூலம், பெரிய அளவிலான கேம்களையும், அதிக கிராபிக்ஸ் கொண்ட கேம்களையும் மிக எளிதாக, எந்தத் தடங்கலுமின்றி விளையாட முடியும். இது அளவிலும் முந்தையதை விட சற்றே பெரியது.  17.3" FHD டிஸ்ப்ளேவுடன் 360Hz refresh rate அம்சமும் இதில் உள்ளது. இந்தியாவில் இந்த மாடலின் தற்போதைய விலை 2,90,990 ரூபாய்.

Dell G15 சீரிஸ்

Dell G15 சீரிஸ் பெரும்பாலும் கேம் விளையாடுபவர்களுக்கும், மாணவர்கள் கல்விக்காகப் பயன்படுத்துவதற்காகவும் பயன்படுத்தலாம். G15 சீரிஸில் கிடைக்கும் லேப்டாப்களில் 11th Gen Intel TGL-H அல்லது AMD Ryzen ப்ராசஸர்கள் பொறுத்தப்பட்டுள்ளன. இதில் NVIDIA GeForce RTX 30 சீரிஸ் கிராபிக்ஸ் கார்ட் பொருத்தப்பட்டுள்ளது. 15.6 இன்ச் FHD டிஸ்ப்ளேவைக் கொண்டுள்ள இந்த மாடலில் 120Hz refreshing rate உள்ளது. AMD ப்ராசஸர் உள்ள மாடல்களின் விலை 82,990 ரூபாய் முதல் தொடங்குகிறது; அதே இண்டெல் ப்ராசஸர் பொருத்தப்பட்டிருக்கும் மாடல்களின் விலை 94,990 ரூபாயில் இருந்து தொடங்குகிறது. இந்த சீரிஸ் வரும் செப்டம்பர் 23 முதல் விற்பனைக்கு வருகின்றன. 

Dell XPS 15

Dell XPS 15 மாடலில் 11th Gen Intel CoreTM i9H ப்ராசஸர் வசதியுள்ளது. இதனோடு, Nvidia GeForce RTX 3050 Ti GPU range கிராபிக்ஸ் கார்டைப் பொருத்திக் கொள்ள முடியும். இந்த லேப்டாப் மாடலின் டிஸ்ப்ளே 4K Ultra HD+ ஆகவும், இதில் 100% Adobe RGB, 94% DCIP 3 colour gamut ஆகிய வண்ண மயமான வசதியும் சேர்க்கப்பட்டுள்ளது. இதன் மூலம், கேம் விளையாடுபவர்களின் அனுபவம் இதில் இன்னும் மேம்பட்டிருக்கும். இதன் விலை 2,23,990 என்று நிர்ணயிக்கப்பட்டிருக்கும் நிலையில், இது வரும் செப்டம்பர் 23 முதல் விற்பனைக்கு வருகிறது. 

Dell XPS 17

Dell XPS 17 மாடலில் 11th Gen Intel Core i9-11980HK ப்ராசஸர் வசதியும், இதில் Nvidia GeForce RTX 3060 கிராபிக்ஸ் அம்சமும் சேர்க்கப்பட்டுள்ளன. 17 இன்ச் டிஸ்ப்ளேவில் 4K UHD+ அம்சமும், 97Whr பேட்டரியும் இந்த மாடலில் இடம்பெற்றுள்ளன. இதன் விலை 2,64,490 ரூபார் என நிர்ணயிக்கப்பட்டுள்ளது.