மேலும் அறிய

Krishna Janmashtami 2023: கிருஷ்ண ஜெயந்தி அன்று விரதம் இருக்கப்போறீங்களா? அப்போ இதையெல்லாம் தவிர்த்திடுங்க..

இந்த ஆண்டு கிருஷ்ண ஜெயந்தி ரோகிணி நட்சத்திரம் செப்டம்பர் 6-ஆம் தேதி காலை 9.20 மணிக்கு தொடங்கி செப்டம்பர் 7-ஆம் தேதி காலை 10.25 மணிக்கு முடிவடைகிறது.

Written By : உமா பார்கவி | Updated at : 04 Sep 2023 06:01 PM (IST)

கிருஷ்ண ஜெயந்தி

Krishna Janmashtami 2023: இந்த ஆண்டு கிருஷ்ண ஜெயந்தி ரோகிணி நட்சத்திரம் செப்டம்பர் 6-ஆம் தேதி காலை 9.20 மணிக்கு தொடங்கி செப்டம்பர் 7-ஆம் தேதி காலை 10.25 மணிக்கு முடிவடைகிறது.

கிருஷ்ண ஜெயந்தி 2023:

காக்கும் கடவுளான மகாவிஷ்ணுவின் 10 அவதாரங்களும் தனித்தனி சிறப்பு வாய்ந்ததாகும். அந்த 10 அவதாரங்களில் ஒவ்வொரு அவதாரமும் தனிச்சிறப்பு வாய்ந்தவை. அதில் மிக, மிக சிறப்பு வாய்ந்தது அவர் எடுத்த 9-வது அவதாரமான கிருஷ்ண அவதாரமாகும். கம்சனை அழிக்க விஷ்ணு எடுத்த கிருஷ்ண அவதாரமே கிருஷ்ண ஜெயந்தி (Krishna Jayanthi) என்ற பெயரிலும், கோகுலாஷ்டமி என்ற பெயரிலும் கொண்டாடப்படுகிறது. நடப்பாண்டிற்கான கிருஷ்ண ஜெயந்தி வரும் 6-ஆம் தேதி கொண்டாடப்பட உள்ளது. தமிழ்நாட்டிலும் கிருஷ்ண ஜெயந்தி மிக மிக சிறப்பாக கொண்டாடப்படுகிறது.

நடப்பாண்டிற்கான கிருஷ்ண ஜெயந்தி தேய்பிறை அஷ்டமியில் கொண்டாடப்படுகிறது. கிருஷ்ண ஜெயந்திக்கான திதி நேரம் 6ஆம் தேதி இரவு 9.13 மணி முதல் மறுநாள் ( அதாவது 7-ஆம் தேதி) இரவு 9.14 வரை உள்ளது. கிருஷ்ணர் அவதரித்த ரோகிணி நட்சத்திரம் என்பதால், கிருஷ்ண ஜெயந்தியன்று ரோகிணி நட்சத்திரம் மதியம் 3.24க்கு தொடங்கி மறுநாள் மதியம் 3.23க்கு முடிவடைகிறது. கிருஷ்ண ஜெயந்திக்கான திதியும், ரோகிணி நட்சத்திரமும் 7-ஆம் தேதியும் வந்தாலும் கிருஷ்ண ஜெயந்தியை 6-ஆம் தேதியே கொண்டாட வேண்டும். கிருஷ்ண ஜெயந்தியை மாலை நேரத்தில் கொண்டாடுவது சிறப்பு ஆகும். இந்த நேரத்தில் நீங்கள் விரதம் இருக்க நினைத்தால் செய்ய வேண்டியவை மற்றும் செய்ய கூடாதவை என நம்பப்படுபவற்றைக் காணலாம்.

விரதம் இருப்பவர்கள் செய்யக் கூடியவை:

கிருஷ்ண ஜெயந்தி அன்று, பலர் உணவு மட்டுமில்லாமல், தண்ணீர் கூட குடிக்காமல் விரதத்தை கடைப்பிடிக்கிறார்கள். சிலர் உணவு சாப்பிடாமல் பழங்களை மட்டும் சாப்பிடுகின்றனர். ஆனால், விரதத்தின்போது, கஞ்சி, கிச்சடி, சப்பாத்தி, நெய் சாதம் உள்ளிட்டவற்றை சாப்பிட வேண்டும்.
கிருஷ்ண ஜெயந்தி அன்று விரதம் இருப்பவர்கள் உணவு, தண்ணீர் போன்றவைகளை தானம் செய்வது புன்னியம் தரும் என்று முன்னோர்கள் கூறுகின்றனர். அதேபோல, விரதம் இருக்கும்போது, தேவைப்படும்பவர்கள் உணவு, தண்ணீர், தானம் செய்யலாம் என்று கூறுகின்றனர்.
பசுக்கள் பகவான் கிருஷ்ணருக்கு மிகவும் நெருக்கமானவ. ஜென்மாஷ்டமி விரதத்தின் போது பசுக்களுக்கு உணவளிப்பதும் உன்னதமானதாக கருதப்படுகிறது.
விரதம் இருப்பவர்கள் உலர் பழங்கள், பழங்களை உட்கொள்ள வேண்டும். அதாவது, ஆப்பிள், ப்ளாக் பெர்ரிகள், வாழைப்பழங்கள், திராட்சைகள், பாதாம் உள்ளிட்டவற்றை எடுத்துக் கொள்ளலாம்.
ஜென்மாஷ்டமி விரதத்தின்போது, பால், தயிர், பழச்சாறு போன்ற பானங்களை அருந்தலாம் என்று கூறப்படுகிறது.

விரதம் இருப்பவர்கள் செய்யக் கூடாதவை:

ஜென்மாஷ்டமியன்று விரதம் இருக்கும்போது வெங்காயம் அல்லது பூண்டை பயன்படுத்தவோ, சாப்பிடவோ கூடாது என்று அறிவுறுத்தப்படுகிறது
விரதத்தின் போது அசைவ உணவுகளை உட்கொள்வது கண்டிப்பாக தவிர்க்க வேண்டும்.
உண்ணாவிரதத்தின் போது பலர் தங்கள் உடலை சுறுசுறுப்பாக வைத்திருக்க டீ அல்லது காபி குடிப்பார்கள். அதன் இரண்டையும் விரதத்தின்போது தவிர்க்க வேண்டும்.
பக்தர்கள் சாப்பிடுவதற்கு அல்லது பரிமாறுவதற்குப் பயன்படுத்தப்படும் எந்தப் பாத்திரங்களும் அசைவ உணவுக்குப் பயன்படுத்தப்படாமலும் இருப்பதை உறுதிப்படுத்திக் கொள்ள வேண்டும்.
விரதத்தின்போது எண்ணெய் உணவுகளை முடிந்தவரை தவிர்க்கவும். அதற்கு பதிலாக பழங்கள், பால் மற்றும் பழச்சாறுகளை உணவில் சேர்த்துக் கொள்ள வேண்டும்.