BSNL: செம்மையான திட்டமா இருக்கே.! இனி சிம்கார்டு இல்லாமல் பேசலாம்; மாஸ்காட்டும் பி.எஸ்.என்.எல்
BSNL D2D: இனி சிம் கார்டு இல்லாமலேயே அழைப்புகளை மேற்கொள்ளும் சேவையை , பி.எஸ்.என்.எல் விரைவில் வழங்கும் என எதிர்பார்க்கப்படுகிறது.
பொதுத்துறை தொலைதொடர்பு நிறுவனமான பி.எஸ்.என்.எல், விரைவில் பல்வேறு புதிய தொழில்நுட்ப சேவைகளின் அப்டேட்டுகளை பயனர்களுக்கு வழங்கவுள்ளது.
D2D தொழில்நுட்பம்:
பி.எஸ்.என்.எல். தொலைதொடர்பு நிறுவனமானது, தொழில்நுட்ப ரீதியான , வெற்றிகர சோதனையை செய்துள்ளது. அது என்னவென்றால் டைரக்ட் டூ டிவைஸ் ( Direct To Devices – D2D) என்னும் சோதனையை வெற்றிகரமாக செய்துள்ளது.
இந்த தொழில்நுட்பமானது, செயற்கைக்கோள் உதவியுடன் இணைந்து இயங்குகிறது. அதாவது, செயற்கைக்கோளுடன் இணைந்து சேவைகளை வழங்கும். இதன் உதவியால், வாடிக்கையாளர்கள் சிம் கார்டு இல்லாமல் அழைப்புகளை மேற்கொள்ள முடியும். கிராமப்புற உள்ளிட்ட கடைசி பகுதிகளிலும் , தடையின்றி அழைப்புகளை மேற்கொள்ள முடியும். இதற்காக Viasat உடன் இணைந்து BSNL ஆனது செயல்பட திட்டமிடப்பட்டுள்ளதாக அறிவிப்பு வெளியாகியுள்ளது.
எவ்வித காலநிலை:
இந்த தொழில்நுட்பத்தால் அவசரநிலை காலங்கள் அல்லது இயற்கை பேரழிவுகளில் உதவும் வகையில் இருக்கும் எனவும் தெரிவிக்கப்பட்டுள்ளது. மேலும் நிலம், காற்று மற்றும் கடலில் என அனைத்து இடங்களிலும் வேலை செய்ய எனவும் கூறப்படுகிறது.
இந்தியாவில் , தனியார் தொலைத்தொடர்பு நிறுவனங்களான ஏர்டெல், ஜியோ, வோடாபோன் உள்ளிட்டவை 5ஜி தொழில்நுட்ப சேவையை வழங்குகின்றன. ஆனால் , பொதுத்துறை தொலைத்தொடர்பு நிறுவனமான பி.எஸ்.என்.எல், இன்னும் நாடு ,முழுவதிலும் 4 ஜி சேவையை வழங்கவில்லை.
இந்நிலையில் டி2டி தொழில்நுட்ப சோதனையை வெற்றிகரமாக செய்திருந்தாலும், எப்போது பொதுமக்கள் பயன்பாட்டுக்கு வரும் என்பது கேள்விக்குறிதான் என பொதுமக்கள் சிலர் கருத்து தெரிவிக்கின்றனர்.
மக்கள் எதிர்பார்ப்பு:
சமீபத்தில் BSNL, ஒரு புதிய லோகோ மற்றும் ஸ்லோகனை மாற்றியமைத்தது. புதிய தொழில்நுட்ப சேவையான டி2டி மற்றும் நேரடியாக 6ஜி பயன்பாட்டுக்கு வருவது என பல முன்னோடி திட்டங்களை பிஎஸ்என்எல் நிறுவனமானது, தயாராக வைத்திருந்தாலும் , எப்போது பயன்பாட்டுக்கு வரும் என உறுதியாக தெரியவில்லை. இதுபோன்ற சேவைகள், விரைவில் மக்களின் பயன்பாட்டுக்கு வந்தால், மக்களுக்கு மிகுந்த பயனுள்ளதாக இருக்கும் என எதிர்பார்க்கப்படுகிறது.
#BSNL has achieved a major milestone by commissioning its first #4GSaturation site on VSAT media in Rarik, a remote village in Lahaul & Spiti, at -6°C. As part of the Digital Bharat Nidhi project, this effort represents our unwavering dedication to connecting even the most… https://t.co/NoShP9AErp
— BSNL India (@BSNLCorporate) November 14, 2024
Before You Go
Gali Madhavi Latha : 1178 அடி.. காஷ்மீரின் அதிசயம்.. உலகை அலறவிடும் இந்திய பெண்! யார் இந்த மாதவி ?
தலைப்பு செய்திகள்
ட்ரெண்டிங் செய்திகள்
